I Samuel 12:3 - Nau Brah Ndu Ngơi 2023

³ Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”

I Samuel 12:3 Iomraidhean Croise

II Samuel 22:22

Yorlah gâp djôt prăp lĕ trong ndô̆ Brah Yêhôva, Mâu chalơi Brah Ndu gâp gay ƀư nau mhĭk.

Nêhêmi 5:11

Tâm nar aơ, dăn ma khân may mplơ̆ lơi hom ma khân păng tâm lŏ sre, đang krăk ƀâu, đang play ôlive jêh ri ngih khân păng nđâp ma nau sa kao ma prăk, ba ƀlê, ndrănh jêh ri dak ngi ôlive, jêng ndơ khân may hŏ nchâp ma khân păng chê̆ hom jêh.”

Nau Mprơ Ơm 15:5

Păng mâu ăn chan prăk sŏk kao, Mâu lĕ sŏk dơn ndơ blŏl gay ƀư mhĭk bunuyh mâu geh nau tih. Mbu nơm ƀư pônây Mâu mra mâp nau mpât n'gơ ôh.

Nau Ngluh Êjipt 20:17

May mâu dơi kơnh ngih phung chiau meng may, mâu dơi kơnh ŭch ur, mâu lah oh mon bu klâu, oh mon bu ur, ndrôk, seh bri mâu lah ăp moh ndơ jêng ndơ phung chiau meng may.”

Nau Ngluh Êjipt 22:4

Tơlah saơ ta ti nơm ntŭng ndơ păng hŏ ntŭng jêh, mâu lah ndrôk, seh bri, mâu lah biăp hôm rêh, nơm ntŭng nĕ păng mra ntrok bar tơ̆.

Nau Ngluh Êjipt 23:8

Lơi may dơn ôh drăp bu blŏl, yorlah drăp bu blŏl mra ƀư chieh măt nơm gĭt blau jêh ri nsak nau ngơi bơh phung nơm sŏng srăng.

Nau Hôr 15:27

Bunuyh kơnh sa drăp tih ƀư uh ah ma ngih păng nơm, Bi nơm rmot ma drăp bu blŏl mra dơi geh nau rêh.

Kan Lêvi 6:4

Mbu nơm hŏ ƀư tih jêh ri geh nau tih kơt nây ăn păng mplơ̆ hom ndơ păng hŏ ntŭng jêh, mâu lah ndơ păng hŏ sŏk jêh, mâu lah ndơ bu njuăl ma păng, mâu lah lĕ ndơ roh jêh ri păng dônh,

Kan Lêvi 6:5

mâu lah moh ntil ndơ păng geh yor ton mƀruh. Ăn păng ntrok rĭng n'ho ma ntop du kô̆ tâm prăm rnoh khlay, jêh nây ndơ̆ ma nơm kôranh ndơ nây tâm nar păng nhhơr ndơ ƀư brah chuai nau ƀư tih.

Nau Kơp Bunuyh 16:15

Y-Môis ji nuih ngăn jêh ri lah ma Brah Yêhôva: “Dăn Kôranh Brah lơi dơn ma ndơ ƀư brah khân păng nhhơr. Gâp mâu nhŭp du mlâm seh bri ôh tă bơh khân păng jêh ri gâp mâu mâp ƀư nau mhĭk ôh ma du huê nuyh tâm khân păng.”

Mathay 22:21

Khân păng plơ̆ lah: “Sêsar.” Păng lah: “Pôri mplơ̆ sĭt hom ma Sêsar lĕ ndơ Sêsar, jêh ri mplơ̆ hom ma Brah Ndu lĕ ndơ Brah Ndu.”

Luka 19:8

Ƀiălah Y-Sachê gŭ nsrâng tanăp Kôranh Brah jêh ri ơh: “Hơi Kôranh Brah, aơ, gâp sŏk du n'gul drăp ndơ gâp gay ăn ma phung o ach; tơlah gâp ƀư mhĭk ma mbu moh nau, gâp mra ntrok âk lơn puăn tơ̆.”

