I Samuel 12:15 - Nau Brah Ndu Ngơi 2023

¹⁵ Bi tơlah khân may mâu tông ôh bâr Brah Yêhôva, ƀiălah tâm rdâng đah nau vay Păng ntăm, ti Brah Yêhôva mra ƀư mhĭk ma khân may nâm bu păng hŏ ƀư mhĭk ma chô yau khân may.

I Samuel 12:15 Iomraidhean Croise

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

Êsai 1:20

Ƀiălah tơlah khân may dun jêh ri tâm rdâng, Đao gưm mra ƀư rai khân may; Yor bâr mbung Brah Yêhôva hŏ ngơi jêh.”

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Nau Nhĭm Vơl 1:18

“Brah Yêhôva jêng Nơm sŏng srăng, Yorlah gâp hŏ tâm rdâng jêh đah nau păng ntĭnh. Iăt hom, hơi lĕ rngôch phung ƀon lan, Uănh hom ma nau rêh ni gâp! Phung bu klâu ndăm, bu ur druh gâp Lĕ hăn ƀư bu nă jêh.

Nau Vay Nkah Tay 31:27

yorlah gâp gĭt nau tâm rdâng jêh ri nau dăng bôk khân may. Nar aơ, dôl gâp hôm e rêh ndrel khân may khân may hŏ tâm rdâng đah Brah Yêhôva, sa ang lah gâp lĕ khĭt!

Yôsuê 24:20

Tơlah khân may chalơi Brah Yêhôva jêh ri pah kan ma phung brah bu năch, Păng mra plơ̆ sĭt tay ƀư mhĭk jêh ri ƀư rai khân may, nđâp lah lĕ ƀư lor jêh nau yô̆ ma khân may.”

Phung Kôranh Phat Dôih 2:15

Ăp tơ̆ khân păng hăn tâm lơh, ti Brah Yêhôva ƀư mhĭk ma khân păng nâm Brah Yêhôva hŏ sơm ton jêh ma khân păng. Khân păng tŭp tâm nau rêh ni toyh ngăn ngên.

I Samuel 12:9

Ƀiălah khân păng chuêl jêh Yêhôva Brah Ndu khân păng, yor ri Păng jao khân păng ăn tâm ti Y-Sisêra, kôranh tahan ta Hasôr, tâm ti phung Philistin jêh ri hađăch bri Môap; phung aơ tâm lơh đah khân păng.

I Samuel 5:9

Ƀiălah nôk khân păng leo nglăp Hip Nau Tâm Rnglăp tât ta Gat jêh ri ti Brah Yêhôva ƀư ma ƀon toyh nây, lĕ ƀon toyh nây krit klach ngăn. Păng dong phung ƀon lan tâm ƀon nây, ntơm bơh phung mom ndăm tât ma phung bu ranh geh nau tŭl ko da dê.