I Samuel 1:8 - Nau Brah Ndu Ngơi 2023

⁸ Y-Êlkana, sai păng, ôp: “Hơi H'Anna, moh nau ay nhĭm? Kŏ tât ay mâu ŭch sông sa jêh ri nuih n'hâm ay rngot ir pônây? Mâm gâp mâu dơi ăn ma ay rlau lơn jât nuyh kon bu klâu?”

I Samuel 1:8 Iomraidhean Croise

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

Ndrom Samƀŭt bơh Yôp 6:14

Nơm rdja nuih ŭch ma mĭt jiăng yô̆ nđach, Nđâp lah nuih n'hâm chalơi nau klach yơk ma Nơm Geh Lĕ Nau Brah.

Nau Mprơ Ơm 43:4

Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

Êsai 54:1

“Ơ bu ur ndrô gâng, nơm mâu mâp deh, mprơ hom; Ơ nơm mâu mâp ji yorlah deh kon, Mprơ hom nau mprơ răm rhơn. Yorlah phung kon bu ur bu chalơi Mra jêng âk lơn ma phung kon bu ur geh sai.” Brah Yêhôva lah kơt nĕ.

Êsai 54:6

Brah Yêhôva kuăl jêh ay sĭt Tâm ban ma kuăl du huê ur bu chalơi jêh, jêh ri nuih n'hâm rngot, Jêng lah bu ur bu nđăp jêh dôl hôm druh jêh ri bu chalơi jêh.” Brah Ndu may lah:

Yôhan 20:13

Bar hê tông mpăr ueh ôp: “Hơi bu ur nây, mpa nau ay nhĭm?” H'Mari lah: “Yorlah bu sŏk leo jêh Kôranh Brah gâp, mâu gĭt mbah ntŭk bu ăn Păng!”

Yôhan 20:15

Brah Yêsu ôp păng: “Hơi bu ur, moh nau ay nhĭm? Mbu ay joi?” H'Mari nđôn lah păng jêng nơm ƀư n'gar, pôri păng lah: “Hơi kôranh, lah may sŏk leo jêh Păng, dăn mbơh ăn gâp gĭt mbah ntŭk may ăn Păng gay ma gâp mra hăn sŏk Păng.”

I Têsalônik 5:14

Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

Bu ur Rut 4:15

Oh bê nây mra bonh leng nuih n'hâm ay, siăm rong ay dôl ay ranh, yorlah ƀăn ay hŏ deh an ma ay. Ƀăn ay jêng khlay lơn pơh nuyh kon bu klâu ay.”

I Samuel 1:7

Nau nây tât ndăng nâm pônây tă bơh năm aơ tât năm ri, ăp tơ̆ tơlah H'An hăn hao let ma ngih Brah Yêhôva, H'Pênina rkhŏch rhiăl păng mro. Yor ri, H'An nhĭm jêh ri mâu ŭch sông sa ôh.