I Samuel 12:10 - Nau Brah Ndu Ngơi 2023

¹⁰ Rnôk nây, khân păng vơl dăn ma Brah Yêhôva, jêh ri lah: ‘Hên ƀư tih jêh, yorlah hên lĕ chalơi jêh Brah Yêhôva gay pah kan ma phung brah Baal jêh ri ma brah Astarôt. Ƀiălah aƀaơ, tâm rklaih hom hên tă bơh ti phung rlăng hên, hên mra pah kan ma May.’

I Samuel 12:10 Iomraidhean Croise

Nau Mprơ Ơm 106:44

Nđâp tơlah pônây, Brah Ndu ăt tăng nau khân păng dăn, Jêh ri mêt uănh khân păng tâm rnôk khân păng rêh ni.

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Yôsuê 13:31

Du n'gul bri Gilêat, Astarôt, jêh ri ƀon Êdrei, jêng lĕ ƀon tâm ƀon bri hađăch Ôk tâm bri Basan, lĕ ƀon aơ tâm pă ma du n'gul phung kon sau Y-Makir, săn Y-Manasê tĭng nâm ăp rnăk vâl khân păng.

Phung Kôranh Phat Dôih 10:10

Nôk nây, phung ƀon lan Israel vơl dăn ma Brah Yêhôva pô aơ: “Hên hŏ ƀư tih ngăn jêh đah Kôranh Brah, yorlah hên chalơi jêh Brah Ndu hên jêh ri pah kan rhŏ ma phung brah Baal.”

Phung Kôranh Phat Dôih 2:11

Nôk nây, phung ƀon lan Israel ƀư nau mhĭk tanăp măt Brah Yêhôva, pah kan ma phung rup brah Baal,

Phung Kôranh Phat Dôih 2:13

Khân păng chalơi jêh Brah Yêhôva gay pah kan ma brah Baal jêh ri ma brah Astarôt.

Phung Kôranh Phat Dôih 3:15

Phung ƀon lan Israel nter tay ma Brah Yêhôva, jêh ri Brah Yêhôva săch ăn ma khân păng du nơm rklaih jêng Y-Êhut, kon bu klâu Y-Gêra, bơh noi deh Benjamin, jêng bunuyh vay dŏng ti chiau. Phung ƀon lan Israel njuăl ma Y-Êhut djôt leo ndơ nhhơr ăn ma Y-Êglon, hađăch n'gor Môap.

Phung Kôranh Phat Dôih 3:7

Phung ƀon lan Israel ƀư nau mhĭk tanăp Brah Yêhôva, chuêl jêh Yêhôva Brah Ndu khân păng, jêh ri yơk mbah ma lĕ rup Baal jêh ri Asêrah.

Phung Kôranh Phat Dôih 3:9

Phung ƀon lan Israel nter ma Brah Yêhôva jêh ri Brah Yêhôva n'hao ma khân păng du huê nơm rklaih jêng Y-Ôtniêl, kon bu klâu Y-Kênas, oh Y-Kalep, jêh ri păng rklaih khân păng.

Phung Kôranh Phat Dôih 4:3

Yorlah Y-Jabin geh jêh sĭn rhiăng ndeh seh ma loih jêh ri păng tŭn jot phung Israel ma nau djơh tâm bar jât năm, pônây, phung ƀon lan Israel nter dăn ma Brah Yêhôva.

Phung Kôranh Phat Dôih 6:7

Lah phung ƀon lan Israel nhĭm vơl ma Brah Yêhôva yor ma phung Madian,

I Samuel 7:2

Hip Nau Tâm Rnglăp Brah Yêhôva gŭ ta Kiriat-Jêarim du rnôk jŏ jêh, klăp lah bar jât năm. Lĕ rngôch ngih Israel nhĭm nhhiăng da dê jêh ri tĭng joi Brah Yêhôva.

I Samuel 7:6

Pôri khân păng rgum ndrel ta ƀon Mispa, bâk dak nkhŭt jêh ri nhhơr ma Brah Yêhôva. Tâm nar nây, khân păng ât sông sa, jêh ri ta nây khân păng mbơh pô aơ: “Hên ƀư tih jêh đah Brah Yêhôva.” Y-Samuel phat dôih phung ƀon lan Israel ta Mispa.