I Samuel 10:5 - Nau Brah Ndu Ngơi 2023

⁵ Jêh nau nây, may mra tât ta Gibêat Êlôhim, ta nây geh du pôih tahan phung Philistin. Tơlah lĕ lăp jêh tâm ƀon, may mra mâp du mpôl mbơh lor tă bơh ntŭk prêh klơ hăn jŭr, djôt gong rêng, gâr jê̆, n'hôm, jêh ri gong rêng loih hăn lor jêh ri khân păng mra mbơh lor.

I Samuel 10:5 Iomraidhean Croise

I Phung Hađăch 18:29

Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

II Phung Hađăch 2:15

Tơlah phung oh mon phung nơm mbơh lor gŭ ta Yêrikô saơ Y-Êlisê bơh ngai jêh ri lah: “Huêng brah Y-Êli gŭ jêh ta Y-Êlisê.” Khân păng hăn chuă vơt păng, chon mon ta neh tanăp măt păng

II Phung Hađăch 2:3

Phung oh mon phung nơm mbơh lor gŭ ta Bêthel hăn tât ôp ma Y-Êlisê: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 2:5

Phung oh mon phung nơm mbơh lor gŭ ta Yêrikô hăn văch dăch Y-Êlisê, jêh ri ôp: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 2:7

Geh prăm jât nuyh tâm phung oh mon phung nơm mbơh lor hăn ndrel tâm ban lĕ, gŭ râng ngai ƀah, panăp đah ntŭk Y-Êli jêh ri Y-Êlisê dôl dâk êp kơh dak krong Yurdan.

II Phung Hađăch 3:15

Ƀiălah aƀaơ ri, njŭn leo ma gâp du huê blau kreh gong rêng.” Ăp tơ̆ nơm nây kreh gong rêng, ti Brah Yêhôva gŭ ta klơ Y-Êlisê.

II Phung Hađăch 4:38

Y-Êlisê plơ̆ sĭt ma Gilgal. Nôk nây, tâm n'gor bri dôl geh nau ji ngot toyh. Phung oh mon phung nơm mbơh lor dôl gŭ panăp Y-Êlisê. Păng lah ma phung oh mon păng: “Sŏk hom glah ƀŭng toyh, gâm trao ăn ma phung oh mon phung nơm mbơh lor sa.”

II Phung Hađăch 6:1

Phung oh mon ma phung nơm mbơh lor lah ma Y-Êlisê: “Uănh hom, ntŭk hên gŭ iăt nau may ntĭm nti, rhăt ngăn ma hên.

I Nau Rêh Jêng 11:16

Rnôk nây Y-Đavit gŭ tâm pôih jêh ri pôih tahan phung Philistin gŭ ta ƀon Ƀêtlêhem.

I Nau Rêh Jêng 13:8

Y-Đavit jêh ri lĕ rngôch phung Israel hâk răm âk ngăn, pâl ntalơ̆ tanăp Brah Ndu ma nau mprơ, kreh gong rêng loih, gong rêng, gâr jê̆, ching ndrup tâm nchâm, jêh ri uh nŭng.

I Nau Rêh Jêng 16:42

Y-Hêman jêh ri Y-Jêduthun geh nŭng, rgu dang nteh ăn huy jêh ri lĕ gong êng gay tâm rnê ma Brah Ndu. Bi phung kon bu klâu Y-Jêduthun ƀư kan mât njrăng mpông pêr.

I Nau Rêh Jêng 16:5

Y-Asap jêng kôranh, Y-Sakari jêng nơm rơh bar, jêh nây geh Y-Jêhiêl, Y-Sêmiramôt, Y-Jêliêl, Y-Matithia, Y-Êliap, Y-Bênaya, Y-Ôbet-Êđôm, jêh ri Y-Jêiêl; khân păng geh kan kreh lĕ gong tâm ban gong rêng jêh ri gong rêng loih, bi Y-Asap rgu dang nteh ăn huy ngăn.

Nau Mprơ Ơm 49:4

Gâp mra rkêng tôr iăt nau ngơi hôr; Gâp mra sŏk gong rêng gay rblang nau ngơi hôr.

Nau Mprơ Ơm 92:3

Klơ gong rêng jât rse jêh ri klơ gong rêng loih Nđâp ma rlet.

I Kôrintô 14:1

Tĭng joi hom nau rŏng. Ŭch hom lĕ nau yô̆ tâm nau rêh huêng, ƀiălah khlay lơn ma nau mbơh lor.

I Samuel 10:10

Tơlah Y-Sôl hăn tât ta Gibêa, geh du phung mbơh lor tâm mâp ma păng. Huêng Brah Yêhôva văch gŭ ndrel ma păng ma nau brah, jêh ri păng mbơh lor ta nklang khân păng.

I Samuel 10:4

Khân păng mra mbah jêh ri ăn ma may bar glo piăng let, jêh ri may mra sŏk dơn bơh ti khân păng.

I Samuel 13:2

Y-Sôl săch pe rbăn nuyh Israel: bar rbăn nuyh gŭ n'hanh păng ta Mikmas jêh ri klơ yôk Bêthel, bi du rbăn nuyh gŭ ndrel ma Y-Jônathan ta Gibêa tâm n'gor Benjamin. Păng mplơ̆ sĭt phung ƀon lan hôm e, ăp nơm sĭt ma ngih vâl khân păng nơm.

I Samuel 13:3

Y-Jônathan dơi tâm lơh đah pôih phung tahan Philistin ta Gêba, phung Philistin gĭt nau nây. Bi Y-Sôl ăn bu uh nŭng lam n'gor jêh ri lah pô aơ: “Phung ƀon lan Hêbrơ gŭ iăt hom!”

I Samuel 19:20

Jêh ri Y-Sôl prơh bunuyh hăn nhŭp Y-Đavit. Tơlah khân păng saơ du phung nơm mbơh lor, gŭ mbơh lor jêh ri Y-Samuel jêng kôranh khân păng, Huêng Brah Brah Ndu văch gŭ ndrel ma phung bunuyh Y-Sôl prơh hăn, jêh ri nđâp khân păng nây lĕ mbơh lor.

I Samuel 9:12

Khân păng plơ̆ sĭt lah: “Păng ta aơ đŏng, ri păng panăp khân may! Hăn gơnh hom, păng mhe tât ta ƀon nar aơ yorlah nar aơ phung ƀon lan mra ƀư brah ta ntŭk prêh.