I Samuel 14:36 - Nau Brah Ndu Ngơi 2023

³⁶ Pakơi nau nây, Y-Sôl lah: “He jŭr hom hăn tĭng phung Philistin du măng aơ, pit in ƀư rai khân păng kŏ tât ang ôi, jêh ri lơi om du huê nuyh hôm rêh.” Khân păng lah: “Ƀư hom lĕ nau may mĭn di.” Ƀiălah kôranh ƀư brah lah: “He mbơh sơm hom ma Brah Yêhôva, ta aơ.”

I Samuel 14:36 Iomraidhean Croise

Nau Mprơ Ơm 73:28

Ƀiălah ueh maak ngăn ma gâp dơi văch dăch ma Brah Ndu; Gâp săch Kôranh Brah Yêhôva ƀư ntŭk gâp gŭ krap, Gay nkoch bri lĕ rngôch kan May.

Êsai 58:2

Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Yêrêmi 6:5

Aƀaơ, he rduh lơh hom tâm dôl măng, Ƀư rai lĕ ngih hađăch păng!”

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Nau Kơp Bunuyh 27:21

Ăn Y-Yôsuê tâm mâp ma kôranh ƀư brah Y-Êlêasar jêh ri yor Y-Yôsuê kôranh ƀư brah mra joi gĭt nau mĭn Brah Yêhôva ma ôp Urim tanăp măt Brah Yêhôva. Tĭng nâm nau ntăm Y-Êlêasar, Y-Yôsuê nđâp lĕ rngôch phung tâm rƀŭn mra hăn luh jêh ri hăn lăp.”

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

Yôsuê 10:19

Bi khân may nơm lơi gŭ rlu ôh, tĭng hom phung rlăng khân may, lơh phung tahan khân păng pakơi, lơi ăn khân păng nchuăt du lăp tâm ƀon khân păng ôh, yorlah Yêhôva Brah Ndu khân may hŏ jao jêh khân păng tâm ti khân may.”

Yôsuê 11:14

Phung ƀon lan Israel sŏk pit lĕ rngôch ndơ jêh ri mpô mpa rong tâm lĕ ƀon nây, ƀiălah sŏk đao nkhĭt lĕ rngôch bunuyh jêh ri ƀư rai khân păng. Khân păng mâu om du huê bunuyh hôm rêh.

I Samuel 1:23

Y-Êlkana, sai păng lah: “Ƀư hom tĭng nau ay mĭn di, gŭ kâp ta aơ kŏ tât kon păng chalơi pu toh. Knŏng dăn Brah Yêhôva ƀư tât ngăn nau ton Păng!” Pônây, H'Anna gŭ ta ngih păng kŏ tât kon păng chalơi pu toh.

I Samuel 11:11

Ang ôi taơ, Y-Sôl tâm pă phung ƀon lan jêng pe phung, dôl dăch luh nar, rduh lăp ta nklang pôih tahan jêh ri nkhĭt phung Ammôn tât nklang bôk nar. Phung hôm e nchuăt du pru pra, pôri mâu geh ôh tâm phung khân păng hôm gŭ ndrel bar hê.

I Samuel 14:3

Geh Y-Ahija, kon Y-Ahitup (Y-Ahitup jêng nâu Y-Ikabôt, kon Y-Phinêas, sau Y-Êli, kôranh ƀư brah Brah Yêhôva ta Silô), nôk nây nsoh ao êphôt. Bu mâu gĭt ôh ma Y-Jônathan lĕ hăn du jêh.