I Samuel 14:1 - Nau Brah Ndu Ngơi 2023

¹ Du nar, Y-Jônathan, kon Y-Sôl, lah ma bu klâu ndăm tuy ndơ tâm lơh ma păng: “Kay lŏng, he hăn rgăn hom pôih tahan phung Philistin gŭ mpeh đah ri.” Ƀiălah păng mâu mbơh ôh ma mbơ̆ păng gĭt.

I Samuel 14:1 Iomraidhean Croise

Mika 7:5

Lơi ta iăt nchroh ôh bunuyh chiau meng Jêh ri lơi ăn ôh nuih n'hâm may rnơm nsing mĭt jiăng may; Njrăng hom, lơi dĭng ngơi trôm mbung may Ndrel ma bu ur bê̆ch ta ntang ntơh may.

Phung Kôranh Phat Dôih 14:6

Huêng Brah Yêhôva văch gŭ ndrel ma Y-Samsôn kŏ tât păng hêk yau mŭr nây ma ti păng nâm bu hêk du mlâm be kon. Ƀiălah păng mâu mbơh ôh ma mê̆ mbơ̆ păng gĭt moh nau păng hŏ ƀư.

Phung Kôranh Phat Dôih 14:9

Păng kuak sŏk dak sŭt ma mpang ti păng, sa n'ho ma hăn. Nôk păng hăn văch dăch ma mê̆ mbơ̆ păng, jêh ri ăn ma păng ƀă sa, ƀiălah păng mâu nkoch ôh păng hŏ sŏk jêh dak sŭt nây tâm săk yau mŭr kon.

Phung Kôranh Phat Dôih 6:27

Y-Gidêôn săch jât nuyh tâm phung oh mon păng jêh ri ƀư tĭng nau Brah Yêhôva hŏ lah ma păng. Yorlah păng klach ma phung bunuyh tâm ngih păng jêh ri ma phung bunuyh tâm ƀon nây rĭ dĭng păng mâu nănh ƀư dôl nôk nar ƀiălah ƀư dôl măng.

I Samuel 13:2

Y-Sôl săch pe rbăn nuyh Israel: bar rbăn nuyh gŭ n'hanh păng ta Mikmas jêh ri klơ yôk Bêthel, bi du rbăn nuyh gŭ ndrel ma Y-Jônathan ta Gibêa tâm n'gor Benjamin. Păng mplơ̆ sĭt phung ƀon lan hôm e, ăp nơm sĭt ma ngih vâl khân păng nơm.

I Samuel 13:22

Yor nây tâm nar bu tâm lơh, lĕ rngôch phung hăn tĭng Y-Sôl jêh ri Y-Jônathan mâu geh ôh đao mâu lĕ geh tak djôt ta ti; knŏng ma Y-Sôl jêh ri kon bu klâu păng jêng Y-Jônathan dơm geh.

I Samuel 13:23

Du phung tahan Philistin hăn luh ƀư pôih ta yôk Mikmas.

I Samuel 14:2

Nôk nây, Y-Sôl dôl ƀư pôih tahan ta mpâr ƀon Gibêa, tâm dâng tơm play pom gra nat ta Migrôn, jêh ri phung tahan hăn tĭng păng geh tâm prao rhiăng nuyh.

I Samuel 25:19

Jêh nây păng lah ma phung oh mon: “Hăn hom lor, gâp mra tĭng groi khân may.” Ƀiălah păng mâu lah du nau ôh ma Y-Nabal, sai păng.