I Samuel 12:12 - Nau Brah Ndu Ngơi 2023

¹² Ƀiălah tơlah khân may saơ Y-Nahas, hađăch phung Ammôn, văch lơh khân may, khân may lah ma gâp pô aơ: ‘Mâu ôh, ăn geh du huê hađăch chiă uănh hên;’ nđâp lah Yêhôva Brah Ndu khân may hŏ jêng Hađăch ma khân may jêh.

I Samuel 12:12 Iomraidhean Croise

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Mprơ Ơm 74:12

Nđâp lah pônây, bơh kăl e, Brah Ndu jêng Hađăch gâp May ƀư nau tâm rklaih lam neh ntu.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Yêrêmi 40:11

Tâm ban pônây, lĕ rngôch phung Yuđa dôl gŭ tâm bri Môap jêh ri ta nklang phung kon sau Ammôn, tâm ntŭk bri Êđôm jêh ri tâm bri êng tăng hađăch Babilôn hŏ om du phung hôm gŭ tay tâm n'gor bri Yuđa, jêh ri hŏ ndâk jêh Y-Gêdalia, kon bu klâu Y-Ahikam, sau Y-Saphan, jêng kôranh mât uănh,

Ndrom Samƀŭt bơh Ôsê 13:10

Aƀaơ aơ ta ntŭk hađăch may? Gay ăn păng sâm rklaih may tâm lĕ rngôch ƀon toyh! Phung kôranh phat dôih jêng phung may kâp dơi geh pô aơ: “Ăn hom ma gâp du huê hađăch jêh ri phung kôranh!” Ta ntŭk khân păng?

Nau Kơp Bunuyh 23:21

Păng mâu saơ ôh nau jêr tâm phung Yakôb Mâu lĕ păng saơ nau uh ah tâm phung Israel. Brah Yêhôva Brah Ndu khân păng gŭ ndrel ma khân păng, Hađăch nter răm maak nklang Israel.

Phung Kôranh Phat Dôih 8:23

Y-Gidêôn plơ̆ lah: “Gâp mâu mra chiă uănh ôh khân may, phung kon bu klâu gâp mâu đŏng chiă uănh khân may, ƀiălah Brah Yêhôva mra chiă uănh khân may.”

Phung Kôranh Phat Dôih 9:18

Ƀiălah nar aơ khân may dâk tâm rdâng đah ngih mbơ̆ gâp, hŏ nkhĭt jêh pơh jât nuyh kon bu klâu păng ta klơ lŭ toyh, jêh ri yơk Y-Abimêlek, kon bu klâu oh mon bu ur, njêng hađăch chiă uănh ƀon Sichem, yorlah păng jêng oh nâu khân may.

I Samuel 10:19

Nar aơ khân may dun jêh ma Brah Ndu khân may, jêng Nơm tâm rklaih jêh khân may tă bơh lĕ rngôch nau mhĭk jêh ri nau o ach. Khân may hŏ lah jêh ma Păng pô aơ: ‘Dăn ndâk hom du huê hađăch chiă uănh hên!’ Pôri aƀaơ, tâm mpơl măt hom tanăp măt Brah Yêhôva tĭng ăp ndŭl mpôl jêh ri ăp ngih mbơ̆ khân may.”

I Samuel 8:3

Ƀiălah phung kon bu klâu păng mâu hăn tĭng ndô̆ ôh trong păng; khân păng hăn tĭng drăp ndơ, dơn ndơ bu blŏl, jêh ri ƀư kue đah nau sŏng.