I Samuel 10:16 - Nau Brah Ndu Ngơi 2023

¹⁶ Y-Sôl lah ma kônh păng: “Păng lah rah vah jêh ma hên gĭt nau bu saơ jêh seh bri me.” Bi ma lĕ nau Y-Samuel ngơi jêh ma nau Y-Sôl săch dơi jêng hađăch, păng mâu mbơh ma păng.

I Samuel 10:16 Iomraidhean Croise

Nau Ngluh Êjipt 4:18

Y-Môis plơ̆ sĭt ta po păng, Y-Jêtrô, jêh ri lah: “Dăn ma may ăn gâp plơ̆ sĭt tay ma phung oh nâu gâp ta n'gor Êjipt gay uănh khân păng hôm gŭ rêh mâu lah khĭt jêh.” Y-Jêtrô lah ma Y-Môis: “Ăn may hăn đăp mpăn.”

Nau Hôr 12:23

Bunuyh blau mâu ngơi ntưih ôh nau gĭt blau, Nuih n'hâm phung rluk mpơl nau brŭt ndrăng

Nau Hôr 29:11

Bunuyh rluk mpơl lĕ nau ji nuih păng nơm, Bi bunuyh blau mĭn nsrôih ât nau nuih păng.

Nơm Nti 3:7

Geh năng hêk sat, geh năng jĭm njĭr; Geh năng gŭ rklăk, geh năng ngơi;

Phung Kôranh Phat Dôih 14:6

Huêng Brah Yêhôva văch gŭ ndrel ma Y-Samsôn kŏ tât păng hêk yau mŭr nây ma ti păng nâm bu hêk du mlâm be kon. Ƀiălah păng mâu mbơh ôh ma mê̆ mbơ̆ păng gĭt moh nau păng hŏ ƀư.

Phung Kôranh Phat Dôih 14:9

Păng kuak sŏk dak sŭt ma mpang ti păng, sa n'ho ma hăn. Nôk păng hăn văch dăch ma mê̆ mbơ̆ păng, jêh ri ăn ma păng ƀă sa, ƀiălah păng mâu nkoch ôh păng hŏ sŏk jêh dak sŭt nây tâm săk yau mŭr kon.

I Samuel 10:15

Kônh Y-Sôl lah: “May nkoch bri hom ma gâp gĭt moh nau Y-Samuel lah ma bar hê khân may?”

I Samuel 9:20

Bi ma lĕ seh bri me may roh jêh tâm pe nar, lơi rvê ma khân păng ôh, yorlah bu lĕ dơi joi jêh khân păng. Jêh ri ma mbu nơm bu prăp jêh lĕ nau khlay tâm n'gor Israel? Mâu hĕ di ma may jêh ri ma lĕ ngih mbơ̆ may?”

I Samuel 9:27

Dôl khân păng hăn trŭnh tât ta mpâr ƀon, Y-Samuel lah ma Y-Sôl: “Lah hom ma oh mon ăn păng hăn lor ma he. Nơm oh mon hăn lor panăp. Păng lah đŏng aƀaơ ri, ăn may gŭ ƀât lât ta aơ, gay ma gâp dơi ăn may gĭt nau Brah Ndu ngơi.”