I Samuel 1:23 - Nau Brah Ndu Ngơi 2023

²³ Y-Êlkana, sai păng lah: “Ƀư hom tĭng nau ay mĭn di, gŭ kâp ta aơ kŏ tât kon păng chalơi pu toh. Knŏng dăn Brah Yêhôva ƀư tât ngăn nau ton Păng!” Pônây, H'Anna gŭ ta ngih păng kŏ tât kon păng chalơi pu toh.

I Samuel 1:23 Iomraidhean Croise

II Samuel 7:25

Pônây aƀaơ, hơi Yêhôva Brah Ndu! Dăn ƀư nâp ktang kŏ tât ƀaƀơ n'ho ro lĕ nau May ngơi jêh ma oh mon May jêh ri ma nau chiă uănh păng, jêh ri ƀư di tĭng nâm nau May ngơi jêh.

I Phung Hađăch 3:21

Tât ôi taơ, gâp kah rngăl gay ăn kon gâp pu toh, saơ păng lĕ khĭt jêh! Ƀiălah kêng ang ôi, gâp uănh n'hêl nanê̆, saơ păng mâu di jêng kon gâp hŏ deh ôh.”

Nau Mprơ Ơm 22:9

Di yơh, May ngluh jêh gâp tă bơh ndŭl me; Ƀư gâp rnơm nsing dôl gŭ ta ntang ntơh me gâp.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Nau Kơp Bunuyh 30:12

jêh ri tơlah sai păng hŏ tăng jêh nau nây jêh ri mâu ngơi ôh jêh ri mâu dun ôh ma păng, pôri lĕ nau ton jêh ri tâm ton păng ngơi jêh mra hôm e ôh.

Mathay 24:19

Tâm lĕ nar nây, rêh ni ngăn yơh ma bu ur bă ntreo nđâp ma bu ur hôm ăn kon pu toh!

Luka 11:27

Tâm nôk Brah Yêsu ngơi lĕ nau nây, geh du huê bu ur tă bơh tâm phung bunuyh lah: “Ueh maak yơh ma ndŭl hŏ ntreo Păng jêh ri toh hŏ ăn Kôranh Brah pu!”

I Samuel 1:17

Y-Êli lah: “Hăn sĭt đăp rmên ma ngih ay, dăn ma Brah Ndu phung Israel dơn nau ay hŏ mbơh sơm ma Păng!”

I Samuel 14:36

Pakơi nau nây, Y-Sôl lah: “He jŭr hom hăn tĭng phung Philistin du măng aơ, pit in ƀư rai khân păng kŏ tât ang ôi, jêh ri lơi om du huê nuyh hôm rêh.” Khân păng lah: “Ƀư hom lĕ nau may mĭn di.” Ƀiălah kôranh ƀư brah lah: “He mbơh sơm hom ma Brah Yêhôva, ta aơ.”

I Samuel 14:40

Păng lah ma lĕ rngôch phung Israel: “Khân may dâk hom đah aơ, gâp jêh ri Y-Jônathan, kon bu klâu gâp, mra dâk đah ri.” Phung ƀon lan lah ma Y-Sôl: “Ƀư hom nau may mĭn di.”