I Samuel 11:2 - Nau Brah Ndu Ngơi 2023

² Y-Nahas, bunuyh Ammôn, lah ma khân păng: “Gâp mra ƀư nau tâm rnglăp ma khân may tĭng nau aơ: Rloch lơi măt pa ma lĕ rngôch phung khân may, gay ƀư bêk prêng lĕ rngôch phung Israel.”

I Samuel 11:2 Iomraidhean Croise

Nau Ntơm 34:14

Khân păng lah: “Ăn oh bu ur hên ma bunuyh ê hŏ geh koh ntâu jêng du nau mâu dơi ôh, yorlah nau nây mra jêng du nau ƀư bêk hên.

II Phung Hađăch 18:31

Lơi ta iăt Y-Hêsêkia, yorlah hađăch Asiri lah pô aơ: Ƀư hom nau đăp mpăn đah gâp jêh ri luh ran lăp ma gâp; pôri ăp nơm tâm khân may mra dơi sa kao play tâm đang krăk ƀâu, n'gar rvi păng nơm, jêh ri nhêt dak tă bơh ndrâm ntu păng nơm,

Nau Mprơ Ơm 44:13

May ƀư hên jêng ndơ ăn bêk ma phung chiau meng hên, Ƀư ndơ bu gơm mưch jêh ri jêng nơm khư bu mưch ma phung gŭ jŭm.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Nau Hôr 12:10

Bunuyh sŏng srăng mât mray ăn nau rêh mpô mpa păng rŏng, Ƀiălah nuih n'hâm yô̆ bơh phung mhĭk jêng nau djơh janh.

Yêrêmi 39:7

Hađăch nây rloch lơi măt Y-Sêdêkia, nkông ma rse rvăk kông gay njŭn leo ma bri Babilôn.

Nau Kơp Bunuyh 16:14

Rlau lơn ma nĕ, may mâu njŭn hên lăp ôh tâm du n'gor bêng ma dak toh jêh ri dak sŭt, mâu lĕ ŭch ăn ma hên mir mâu lah đang krăk ƀâu jêng drăp ndơn. May ŭch rloch găr măt Phung ƀon lan aơ ƀơh? Hên mâu mra hăn hao ôh!”

Phung Kôranh Phat Dôih 16:21

Phung Philistin nhŭp păng, rloch măt păng, jêh ri leo păng trŭnh ma Gaxa. Khân păng chăp păng ma rse rvăk kông jêh ri păng kĭn mpăl peh tâm ndrung bu nă.

I Samuel 11:10

jêh ri khân păng lah ma phung Ammôn: “Ôi, taơ hên mra yơr ti đah khân may, jêh ri khân may mra ƀư ma hên tĭng nâm khân may mĭn ueh.”

I Samuel 12:12

Ƀiălah tơlah khân may saơ Y-Nahas, hađăch phung Ammôn, văch lơh khân may, khân may lah ma gâp pô aơ: ‘Mâu ôh, ăn geh du huê hađăch chiă uănh hên;’ nđâp lah Yêhôva Brah Ndu khân may hŏ jêng Hađăch ma khân may jêh.

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”