I Samuel 1:3 - Nau Brah Ndu Ngơi 2023

³ Ăp năm, Y-Êlkana luh tă bơh ƀon păng hăn hao ma ƀon Silô gay yơk mbah jêh ri nhhơr mpa ƀư brah ma Brah Yêhôva ma phung tahan ta Silô, ntŭk geh bar hê kon bu klâu Y-Êli, amoh Y-Hôphni jêh ri Y-Phinêas, jêng kôranh ƀư brah ma Brah Yêhôva.

I Samuel 1:3 Iomraidhean Croise

Nau Mprơ Ơm 78:60

Păng chalơi ngih bok ta ƀon Silô Nây jêng ngih bok, ntŭk Păng gŭ ta nklang bunuyh;

Nau Ngluh Êjipt 23:14

“Ăp năm pe tơ̆ ăn may djôt prăp rƀŭn yơk ma Gâp.

Nau Ngluh Êjipt 23:17

Ăp năm pe tơ̆, lĕ rngôch phung bu klâu ăn hăn tanăp măt Kôranh Brah, jêng Brah Yêhôva.

Nau Ngluh Êjipt 34:23

Ăp năm pe tơ̆, ăn lĕ rngôch phung bu klâu tâm mpơl tanăp măt Yêhôva Brah Ndu da dê jêng Brah Ndu phung Israel.

Luka 2:41

Ăp năm tât nar rƀŭn Nau Găn, mê̆ mbơ̆ Brah Yêsu vay hăn ta ƀon Yêrusalem.

Nau Vay Nkah Tay 16:16

Ăp năm pe tơ̆, ăn lĕ rngôch phung bu klâu tâm mpơl măt tanăp Yêhôva Brah Ndu khân may ta ntŭk Păng mra săch, nây jêng ta nar rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp. Bu mâu mra yơr tanăp Brah Yêhôva ma bar ti dơm ôh,

Yôsuê 18:1

Lĕ rngôch phung Israel tâm rƀŭn rgum ta ƀon Silô jêh ri ndâk Ngih Bok Nau Tâm Rƀŭn ta nây. Lĕ n'gor bri gŭ tâm dâng nau dơi chiă uănh khân păng.

Phung Kôranh Phat Dôih 18:31

Khân păng mât mray rup trah Y-Mika hŏ ƀư jêh dôl rnôk ngih Brah Ndu gŭ ta Silô.

Phung Kôranh Phat Dôih 21:19

Yor ri, khân păng lah: “Aơ, ăp năm geh ƀư du nau rƀŭn ma Brah Yêhôva ta Silô, mpeh dor Bêthel, mpeh luh nar ta trong hăn bơh Bêthel tât ta Sichem jêh ri mpeh rđŭng Lêbôna.”

I Samuel 1:21

Y-Êlkana ndrel ma lĕ rngôch rnăk vâl păng hăn hao Silô gay nhhơr ma Brah Yêhôva mpa ƀư brah tâm ăp năm jêh ri ndơ ƀư brah gay ƀư rĭng nau păng hŏ ton jêh.

I Samuel 1:9

Jêh lĕ rngôch bunuyh hŏ sông sa nhêt lôch jêh ta Silô, H'Anna dâk. Nôk nây, kôranh ƀư brah Y-Êli dôl gŭ ta rnơl êp kêng n'gâng mpông ngih Brah Yêhôva.

I Samuel 14:3

Geh Y-Ahija, kon Y-Ahitup (Y-Ahitup jêng nâu Y-Ikabôt, kon Y-Phinêas, sau Y-Êli, kôranh ƀư brah Brah Yêhôva ta Silô), nôk nây nsoh ao êphôt. Bu mâu gĭt ôh ma Y-Jônathan lĕ hăn du jêh.

I Samuel 2:19

Ăp năm, mê̆ păng jĭm du blah ao rjai jê̆ gay djôt leo ma păng, tơlah păng hăn ndrel ma sai păng ŭch nhhơr mpa ƀư brah ăp năm.

I Samuel 2:34

Nau mra tât ma bar hê kon bu klâu may, jêng Y-Hôphni jêh ri Y-Phinêas, jêng nau mbên ma may: Lĕ bar hê khân păng mra khĭt tâm du nar.

I Samuel 3:13

Gâp mbơh lor jêh pô aơ Gâp mra tâm rmal ngih Y-Êli ƀaƀơ tât n'ho ro, yorlah păng gĭt jêh nau tih geh nau rak rtăp ma phung kon bu klâu păng ƀiălah păng mâu buay ôh khân păng.

I Samuel 4:11

Hip Nau Tâm Rnglăp Brah Ndu bu lĕ pit rvan jêh, bi ma bar hê kon bu klâu Y-Êli, jêng Y-Hôphni jêh ri Y-Phinêas, lĕ khĭt da dê.

I Samuel 4:4

Pôri, phung ƀon lan prơh bunuyh hăn tât ta Silô. Tă bơh nây, khân păng sŏk Hip Nau Tâm Rnglăp Brah Yêhôva ma phung tahan, jêng Nơm gŭ ta nklang phung Chêrubim. Bar hê kon bu klâu Y-Êli, jêng Y-Hôphni jêh ri Y-Phinêas, hăn tĭng Hip Nau Tâm Rnglăp Brah Ndu.