I Samuel 12:22 - Nau Brah Ndu Ngơi 2023

²² Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.

I Samuel 12:22 Iomraidhean Croise

I Phung Hađăch 6:13

Gâp mra gŭ ta nklang phung ƀon lan Israel jêh ri mâu mra chalơi ôh phung Israel jêng phung ƀon lan Gâp.”

I Phung Hađăch 8:57

Dăn ma Yêhôva Brah Ndu he gŭ ndrel ma he, nâm bu Păng hŏ gŭ ndrel ma chô yau he; dăn Păng lơi dĭng chalơi mâu lah dun ôh ma he.

II Phung Hađăch 14:27

Jêh ri Brah Yêhôva mâu mâp lah ôh Păng mra jut lơi amoh phung Israel bơh tâm dâng trôk, pôri Păng hŏ dŏng Y-Jêrôbôam, kon Y-Jôas, gay rklaih khân păng.

II Phung Hađăch 21:14

Gâp mra chalơi kô̆ drăp ndơn Gâp hôm e klen, jao khân păng tâm ti phung rlăng. Khân păng mra jêng ndơ pit in jêh ri jêng ndơ sa ma lĕ rngôch phung rlăng,

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nau Mprơ Ơm 106:8

Nđâp tơlah pônây, Păng ăt tâm rklaih khân păng yor amoh Păng, Gay ma tâm mpơl nau brah Păng.

Nau Mprơ Ơm 94:14

Yorlah Brah Yêhôva mâu mra chalơi ôh phung ƀon lan Păng, Mâu lĕ Păng chalơi drăp ndơn Păng.

Nau Ngluh Êjipt 32:12

Mâm ƀư ăn phung Êjipt mra lah: ‘Kôranh Brah ŭch ngluh jêh khân păng luh bơh n'gor aơ gay nkhĭt lơi khân păng tâm yôk, jêh ri ƀư rai khân păng bơh neh ntu’? Dăn Kôranh Brah bah ji nuih jêh ri chalơi nau mĭn ŭch ƀư nau mhĭk ma phung ƀon lan May.

Êsai 37:35

Yor Gâp jêh ri yor Y-Đavit, oh mon Gâp, Gâp nơm yơh mra king n'gang jêh ri tâm rklaih ƀon aơ.”

Êsai 41:17

Phung o ach jêh ri phung pưt kƀah joi dak nhêt Ƀiălah mâu geh ôh, Mpiăt khân păng sơh yor ji hir. Ƀiălah Gâp jêng Brah Yêhôva mra dơn nau khân păng; Gâp jêng Brah Ndu Israel mâu mra chalơi khân păng ôh.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 43:7

Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Êsai 48:11

Yor ma Gâp nơm, yor ma Gâp nơm yơh, Gâp mra ƀư nau nây, Mâm ƀư Gâp ăn bu ƀư ƀơ̆ amoh Gâp? Gâp mâu mra ăn ôh nau chrêk rmah Gâp ma brah êng.

Êsai 49:15

“Dơi lĕ du huê bu ur me chuêl pu toh ma kon păng, Mâu lah mâu yô̆ ôh ma kon păng bơh ndŭl păng nơm? Nđâp tơlah păng chuêl kon păng, Ăt Gâp mâu mra chuêl may ôh.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Yêrêmi 14:21

Yor amoh May, lơi ta mƀăr lơi, Lơi ta uănh dơm dam ôh sưng hađăch chrêk lơp May. Ăn May kah gĭt tay jêh ri lơi ta ngroh lơi Nau tâm rnglăp May hŏ njêng ma hên.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 14:9

Mâm ƀư May nâm bu bunuyh phit phơr, Nâm bu du huê dăng ktang mâu dơi yơr ti tâm rklaih bu ôh? Ƀiălah, ơ Kôranh Brah, May hôm e gŭ ta nklang hên, Hên dơi ntơ ma amoh May, Lơi ta chalơi hên ôh!”

Nau Nhĭm Vơl 5:20

Mâm ƀư may chuêl ma hên mro mrăng, Chalơi êng hên jŏ nar tâm ban pônây?

