I Samuel 12:18 - Nau Brah Ndu Ngơi 2023

¹⁸ Jêh nây Y-Samuel vơl dăn ma Brah Yêhôva. Tâm nar nây, Brah Yêhôva ƀư lơp nglaih jêh ri dak mih. Lĕ rngôch phung ƀon lan klach yơk ngăn ma Brah Yêhôva jêh ri ma Y-Samuel.

I Samuel 12:18 Iomraidhean Croise

I Phung Hađăch 18:42

Hađăch Ahap hăn hao sông sa nhêt. Ƀiălah Y-Êli hăn hao ta klơ n'gơn yôk Karmel, chon mon ta neh jêh ri nkŭp muh măt păng nơm vah vang bar đah kômâk păng.

Êsra 10:9

Tâm pe nar, phung Yuđa jêh ri phung Benjamin tâm rƀŭn tay ta ƀon Yêrusalem tâm nar bar jât, khay sĭn. Lĕ rngôch phung ƀon lan gŭ ta ntŭk nkual toyh panăp ngih Brah Ndu, klach râm sâr ma nau nây jêh ri yor mih toyh ngăn.

Ndrom Samƀŭt bơh Yôp 37:13

Păng prơh ndâr tŭk hăn, geh tơ̆ gay nduyh nkra, Geh nôk gay djrah neh ntu, Mâu lah ăn nau ueh maak ma kon bunuyh.

Nau Mprơ Ơm 99:6

Tâm phung kôranh ƀư brah Păng geh Y-Môis jêh ri Y-Arôn, Tâm phung kuăl mbơh sơm ma amoh Păng geh Y-Samuel. Khân păng kuăl mbơh sơm ma Brah Yêhôva jêh ri Păng mplơ̆ lah ma khân păng.

Nau Ngluh Êjipt 14:31

Phung Israel saơ jêh nau kan krit ngăn Brah Yêhôva hŏ ƀư ma phung Êjipt yor ri khân păng klach yơk ma Păng, nsing rnơm ma Păng jêh ri rnơm ma Y-Môis, oh mon Păng.

Yôsuê 10:12

Tâm nar Brah Yêhôva jao phung Amôrit tâm ti phung Israel, Y-Yôsuê ngơi ma Brah Yêhôva tanăp măt phung Israel pô aơ: “Hơi nar, gŭ nsrŭng hom ta klơ Gibêôn! Hơi khay, gŭ nsrŭng hom tâm rlŭng Aijalon!”

Yôsuê 4:14

Tâm nar nây, Brah Yêhôva ƀư ma Y-Yôsuê geh nau yơk tanăp măt lĕ rngôch phung ƀon lan Israel; khân păng yơk ma păng tâm lĕ nar păng gŭ rêh tâm ban ma khân păng hŏ yơk ma Y-Môis.