I Samuel 14:6 - Nau Brah Ndu Ngơi 2023

⁶ Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”

I Samuel 14:6 Iomraidhean Croise

II Samuel 1:20

Lơi nkoch ôh nau nây tâm Gat, Lơi mbơh ôh nau nây tâm lĕ trong Askalôn, Klach lah phung kon druh phung Philistin răm maak, Jêh ri phung kon bu ur phung mâu koh ntâu dơi răm rhơn!

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

II Phung Hađăch 19:4

N'hêl nanê̆ Yêhôva Brah Ndu may hŏ tăng jêh lĕ rngôch nau Y-Rabshakeh ngơi jêh ri kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng, jêh ri Yêhôva Brah Ndu may mra rmal ma khân păng yor lĕ nau ngơi Păng hŏ tăng jêh. Yor ri, dăn ma may mbơh sơm hom ma phung hôm klen.’”

II Nau Rêh Jêng 14:10

Y-Asa jă hăn tâm lơh jêh ri nkrĭp dăp tahan tâm rlŭng Sêphatha dăch ta Marêsa.

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

Nau Mprơ Ơm 135:6

Brah Yêhôva ƀư lĕ ndơ ueh ma nau Păng ŭch, Nđâp lah tâm trôk mâu lah tâm neh ntu, Tâm dak rlai mâu lah tâm lĕ rngôch brŏng jru.

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Yêrêmi 9:25

Brah Yêhôva lah: “Aơ, mra tât nar Gâp tâm rmal phung knŏng dơn nau koh ntâu ta săk jăn,

Yêrêmi 9:26

nây jêng phung ƀon lan Êjipt, phung Yuđa, phung Êđôm, phung kon sau Ammôn, phung Môap jêh ri lĕ rngôch phung ƀon lan poih sŏk bar đah n'geng tôr jêh ri gŭ rêh tâm bri rdah. Yorlah lĕ rngôch ndŭl mpôl aơ mâu koh ntâu da dê, bi lĕ rngôch ngih phung Israel mâu koh ntâu tâm nuih n'hâm.”

Amôt 5:15

Tâm rmot hom ma nau mhĭk jêh ri rŏng hom ma nau ueh; Ndâk hom nau sŏng ta mpông ƀon. Klăp lah Yêhôva Brah Ndu ma phung tahan Mra ăn nau yô̆ ma phung Yôsep hôm klen!

Sôphôni 2:3

Hơi lĕ rngôch jêng phung dêh rhêt tâm bri neh, Jêng bunuyh mra ƀư tĭng nau Kôranh Brah ntăm, Joi hom Brah Yêhôva, Joi hom nau sŏng srăng, joi nau rdơ̆ rbăn; Klăp lah khân may mra dơi king n'gang Tâm nar Brah Yêhôva ji nuih.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Nau Kơp Bunuyh 10:32

Tơlah may hăn ndrel ma hên, hên mra pă ma may lĕ rngôch nau ueh Brah Yêhôva mra ăn ma hên.”

Nau Kơp Bunuyh 31:4

Ăp ndŭl mpôl Israel prơh hom du rbăn tahan hăn ma nau tâm lơh.”

Mathay 19:26

Brah Yêsu uănh ma khân păng jêh ri lah: “Kon bunuyh mâu dơi ƀư nau aơ ôh, ƀiălah Brah Ndu dơi ƀư lĕ rngôch nau.”

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Yôsuê 14:12

Pônây, ăn hom ma gâp bri klơ dor yôk aơ tĭng nâm nau Brah Yêhôva ngơi jêh tâm nar nĕ, yorlah tâm rnôk nây may tăng jêh ta aơ geh phung Anakim nđâp ma lĕ ƀon toyh jêh ri nâp ngăn. Dăn Brah Yêhôva gŭ ndrel ma gâp gay gâp mprơh khân păng tĭng nâm Brah Yêhôva lah jêh.”

Phung Kôranh Phat Dôih 15:18

Yorlah ji hir dak hâu ngăn, păng kuăl mbơh sơm Brah Yêhôva pô aơ: “Kôranh Brah hŏ ăn ma oh mon Kôranh Brah nau tâm rklaih toyh aơ, aƀaơ mâm gâp mra khĭt ma nau ji hir, jêh ri tŭp đŏng tâm ti phung mâu geh koh ntâu?”

I Samuel 14:5

N'gơn yôk lŭ mpeh dor gŭ tra năp Mikmas, bi n'gơn yôk mpeh rđŭng gŭ tra năp Gêba.

I Samuel 14:7

Nơm tuy ndơ tâm lơh ma păng, lah: “Ƀư lĕ ntil nau may ŭch, gâp geh du nuih n'hâm ndrel ma may lĕ.”

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”

I Samuel 17:36

Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”

I Samuel 17:46

Nar aơ Brah Yêhôva mra jao may tâm ti gâp. Gâp nkhĭt may, koh bôk may; jêh ri lĕ săk jăn phung tahan Philistin khĭt mra ƀư mpa sa ma sĭm klơ trôk jêh ri ma mpô mpa bri. Lĕ rngôch neh ntu mra dơi gĭt geh du huê Brah Ndu tâm Israel,

I Samuel 17:47

jêh ri lĕ rngôch phung tâm rƀŭn aơ mra saơ Brah Yêhôva mâu tâm rklaih ma đao, mâu lah tak ôh. Yor Brah Yêhôva jêng Kôranh Brah nau tâm lơh, Păng mra jao khân may tâm ti hên.”

I Samuel 31:4

Y-Sôl lah ma nơm djôt ndơ tâm lơh păng: “Tŏk hom đao may jêh ri ntâp gâp, klach lah phung mâu koh ntâu aơ văch tât ntâp gâp jêh ri ƀư bêk prêng gâp.” Ƀiălah nơm djôt ndơ tâm lơh mâu nănh ƀư ôh yorlah klach ngăn. Yor ri, Y-Sôl sŏk đao jêh ri kŭnh tom tra ntang ntơh sân đah đao nây.