I Samuel 13:6 - Nau Brah Ndu Ngơi 2023

⁶ Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.

I Samuel 13:6 Iomraidhean Croise

II Samuel 24:14

Y-Đavit lah ma Y-Gat: “Gâp tŭp tâm nau rêh ni toyh ngăn! Pônây, ăn he tŭp tâm ti Brah Yêhôva, yorlah nau Păng yô̆ nđach toyh ngăn; ƀiălah lơi ăn gâp tŭp tâm ti bunuyh ôh.”

Êsai 42:22

Ƀiălah aơ jêng du phung ƀon lan bu ntŭng jêh ri bu pit sŏk jêh ndô ndơ; Lĕ rngôch khân păng dăk sân tâm trôm da dê, Jêh ri bu krŭng tâm ndrung; Khân păng jêng ndơ bu pit sŏk jêh ri mâu geh nơm tâm rklaih ôh, Jêng jêh ndơ bu pit sŏk Mâu geh nơm sâm lah pô aơ: “Mplơ̆ tay hom!”

Yêrêmi 41:9

Ntu dak Y-Ismaêl, kon bu klâu Y-Nêthania, mƀăr săk phung păng hŏ nkhĭt jêh, jêng ntu dak Y-Gêdalia, nây jêng ntu dak hađăch Asa kuyh jêh gay king ma Y-Baêsa, hađăch Israel. Y-Ismaêl, kon bu klâu Y-Nêthania, hŏ plơ̆ brôi đŏng bêng ma săk jăn khĭt.

Êsêkiêl 33:27

Pônây may lah hom ma khân păng pô aơ: Kôranh Brah Yêhôva lah: ‘Di ngăn tĭng nâm Gâp gŭ rêh mro mrăng, phung gŭ tâm ntŭk rlâm rai mra chôt khĭt ma đao, jêh ri Gâp mra jao phung gŭ tâm mir ăn ma mpô mpa sa kăp sa rvăn; bi ma phung gŭ tâm pôih tahan, trôm ntu mra khĭt yor nau ji tưp.

Philip 1:23

Gâp geh nau mpet bar đah: Gâp ŭch luh du jêh ri plơ̆ sĭt gŭ ndrel ma Brah Krist jêng nau ueh lơn âk ngăn.

ហេឞ្រើ 11:38

Neh ntu mâu khư ma khân păng gŭ ôh. Khân păng nsong mblêng tâm bri rdah, ta klơ yôk prêh, tâm lĕ trôm lŭ, tâm lĕ ntu brŏng trôm neh.

Yôsuê 8:20

Lah phung ƀon Ai uănh pakơi saơ nhhŭk ŭnh tâm ƀon thŭl leo klơ trôk jêh ri khân păng mâu hôm nchuăt du trong aơ mâu lah trong ri ôh, yorlah phung tahan Israel nchuăt du jêh mpeh bri rdah plơ̆ tay lơh phung tĭng khân păng.

Phung Kôranh Phat Dôih 10:9

Phung Ammôn tâm ban đŏng rgăn dak krong Yurdan gay hăn tâm lơh đah phung Yuđa, đah phung Benjamin, jêh ri đah ngih phung Êphraim. Phung Israel tŭp tâm nau rêh ni hâu ngăn.

Phung Kôranh Phat Dôih 20:41

Nôk nây, phung ƀon lan Israel plơ̆ tay, jêh ri phung Benjamin geh nau phit phơr yorlah khân păng saơ nau mhĭk dăch tât jêh ma khân păng.

Phung Kôranh Phat Dôih 6:2

Ti phung Madian tŭn jot phung Israel. Yor klach ma phung Madian rĭ dĭng phung ƀon lan Israel hŏ ƀư ntŭk du krap tâm trôm yôk, trôm ntu, jêh ri ƀư pôih.

I Samuel 13:15

Lah lôch jêh, Y-Samuel dâk hăn, tă bơh Gilgal tât ta Gibêa tâm n'gor Benjamin, bi Y-Sôl kơp phung tahan gŭ ndrel ma păng, geh klăp lah prao rhiăng nuyh.

I Samuel 14:11

Pôri, lĕ bar hê mpơl khân păng nơm tanăp pôih phung Philistin. Phung Philistin lah: “Ri, phung Hêbrơ du luh tă bơh trôm ntŭk khân păng tă krap.”

I Samuel 14:22

Lĕ rngôch phung Israel dôl gŭ krap nde tâm n'gor klơ dor yôk Êphraim, tăng nau phung Philistin lĕ nchuăt du, jêh ri tĭng lơh rgot khân păng.

I Samuel 23:19

Phung Sip hăn hao ma Y-Sôl ta Gibêa, jêh ri lah: “Y-Đavit du krap ta nklang hên tâm lĕ ntŭk pôih tâm bri Hêres nâp ngăn, ta gôl Hakila, mpeh rđŭng bri rdah.

I Samuel 24:3

Y-Sôl djôt leo pe rbăn nuyh tahan săch jêh tâm lĕ rngôch phung Israel, hăn joi gay nhŭp Y-Đavit jêh ri phung tĭng ndô̆ păng ta dor yôk lŭ Be Bri.

I Samuel 31:7

Phung Israel mpeh đah ri rlŭng jêh ri mpeh kơh đah ri dak krong Yurdan, saơ jêh phung tahan Israel nchuăt du, Y-Sôl jêh ri pe phung kon bu klâu păng khĭt jêh, khân păng chalơi ƀon jêh ri nchuăt du. Phung Philistin văch tât pit sŏk jêh ri gŭ tâm ƀon nây.

I Samuel 7:7

Tơlah phung Philistin tăng nau phung ƀon lan Israel tâm rgum jêh ta Mispa, phung kôranh Philistin hăn hao tâm lơh đah phung Israel. Phung ƀon lan Israel tăng nau nây jêh ri râm sâr ma phung Philistin,