I Samuel 10:27 - Nau Brah Ndu Ngơi 2023

²⁷ Ƀiălah geh phung bunuyh mhĭk lah: “Mâm ƀư bunuyh aơ dơi tâm rklaih he?” Khân păng tâm rmot ma Y-Sôl, mâu djôt leo ndơ nhhơr ôh ma păng. Ƀiălah, Y-Sôl gŭ klêm.

I Samuel 10:27 Iomraidhean Croise

II Samuel 20:1

Ta nây geh du huê bunuyh dơm dam, amoh Y-Sêba, kon bu klâu Y-Bikri, bunuyh Benjamin. Păng uh nŭng jêh ri kuăl: “He mâu geh du kô̆ tâm Y-Đavit ôh, Mâu đŏng geh dơn drăp ndơ tâm kon Y-Yêsê Hơi phung Israel, ăp nơm plơ̆ sĭt hom ma ngih păng nơm!”

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

I Phung Hađăch 10:25

Mbu hăn mâp hađăch, djôt leo da dê ndơ nhhơr nâm bu: lĕ ndơ dŏng ƀư ma prăk jêh ri ma mah, ao mbâl, ao loih, dak si ƀâu kah, seh jêh ri seh bri.

I Phung Hađăch 4:21

Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

I Phung Hađăch 5:1

Tơlah tăng lư ma Y-Salômôn hŏ bu tŏ jêh dak ƀâu kah gŭ ta sưng hađăch chiă uănh thoi ntrok mbơ̆ păng, hađăch Tyre jêng Y-Hiram prơh phung oh mon păng nơm hăn tât ma Y-Salômôn, yorlah Y-Hiram ăt rŏng ƀaƀơ ma Y-Đavit.

II Nau Rêh Jêng 13:7

Phung mhĭk, phung janh ƀai tâm rƀŭn ndrel tĭng păng. Khân păng ktang tâm rdâng đah Y-Rôbôam, kon bu klâu Y-Salômôn, bi ma Y-Rôbôam dôl hôm ndăm, vĭ vĕ ê hŏ janh tâm lơh ôh đah khân păng.

II Nau Rêh Jêng 17:5

Yor ri, Brah Ndu ƀư ăn ƀon bri hađăch nâp ktang tâm ti păng, lĕ rngôch phung Yuđa nhhơr ndơ ma Y-Jôsaphat, pôri păng dơi geh âk drăp ndơ jêh ri lư n'găr hâu ngăn.

Nau Mprơ Ơm 38:13

Ƀiălah gâp jêng tâm ban ma du huê tê̆k mâu tăng, Tâm ban ma du huê mlo mâu hă mbung.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nơm Nti 7:21

Lơi ta iăt lĕ rngôch nau bu ngơi, Klach lah may iăt nđâp ma nau rak rtăp oh mon may đŏng!

Êsai 36:21

Khân păng gŭ rklăk, mâu plơ̆ sĭt lah du play ngơi ôh, yorlah hađăch ntăm jêh: “Khân may lơi plơ̆ lah ma păng ôh.”

Mathay 2:11

Lăp tâm ngih, khân păng saơ kon se jê̆ ndrel mê̆ Păng H'Mari, khân păng chon mon yơk mbah Păng. Jêh nây khân păng pơk hip ndơ khlay, nhhơr ma Păng lĕ ndơ nhhơr jêng mah, ntăk si ƀâu kah jêh ri dak si tăng.

Kôranh Oh Mon 7:35

Y-Môis nây jêng nơm khân păng dun jêh ri lah: ‘Mbu hŏ ăn may jêng kôranh chiă uănh jêh ri kôranh phat dôih hên?’, ƀiălah nar aơ Brah Ndu hŏ njuăl păng jêng chiă uănh jêh ri nơm sâm rklaih tă bơh du huê tông mpăr tâm mpơl jêh ma păng tâm pŭm lok.

Nau Vay Nkah Tay 13:13

geh lĕ bunuyh mbruh nklă luh bơh ta nklang khân may, têk phung bunuyh gŭ tâm ƀon toyh nây pô aơ: ‘Ăn he hăn jêh ri yơk mbah ma phung brah êng’, jêng lĕ brah khân may mâu hŏ gĭt năl ôh,

I Samuel 11:12

Phung ƀon lan lah ma Y-Samuel: “Mbu phung lah jêh: ‘Y-Sôl hĕ mra chiă uănh he?’, jao hom phung nây gay ma hên dơi nkhĭt khân păng.”

I Samuel 11:13

Ƀiălah Y-Sôl lah: “Bu mâu mra nkhĭt du huê bunuyh ôh nar aơ, yorlah jêng nar Brah Yêhôva rklaih jêh Israel.”

I Samuel 16:20

Y-Yêsê sŏk piăng let, du nông ntâu bêng ndrănh n'gân klơ du mlâm seh bri, jêh ri nhŭp du mlâm be kon hôm pu toh, jêh nây njuăl Y-Đavit, kon păng nơm, djôt leo ndơ nây ma Y-Sôl.

I Samuel 2:12

Nôk nây, bar hê kon bu klâu Y-Êli jêng phung ƀai ngăn, mâu chrê ôh ma Brah Yêhôva.

I Samuel 25:17

Pôri aƀaơ, ăn ay gĭt mra ƀư moh nau, yorlah bu lĕ dăp nal jêh mra nkhŭt nau mhĭk ma kôranh hên jêh ri ma lĕ ngih vâl păng. Kôranh janh ƀai ngăn, mâu iăt nau ngơi bu ôh.”