I Samuel 14:39 - Nau Brah Ndu Ngơi 2023

³⁹ Yorlah tĭng nâm Brah Yêhôva gŭ rêh mro mrăng, jêng Nơm tâm rklaih phung Israel, phung hŏ ƀư tih jêh nđâp lah nây jêng Y-Jônathan, kon bu klâu gâp, nanê̆ păng mra khĭt!” Mâu geh du huê nuyh tâm phung ƀon lan plơ̆ sĭt lah ôh ma păng.

I Samuel 14:39 Iomraidhean Croise

II Samuel 12:5

Y-Đavit hao ji nuih ngăn ma bunuyh ndrŏng nây, jêh ri lah ma Y-Nathan: “Nanê̆ tĭng nâm Brah Yêhôva gŭ rêh mro mrăng, bunuyh hŏ ƀư nau nây khư nau khĭt yơh!

II Samuel 14:21

Jêh nau nây, hađăch lah ma Y-Jôap: “Gâp mra ăn lĕ nau may dăn. Hăn hom leo bu klâu ndăm Y-Apsalôm plơ̆ sĭt ta aơ.”

Nơm Nti 9:2

Ăp nau kan geh tât ăn ma lĕ rngôch bunuyh du ai tâm ban, nsum du mrô tâm nal: Bunuyh sŏng srăng tâm ban ma phung djơh mhĭk, Bunuyh ueh tâm ban ma phung mhĭk, Bunuyh geh nau kloh tâm ban ma phung ƀơ̆ ƀơch, Bunuyh nhhơr mpa ƀư brah tâm ban phung mâu nhhơr, Bunuyh sŏng tâm ban ma phung nau tih, Bunuyh tâm ton tâm ban phung mâu nănh tâm ton.

I Samuel 14:24

Tâm nar nây lĕ, phung Israel hŏ huăr ngăn jêh yorlah Y-Sôl sơm ton ma phung ƀon lan pô aơ: “Geh nau rak rtăp ma mbu moh sông sa du ntil ndơ lor tơlah ê-hŏ nhâp nar, nâm bu ntĭt lor gâp plơng har lôch jêh ma phung rlăng gâp!” Yor ri, lĕ rngôch phung ƀon lan mâu nănh sông sa nhêt du ntil ndơ ôh.

I Samuel 14:40

Păng lah ma lĕ rngôch phung Israel: “Khân may dâk hom đah aơ, gâp jêh ri Y-Jônathan, kon bu klâu gâp, mra dâk đah ri.” Phung ƀon lan lah ma Y-Sôl: “Ƀư hom nau may mĭn di.”

I Samuel 14:44

Y-Sôl lah: “Hơi Y-Jônathan, tơlah may mâu khĭt, dăn Brah Ndu ƀư nau tât ma gâp jâk jêr.”

I Samuel 19:6

Y-Sôl tông bâr Y-Jônathan jêh ri sơm ton: “Tĭng nâm Brah Yêhôva gŭ rêh mro mrăng, Y-Đavit mâu mra khĭt ôh!”

I Samuel 20:31

Nanê̆ ngăn, ndah ir jŏ kon Y-Yêsê hôm rêh ta neh ntu, may mâu lah ƀon bri hađăch may mâu lĕ mra jêng nâp ktang! Pôri aƀaơ, prơh hom bunuyh hăn joi păng, njŭn leo păng sĭt ma gâp! Yorlah n'hêl nê̆ păng mra khĭt!”

I Samuel 22:16

Hađăch lah: “Hơi Y-Ahimalek, may jêh ri lĕ rngôch ngih vâl mbơ̆ may khĭt da dê!”

I Samuel 28:10

Y-Sôl sŏk amoh Brah Yêhôva gay sơm ton ma păng: “Nanê̆ tĭng nâm Brah Yêhôva gŭ rêh mro mrăng, ay mra mâu geh nau tâm rmal ôh ma nau aơ!”