I Samuel 12:9 - Nau Brah Ndu Ngơi 2023

⁹ Ƀiălah khân păng chuêl jêh Yêhôva Brah Ndu khân păng, yor ri Păng jao khân păng ăn tâm ti Y-Sisêra, kôranh tahan ta Hasôr, tâm ti phung Philistin jêh ri hađăch bri Môap; phung aơ tâm lơh đah khân păng.

I Samuel 12:9 Iomraidhean Croise

II Samuel 7:11

jêng nâm bu nôk Gâp njêng phung kôranh phat dôih chiă uănh phung ƀon lan Israel Gâp. Gâp hŏ rklaih may tă bơh lĕ rngôch phung rlăng jêh ri ăn nau đăp mpăn ma may. Rlau lơn ma nây, Brah Yêhôva lah pô aơ Păng mra ndâk ma may du nau chiă uănh.

Nau Mprơ Ơm 106:21

Khân păng chuêl Brah Ndu jêng nơm tâm rklaih jêh khân păng, Jêh ri ƀư kan dŭt toyh ma khân păng tâm bri Êjipt;

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Nau Vay Nkah Tay 32:18

Khân may mâu mĭn rvê ôh ma Lŭ Toyh hŏ njêng jêh khân may nơm Jêh ri chuêl jêh Brah Ndu Nơm ăn nau rêh.

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Phung Kôranh Phat Dôih 10:7

Brah Yêhôva ji nuih ma phung Israel. Păng jao khân păng tâm ti phung Philistin jêh ri tâm ti phung Ammôn.

Phung Kôranh Phat Dôih 13:1

Phung ƀon lan Israel plơ̆ ƀư tay nau mhĭk tanăp măt Brah Yêhôva, rĭ dĭng Brah Yêhôva jao khân păng tâm ti phung Philistin tâm puăn jât năm.

Phung Kôranh Phat Dôih 2:14

Pônây Brah Yêhôva ji nuih ngăn ma phung Israel. Păng jao khân păng tâm ti phung pit in gay phung nây sŏk lĕ ndơ khân păng. Păng tăch phung Israel ma phung rlăng gŭ văr jŭm khân păng jêh ri phung Israel mâu hôm dơi ôh tâm rđâng đah phung rlăng khân păng.

Phung Kôranh Phat Dôih 3:12

Phung ƀon lan Israel ƀư đŏng nau mhĭk tanăp măt Brah Yêhôva rĭ dĭng Brah Yêhôva ăn Y-Êglon, hađăch Môap, jêng janh ktang gay tâm rdâng đah phung Israel yorlah khân păng ƀư nau mhĭk tanăp măt Brah Yêhôva.

Phung Kôranh Phat Dôih 3:31

Pakơi Y-Êhut, geh Y-Samgar, kon bu klâu Y-Anat. Păng sŏk du mlâm mâng ntrŭt ndrôk dong nkhĭt prao rhiăng nuyh phung Philistin. Pôri păng ăt jêng nơm rklaih Phung ƀon lan Israel.

Phung Kôranh Phat Dôih 4:2

Yor ri, Brah Yêhôva tăch khân păng ma Y-Jabin, jêng hađăch Kanaan, nơm chiă uănh ta Hasôr. Kôranh chiă uănh toyh tahan Y-Jabin jêng Y-Sisêra gŭ ta Harôset phung bu năch.

I Samuel 12:15

Bi tơlah khân may mâu tông ôh bâr Brah Yêhôva, ƀiălah tâm rdâng đah nau vay Păng ntăm, ti Brah Yêhôva mra ƀư mhĭk ma khân may nâm bu păng hŏ ƀư mhĭk ma chô yau khân may.