I Samuel 14:18 - Nau Brah Ndu Ngơi 2023

¹⁸ Y-Sôl lah ma Y-Ahija: “Djôt leo hom Hip Nau Tâm Rnglăp Brah Ndu văch ta aơ.” (Yorlah rnôk nây, Hip Nau Tâm Rnglăp Brah Ndu bu tung leo ndrel phung Israel).

I Samuel 14:18 Iomraidhean Croise

II Samuel 11:11

Y-Uri plơ̆ lah ma Y-Đavit: “Hip Nau Tâm Rnglăp nâm bu phung ƀon lan Israel jêh ri phung Yuđa dôl gŭ tâm ngih bok, kôranh gâp jêng Y-Jôap ndrel ma phung oh mon kôranh gâp gŭ njơh tâm mir, bi gâp plơ̆ sĭt tâm ngih gâp gay sông sa nhêt jêh ri bê̆ch ndrel ma ur gâp lĕ? Nanê̆ tĭng nâm hađăch jêh ri huêng hađăch ăt hôm rêh, gâp mâu mra ƀư nau nây ôh!”

Nau Kơp Bunuyh 27:21

Ăn Y-Yôsuê tâm mâp ma kôranh ƀư brah Y-Êlêasar jêh ri yor Y-Yôsuê kôranh ƀư brah mra joi gĭt nau mĭn Brah Yêhôva ma ôp Urim tanăp măt Brah Yêhôva. Tĭng nâm nau ntăm Y-Êlêasar, Y-Yôsuê nđâp lĕ rngôch phung tâm rƀŭn mra hăn luh jêh ri hăn lăp.”

Phung Kôranh Phat Dôih 20:18

Pônây, phung ƀon lan Israel dâk hăn hao ma Bêthel jêh ri ôp ma Brah Ndu pô aơ: “Mbu nơm tâm hên mra hăn tâm lơh đah ndŭl mpôl Benjamin?” Brah Yêhôva plơ̆ lah: “Phung Yuđa mra hăn lor.”

Phung Kôranh Phat Dôih 20:23

Phung ƀon lan Israel hăn hao jêh ri nhĭm panăp Brah Yêhôva kŏ tât kêng măng. Khân păng ôp ma Brah Yêhôva pô aơ: “Hên dơi lĕ plơ̆ tâm lơh tay đah phung Benjamin, jêng phung oh nâu ma hên?” Brah Yêhôva plơ̆ lah: “Hăn hao lơh hom khân păng!”

I Samuel 14:17

Nôk nây, Y-Sôl lah ma phung tahan gŭ ndrel ma păng: “Kơp hom gay gĭt mbu moh lĕ chalơi phung tahan he.” Khân păng kơp jêh ri mâu saơ ôh Y-Jônathan jêh ri nơm tuy ndơ tâm lơh ma păng.

I Samuel 14:36

Pakơi nau nây, Y-Sôl lah: “He jŭr hom hăn tĭng phung Philistin du măng aơ, pit in ƀư rai khân păng kŏ tât ang ôi, jêh ri lơi om du huê nuyh hôm rêh.” Khân păng lah: “Ƀư hom lĕ nau may mĭn di.” Ƀiălah kôranh ƀư brah lah: “He mbơh sơm hom ma Brah Yêhôva, ta aơ.”

I Samuel 23:9

Ƀiălah Y-Đavit gĭt pô aơ Y-Sôl chră ŭch ƀư mhĭk ma păng, păng lah ma kôranh ƀư brah Y-Abiathar: “Djôt leo hom êphôt văch ta aơ.”

I Samuel 5:2

Jêh nau nây, khân păng leo nglăp Hip Nau Tâm Rnglăp Brah Ndu dơm tâm ngih brah Dagôn, jêh ri n'gân êp ta meng rup brah Dagôn.

I Samuel 7:1

Phung Kiriat-Jêarim văch chuă vơt tung Hip Nau Tâm Rnglăp Brah Yêhôva leo lăp ma ngih Y-Abinadap ta klơ dor yôk, jêh nây prăp êng ăn kon bu klâu păng jêng Y-Êlêasar nơm mât uănh Hip Nau Tâm Rnglăp Brah Yêhôva.