Êsêkiêl 20:14

Ƀiălah Gâp hŏ ƀư yor amoh Gâp gay ma amoh nây bu mâu ƀư ƀơ̆ tanăp phung ƀon lan êng, jêng phung ƀon lan hŏ saơ jêh Gâp leo khân păng du luh tă bơh khân păng.

Êsêkiêl 20:9

Ƀiălah Gâp ƀư yor ma amoh Gâp nơm, gay ăn amoh nây bu mâu mưch ôh tanăp măt lĕ phung bu năch, ntŭk khân păng dôl gŭ. Tanăp măt phung ndŭl mpôl nây, Gâp mpơl jêh Gâp nơm ma khân păng gĭt dôl leo khân păng du luh tă bơh n'gor bri Êjipt.

Malachi 1:2

Brah Yêhôva lah: “Gâp rŏng jêh ma khân may,” ƀiălah khân may lah pô aơ: “Hŏ geh Kôranh Brah rŏng ma hên?” Brah Yêhôva lah: “Mâu di Y-Êsau jêng nâu Y-Yakôb?

Mathay 11:26

Nanê̆, ơ Mbơ̆, yorlah nau aơ ƀư ueh nau mĭn Mbơ̆ ŭch.

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 11:1

Pônây gâp dăn ôp, Brah Ndu mâp lơi lĕ phung ƀon lan Păng? Mâu, mâu mâp ôh! Yorlah gâp nơm jêng bunuyh Israel, bơh noi deh Y-Abraham, bơh ndŭl mpôl Benjamin.

Samƀŭt Pôl Njuăl Ăn Ma Phung Nsing Ta Ƀon Rôm 11:29

yorlah Brah Ndu mâu rgâl ôh nau Păng ăn jêh ri ma nau Păng kuăl.

I Kôrintô 4:7

Yorlah mbu moh saơ khân may blau lơn ma bunuyh ƀaƀă? Moh ndơ khân may geh dĭng khân may mâu sŏk dơn? Tơlah khân may sŏk dơn jêh, mâm ƀư khân may hôm ngơi hưn nâm bu khân may ê hŏ sŏk dơn?

Êphêsô 1:12

gay ma he, jêng phung bunuyh lor lơn kâp gân tâm Brah Krist, tâm rnê ma nau chrêk rmah Păng.

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Nau Vay Nkah Tay 14:2

yorlah khân may jêng du phung ƀon lan kloh ueh ma Yêhôva Brah Ndu khân may. Brah Yêhôva hŏ săch jêh khân may tă bơh ta nklang phung ƀon lan klơ neh gay khân may dơi jêng du phung ƀon lan jêng ndơ ma Păng.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’

Nau Vay Nkah Tay 31:6

Ăn dăng ktang jêh ri janh nănh! Lơi ta klach, lơi ir krit tanăp măt phung ƀon lan nây, yorlah Yêhôva Brah Ndu khân may yơh hăn ndrel ma khân may. Păng mâu mra tâm nkhah ôh bơh ma khân may, mâu lĕ chalơi khân may!”

Nau Vay Nkah Tay 31:8

Brah Yêhôva Nơm mra hăn lor ma may; Păng mra gŭ ndrel ma may, mâu mƀăr may, mâu lĕ chalơi may. Lơi ta klach jêh ri lơi ir krit ôh!”

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

Nau Vay Nkah Tay 9:5

Mâu di yor nau sŏng srăng mâu lah nuih n'hâm song bơh khân may, dĭng khân may lăp pit sŏk n'gor lĕ phung ƀon lan nây; ƀiălah yor nau ƀai khân păng dĭng Yêhôva Brah Ndu mra nsot lơi khân păng luh bơh tanăp khân may gay ƀư nau gĭt mbên nanê̆ nau Păng ton jêh ma phung chô yau khân may jêng Y-Abraham, Y-Isăk, jêh ri Y-Yakôb.

Philip 1:6

Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

Yôsuê 7:9

Phung Kanaan jêh ri lĕ rngôch phung gŭ tâm bri nây mra tăng nau nĕ, mra nchueng hên jêh ri jut lơi amoh hên bơh neh. Nôk nây, mâm May mra ƀư amoh May jêng toyh?”

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.