Kôranh Oh Mon 20:33

Gâp mâu kơnh ir ma prăk, mah, mâu lah bok ao bu ôh.

II Kôrintô 12:14

Aơ jêng tơ̆ rơh pe gâp rơm ndrăp hăn chop khâl ma khân may; gâp mâu mra ƀư jâk khân may ôh, yorlah gâp mâu joi drăp ndơ khân may ôh, ƀiălah joi khân may yơh. N'hêl nanê̆ ngăn, mâu di phung kon ôh bun prăp drăp ndơ ma mbơ̆ mê̆, ƀiălah mê̆ mbơ̆ bun prăp drăp ndơ ma phung kon.

Nau Vay Nkah Tay 16:19

Khân may mâu dơi ôh ƀư tih đah nau di, mâu gŭ nding, mâu dơn ôh drăp bu blŏl, yorlah drăp bu blŏl mra ƀư chieh măt phung blau mĭn jêh ri nsak nau ngơi bơh phung nơm sŏng srăng.

I Têsalônik 2:10

Khân may mbơh nkoch, jêh ri Brah Ndu mbơh đŏng pô aơ ma khân may jêng phung chroh, hên hŏ gŭ ngao tâm nau kloh, nau sŏng srăng jêh ri mâu geh nau nduyh ôh.

I Têsalônik 2:5

Yorlah khân may gĭt, jêh ri geh Brah Ndu jêng nơm mbơh, hên mâu mâp ôh dŏng lĕ nau ngơi ueh rlau keh ir, mâu lah ƀư kan yor ma nau kơnh drăp ndơ;

I Pêtrôs 5:2

Chiăp hom phung biăp Brah Ndu jao jêh ma khân may, mâu di yor ma nau nchâp ôh, ƀiălah ŭch nđơr êng, mâu di yor ma drăp ndơ nkhôm mâu khlay ôh ƀiălah ma lĕ nuih n'hâm nđơr,

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 12:4

Khân păng lah: “May mâu mâp ndơm mƀruh hên ôh, mâu lah tŭn jot hên, jêh ri mâu lah sŏk dơn jêh moh ndơ tă bơh ti bu.”

I Samuel 12:5

Păng lah tay: “Brah Yêhôva jêng nơm mbơh tâm rdâng ma khân may, jêh ri nơm Păng tŏ jêh dak ƀâu kah mbơh đŏng pô aơ nar aơ ma nau khân may mâu saơ du ntil ndơ ôh tâm ti gâp.” Khân păng lah: “Dăn Păng jêng Nơm mbơh an!”

I Samuel 2:35

Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.

I Samuel 24:11

Aơ, uănh hom! Măt may nơm lĕ saơ jêh nar aơ, tâm trôm lŭ, Brah Yêhôva hŏ jao jêh hađăch tâm ti gâp. Bu nsŭk gâp nkhĭt hađăch, ƀiălah gâp chalơi om hađăch, jêh ri lah: ‘Gâp mâu mra yơr ti ƀư mhĭk ma kôranh gâp ôh, yorlah hađăch jêng nơm Brah Yêhôva tŏ dak ƀâu kah jêh.’

I Samuel 24:6

Pônây, nuih n'hâm Y-Đavit nduyh êng păng nơm yor nau păng koh ntôr ao rjai hađăch Y-Sôl.

I Samuel 24:7

Păng lah ma phung tĭng ndô̆ păng: “Dăn Brah Yêhôva lơi ăn gâp ƀư tih đah kôranh gâp, jêng nơm Brah Yêhôva tŏ dak ƀâu kah, lơi ăn ti gâp pah ta păng, yorlah Y-Sôl jêng nơm Brah Yêhôva tŏ dak ƀâu kah.”

I Samuel 26:11

Ăn Brah Yêhôva mât mray gâp mâu yơr ti gâp ma nơm Brah Yêhôva lĕ tŏ dak ƀâu kah jêh! May sŏk lơi hom tak ta bôk bê̆ch păng jêh ri dak yăng păng, jêh nây he hăn du.”

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”