I Samuel 14:23 - Nau Brah Ndu Ngơi 2023

²³ Nar nây, Brah Yêhôva tâm rklaih phung Israel; jêh ri nau tâm lơh rlau ma ƀon Bet-Aven.

I Samuel 14:23 Iomraidhean Croise

II Phung Hađăch 14:27

Jêh ri Brah Yêhôva mâu mâp lah ôh Păng mra jut lơi amoh phung Israel bơh tâm dâng trôk, pôri Păng hŏ dŏng Y-Jêrôbôam, kon Y-Jôas, gay rklaih khân păng.

I Nau Rêh Jêng 11:14

Ƀiălah khân păng dâk ta nklang mir tâm rdâng jêh ri lơh nkhĭt phung Philistin. Brah Yêhôva kơl khân păng geh nau dơi tâm lơh toyh.

II Nau Rêh Jêng 32:22

Pôri, Brah Yêhôva tâm rklaih Y-Hêsêkia jêh ri phung gŭ tâm ƀon Yêrusalem tă bơh ti Y-Sênakêrip, hađăch Asiri, jêh ri rklaih bơh lĕ ti phung rlăng; Păng ăn nau đăp mpăn văr jŭm khân păng.

Nau Ngluh Êjipt 14:30

Tâm nar nây, Brah Yêhôva rklaih phung Israel bơh ti phung Êjipt, khăn păng saơ phung Êjipt ih săk jăn khĭt ta kơh dak mƀŭt.

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Nau Vay Nkah Tay 20:4

yorlah Yêhôva Brah Ndu khân may, jêng Nơm hăn ndrel ma khân may, gay hăn lơh phung rlăng jêh ri rklaih khân may.’

Yôsuê 7:2

Tă bơh Yêrikô, Y-Yôsuê njuăl bunuyh hăn tât ma Ai dăch Bet-Aven, ta mpeh luh nar Bêthel, ntăm pô aơ: “Hăn n'hut uănh hom ƀon Ai.” Pônây, khân păng hăn n'hut uănh ƀon Ai.

Phung Kôranh Phat Dôih 2:18

Ăp tơ̆ Brah Yêhôva n'hao phung kôranh phat dôih ăn phung Israel, Păng gŭ ndrel phung kôranh phat dôih nây. Dôl rnôk phung kôranh phat dôih hôm rêh, Brah Yêhôva rklaih phung Israel luh bơh ti phung rlăng khân păng, yorlah Păng yô̆ nđach ma lĕ nau nter vơl khân păng tâm nôk bu nkrit, tŭn jot ma khân păng.

I Samuel 10:19

Nar aơ khân may dun jêh ma Brah Ndu khân may, jêng Nơm tâm rklaih jêh khân may tă bơh lĕ rngôch nau mhĭk jêh ri nau o ach. Khân may hŏ lah jêh ma Păng pô aơ: ‘Dăn ndâk hom du huê hađăch chiă uănh hên!’ Pôri aƀaơ, tâm mpơl măt hom tanăp măt Brah Yêhôva tĭng ăp ndŭl mpôl jêh ri ăp ngih mbơ̆ khân may.”

I Samuel 13:5

Rnôk nây, phung Philistin tâm rƀŭn rgum gay tâm lơh đah phung Israel. Khân păng geh pe rmưn ndeh seh, prao rbăn nuyh tahan ncho seh, jêh ri phung tahan âk ngăn nâm bu choih ta kơh dak mƀŭt. Khân păng hăn hao ƀư pôih tahan ta Mikmas, mpeh luh nar Bet-Aven.

I Samuel 9:16

“Ôi taơ, di ta mông aơ, Gâp mra prơh du huê bunuyh gŭ ta n'gor Benjamin tât ma may jêh ri may mra mhĭng dak ƀâu kah ma păng gay păng jêng kôranh chiă uănh phung ƀon lan Israel Gâp. Păng mra tâm rklaih phung ƀon lan Gâp tă bơh ti phung Philistin, yorlah Gâp uănh treng jêh phung ƀon lan Gâp, yorlah nau khân păng nter vơl tât jêh ma Gâp.”