I Samuel 1:26 - Nau Brah Ndu Ngơi 2023

²⁶ Păng lah: “Hơi kôranh gâp! Gâp sŏk nau rêh may gay ton pô aơ, gâp jêng bu ur nơm dâk jêh ta aơ, êp kêng may, gay mbơh sơm ma Brah Yêhôva.

I Samuel 1:26 Iomraidhean Croise

Nau Ntơm 42:15

Ƀiălah aơ jêng nau gâp mra rlong uănh khân may: Gâp sŏk tĭng nau rêh Pharaôn gay ton pô aơ, khân may mâu mra du luh ôh tă bơh ntŭk aơ, tơlah oh mpŏt khân may mâu văch ôh ta aơ.

II Samuel 11:11

Y-Uri plơ̆ lah ma Y-Đavit: “Hip Nau Tâm Rnglăp nâm bu phung ƀon lan Israel jêh ri phung Yuđa dôl gŭ tâm ngih bok, kôranh gâp jêng Y-Jôap ndrel ma phung oh mon kôranh gâp gŭ njơh tâm mir, bi gâp plơ̆ sĭt tâm ngih gâp gay sông sa nhêt jêh ri bê̆ch ndrel ma ur gâp lĕ? Nanê̆ tĭng nâm hađăch jêh ri huêng hađăch ăt hôm rêh, gâp mâu mra ƀư nau nây ôh!”

II Samuel 14:19

Hađăch ôp: “Di lĕ ti Y-Jôap gŭ ndrel ma ay tâm lĕ nau aơ?” Bu ur nây plơ̆ lah: “Hơi hađăch jêng kôranh gâp, nanê̆ tĭng nâm may hôm rêh, bu mâu dơi teng ôh pa ma mâu lah pa chiau tâm lĕ nau hađăch jêng kôranh gâp hŏ lah jêh. Di ngăn, nây jêng Y-Jôap, oh mon hađăch, hŏ ntăm jêh ma gâp jêh ri păng yơh ăn oh mon bu ur hađăch ngơi lĕ nau aơ.

II Phung Hađăch 2:2

Y-Êli lah ma Y-Êlisê: “Gŭ hom ta aơ, yorlah Brah Yêhôva prơh gâp hăn tât ma Bêthel.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu du tă bơh may ôh.” Pôri, khân păng hăn trŭnh ma Bêthel.

II Phung Hađăch 2:4

Y-Êli lah tay ma Y-Êlisê: “Hơi Y-Êlisê, gŭ hom ta aơ, yorlah Brah Yêhôva prơh gâp hăn tât ma ƀon Yêrikô.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu mra du tă bơh may ôh.” Pôri, khân păng hăn tât ma Yêrikô.

II Phung Hađăch 2:6

Y-Êli lah ma Y-Êlisê: “Gŭ hom ta aơ, yorlah Brah Yêhôva prơh gâp hăn tât dak krong Yurdan.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu mra du tă bơh may ôh.” Pôri, bar hê khân păng hăn đŏng.

II Phung Hađăch 4:30

Ƀiălah mê̆ kon se jê̆ nây lah: “Gâp sŏk amoh Brah Yêhôva gŭ rêh mro mrăng, jêh ri sŏk amoh nau rêh may gay sơm ton pô aơ, gâp mâu mra du tă bơh may ôh.” Pôri, Y-Êlisê dâk jêh ri hăn tĭng ndô̆ păng.

I Nau Rêh Jêng 4:10

Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

I Samuel 17:55

Tâm nôk Y-Sôl saơ Y-Đavit hăn tâm lơh đah phung Philistin, păng ôp ma Y-Apner, kôranh ma phung tahan: “Ơ Y-Apner, mbu kon bu klâu ndăm rah aơ?” Y-Apner lah: “Hơi hađăch! Tĭng n'hâm may hôm rêh, gâp mâu gĭt ôh.”

I Samuel 20:3

Ƀiălah Y-Đavit sơm ton jêh ri lah: “Mbơ̆ may gĭt rah vah jêh ma gâp geh nau yô̆ tanăp măt may, pôri păng mĭn êng: ‘Lơi ăn Y-Jônathan gĭt ôh nau nây, klach lah păng rngot!’ Ƀiălah, tĭng nâm Brah Yêhôva gŭ rêh mro mrăng jêh ri tĭng nâm may ăt hôm rêh, nanê̆ ngăn vah vang gâp jêh ri đah nau khĭt knŏng hôm ƀah du nhuat.”

I Samuel 25:26

Aƀaơ, hơi kôranh gâp, Brah Yêhôva nkân jêh ti kôranh mâu ƀư nau nkhŭt mham, jêh ri sŏk ti may nơm plơng har. Nanê̆ nâm bu Brah Yêhôva gŭ rêh mro mrăng jêh ri kôranh ăt hôm rêh, ăn phung rlăng jêh ri phung ŭch ƀư mhĭk ma kôranh gâp mra nâm bu Y-Nabal!