I Samuel 12:5 - Nau Brah Ndu Ngơi 2023

⁵ Păng lah tay: “Brah Yêhôva jêng nơm mbơh tâm rdâng ma khân may, jêh ri nơm Păng tŏ jêh dak ƀâu kah mbơh đŏng pô aơ nar aơ ma nau khân may mâu saơ du ntil ndơ ôh tâm ti gâp.” Khân păng lah: “Dăn Păng jêng Nơm mbơh an!”

I Samuel 12:5 Iomraidhean Croise

Nau Ntơm 31:50

Tơlah may ƀư mhĭk ma phung kon bu ur gâp, mâu lah rlau ma phung kon bu ur gâp tơlah may hôm sŏk nđăp phung ur êng, pôri ăn may kah gĭt, nđâp lah mâu geh ôh bu bunuyh sek uănh he, Brah Ndu jêng nơm saơ ndrăng he gâp đah may.”

Ndrom Samƀŭt bơh Yôp 16:19

Tâm mông aƀaơ ro Nơm mbơh an ma gâp tâm trôk, Nơm chuai gâp gŭ ntŭk prêh klơ.

Ndrom Samƀŭt bơh Yôp 42:7

Jêh Brah Yêhôva ngơi nau nây ma Y-Yôp, Păng lah đŏng ma Y-Êlipas, bunuyh Têman, pô aơ: “Gâp hao ji nuih ngăn ma may jêh ri ma bar hê mĭt jiăng may yorlah khân may mâu ngơi nau di ma Gâp nâm bu Y-Yôp, jêng oh mon Gâp, hŏ ngơi.

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Ngluh Êjipt 22:4

Tơlah saơ ta ti nơm ntŭng ndơ păng hŏ ntŭng jêh, mâu lah ndrôk, seh bri, mâu lah biăp hôm rêh, nơm ntŭng nĕ păng mra ntrok bar tơ̆.

Yôhan 18:38

Pilat ôp: “Mâm jêng nau ngăn?” Jêh Pilat lah kơt nây, păng hăn tâm mâp ma phung Yuđa jêh ri lah: “Gâp mâu saơ ôh bunuyh aơ geh nau tih.

Kôranh Oh Mon 23:9

Pôri geh nau tâm rlăch ngơi nteh ngăn. Ƀaƀă kôranh nchih samƀŭt mpeh Pharisi dâk jêh ri tâm dun hâu ngăn pô aơ: “Hên joi mâu saơ ôh du ntil nau tih tâm bunuyh aơ. Gĭt lah brah huêng mâu lah tông mpăr ngơi đah păng?”

Kôranh Oh Mon 24:16

Yor nây, gâp srôih ƀaƀơ gay geh nuih n'hâm sŏng, mâu geh nau nduyh ôh tanăp Brah Ndu jêh ri tanăp kon bunuyh.

Kôranh Oh Mon 24:20

Mâu lah ăn phung gŭ ta aơ mbơh moh nau tih gâp hŏ ƀư, dôl gâp gŭ tanăp Mpôl Kôranh Phat Dôih;

I Kôrintô 4:4

Yorlah gâp mâu saơ tâm gâp nơm geh du nau tih, ƀiălah mâu di ma nau nây ôh gâp dơi kơp sŏng srăng. Nơm phat dôih gâp jêng Kôranh Brah yơh.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

I Samuel 12:4

Khân păng lah: “May mâu mâp ndơm mƀruh hên ôh, mâu lah tŭn jot hên, jêh ri mâu lah sŏk dơn jêh moh ndơ tă bơh ti bu.”

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”