I Samuel 11:6 - Nau Brah Ndu Ngơi 2023

⁶ Tơlah Y-Sôl lĕ tăng jêh lĕ nau ngơi nây, Huêng Brah Ndu văch gŭ ndrel ma Y-Sôl ma nau brah, jêh ri păng hao ji nuih hâu ngăn.

I Samuel 11:6 Iomraidhean Croise

Nau Ngluh Êjipt 32:19

Lah păng văch dăch rmlak tahan, saơ rup kon ndrôk jêh ri pâl ntalơ̆, Y-Môis ji nuih, klŭp bar Rlat Nau Tâm Rnglăp bơh ti păng nơm, nchah hăch ta jâng yôk.

Nau Kơp Bunuyh 12:3

Y-Môis jêng du huê bunuyh hêt rhôi, hêt rhôi lơn ma lĕ rngôch bunuyh ta neh ntu.

Markôs 3:5

Păng uănh ma khân păng, ji nuih ƀă rngot ƀă yor nuih n'hâm khân păng dăng ngăn, jêh ri Păng lah ma bunuyh siăr ti: “Yơr ti may.” Nơm nây yơr ti ro, ti păng bah.

Êphêsô 4:26

Tơlah khân may duh nuih, lơi ƀư tih ôh; lơi ji nuih tât nar nhâp,

Phung Kôranh Phat Dôih 11:29

Nôk nây, Huêng Brah Yêhôva trŭnh gŭ ndrel Y-Jêptê, păng hăn găn n'gor Gilêat jêh ri Manasê, tât ma Mispa tâm n'gor Gilêat, jêh nây ntơm bơh Mispa ta Gilêat, păng găn tât n'gor phung ƀon lan Ammôn.

Phung Kôranh Phat Dôih 13:25

Huêng Brah Yêhôva ntơm văch gŭ đah păng nôk păng gŭ tâm ngih bok ta Dan, vah vang Sôra jêh ri Êstaôl.

Phung Kôranh Phat Dôih 14:6

Huêng Brah Yêhôva văch gŭ ndrel ma Y-Samsôn kŏ tât păng hêk yau mŭr nây ma ti păng nâm bu hêk du mlâm be kon. Ƀiălah păng mâu mbơh ôh ma mê̆ mbơ̆ păng gĭt moh nau păng hŏ ƀư.

Phung Kôranh Phat Dôih 15:14

Tơlah păng hăn tât Lêhi, phung ƀon lan Philistin troh nchuăt sĭt mpeh Y-Samsôn. Huêng Brah Yêhôva văch gŭ ndrel ma Y-Samsôn, ƀư ăn lĕ rse bu kât tŭp bơh ti păng nâm ŭnh sa rse brai mhay.

Phung Kôranh Phat Dôih 3:10

Huêng Brah Yêhôva jŭr ta păng jêh ri păng chiă uănh phung ƀon lan Israel. Păng hăn tâm lơh jêh ri Brah Yêhôva jao Y-Kusan-Risathaim, hađăch Aram, tâm ti păng. Păng lơh dơi đah Y-Kusan-Risathaim.

Phung Kôranh Phat Dôih 6:34

Huêng Brah Yêhôva nkŭm Y-Gidêôn; păng uh nŭng, kuăl lĕ phung Abiêser hăn tĭng ndô̆ păng.

I Samuel 10:10

Tơlah Y-Sôl hăn tât ta Gibêa, geh du phung mbơh lor tâm mâp ma păng. Huêng Brah Yêhôva văch gŭ ndrel ma păng ma nau brah, jêh ri păng mbơh lor ta nklang khân păng.

I Samuel 10:6

Huêng Brah Yêhôva mra văch gŭ ndrel ma may ma nau brah, jêh ri may mra mbơh lor ndrel ma khân păng, jêh ri may mra njêng săk jêng du huê bunuyh êng.

I Samuel 16:13

Y-Samuel sŏk nke dak ƀâu kah jêh ri tŏ ma Y-Đavit tanăp phung nâu păng. Ntơm bơh nar nĕ tât kăndơ̆, Huêng Brah Yêhôva văch gŭ ndrel ma Y-Đavit ma nau brah. Y-Samuel dâk jêh ri hăn sĭt ma Rama.

I Samuel 16:14

Huêng Brah Yêhôva luh du tă bơh Y-Sôl, Brah Yêhôva prơh du huê brah mhĭk rkhŭk păng.