I Samuel 10:24 - Nau Brah Ndu Ngơi 2023

²⁴ Y-Samuel ngơi đah lĕ rngôch ƀon lan: “Khân may saơ lĕ nơm Brah Yêhôva hŏ săch jêh? Tâm lĕ phung ƀon lan, mâu geh du huê nuyh nâm bu păng.” Lĕ rngôch phung ƀon lan nter lah: “Hađăch gŭ rêh n'ho ro!”

I Samuel 10:24 Iomraidhean Croise

II Samuel 16:16

Tơlah Y-Husai, bunuyh Arkit, mĭt jiăng Y-Đavit, tât ta Y-Apsalôm, Y-Husai nter lah: “Hađăch mro mrăng! Hađăch mro mrăng!”

II Samuel 21:6

dăn jao hom ma hên pơh nuyh tâm phung kon bu klâu păng, gay hên yông khân păng tra năp măt Brah Yêhôva ta Gibêa, ta ƀon Y-Sôl jêng nơm Brah Yêhôva hŏ săch jêh.” Hađăch lah: “Gâp mra jao khân păng.”

I Phung Hađăch 1:21

Gâp klach lah tơlah hađăch kôranh gâp khĭt gŭ ndrel ma phung chô yau, gâp jêh ri kon bu klâu gâp jêng Y-Salômôn bu mra phat tâm ban phung geh nau tih.”

I Phung Hađăch 1:25

Yor nây, nar aơ, kon bu klâu hađăch hŏ hăn trŭnh nhhơr mpa ƀư brah jêh ma ndrôk, mpa lay, jêh ri biăp âk ngăn, jêh nây lĕ jă jêh lĕ rngôch phung kon bu klâu hađăch, phung kôranh lĭng tahan, jêh ri kôranh ƀư brah Y-Abiathar. Ri, khân păng sông sa nhêt tanăp măt Y-Adônija jêh ri nter lah: ‘Hađăch Adônija mro mrăng!’

I Phung Hađăch 1:34

Ta nây, kôranh ƀư brah Y-Sadôk jêh ri nơm mbơh lor Y-Nathan, tŏ dak ƀâu kah ma păng ƀư hađăch phung Israel. Khân may uh nŭng hom, jêh nây nter lah pô aơ:

I Phung Hađăch 1:39

Kôranh ƀư brah Y-Sadôk sŏk nke dơm dak ƀâu kah tă tâm Ngih Bok jêh ri tŏ ta Y-Salômôn. Khân păng uh nŭng, jêh nây lĕ rngôch phung ƀon lan nter lah: “Hađăch Salômôn mro mrăng!”

II Phung Hađăch 11:12

Y-Jêhôida njŭn leo kon bu klâu hađăch luh, ndô đon hađăch jêh ri ăn Nau Tâm Rnglăp ma păng. Khân păng tŏ dak ƀâu kah mbơh nau njêng hađăch ma kon bu klâu hađăch, jêh nây khân păng tap ti jêh ri nter lah: “Hađăch gŭ rêh n'ho ro!”

II Nau Rêh Jêng 23:11

Păng njŭn leo kon bu klâu hađăch luh, ndô đon hađăch klơ bôk păng, jêh ri ăn samƀŭt Nau Tâm Rnglăp ma păng; jêh ri n'hao păng ƀư hađăch. Y-Jêhôida jêh ri phung kon bu klâu păng tŏ dak ƀâu kah ma Y-Jôas, jêh nây nter lah: “Hađăch gŭ rêh n'ho ro!”

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”

Nau Vay Nkah Tay 17:15

Tơlah pônây ăn khân may dăp du huê hađăch Yêhôva Brah Ndu khân may mra săch gay chiă uănh khân may. Hađăch nây jêng nơm tă bơh nklang khân may, mâu dơi dăp ôh du huê bu năch chiă uănh khân may, nơm mâu jêng ôh oh nâu khân may.

I Samuel 11:15

Lĕ rngôch phung ƀon lan hăn ndrel tât Gilgal. Ta nây, khân păng njêng Y-Sôl jêng hađăch tanăp Brah Yêhôva. Khân păng nhhơr ndơ ƀư brah ma nau đăp mpăn ma Brah Yêhôva. Y-Sôl jêh ri lĕ rngôch phung Israel răm maak hâu ngăn.

I Samuel 12:1

Nôk nây, Y-Samuel lah ma lĕ rngôch phung Israel: “Aơ, gâp tăng jêh lĕ nau ngơi khân may lah jêh ma gâp, jêh ri gâp hŏ njêng jêh du huê hađăch ma khân may.

I Samuel 12:13

Aƀaơ, aơ jêng hađăch khân may hŏ săch jêh ri lĕ mbơh sơm. Brah Yêhôva hŏ njêng păng ƀư hađăch chiă uănh khân may.

I Samuel 9:2

Y-Kis geh du huê kon bu klâu amoh Y-Sôl, hôm ndăm jêh ri ray nkrơ̆. Tâm phung ƀon lan Israel, mâu geh ôh du huê bu klâu ray nkrơ̆ lơn ma păng. Y-Sôl juat lơn lĕ rngôch bunuyh ntơm bơh săng nglik păng rlet klơ.