I Samuel 1:22 - Nau Brah Ndu Ngơi 2023

²² Ƀiălah H'Anna mâu hăn hao ôh, yorlah păng lah đah sai păng: “Tơlah kon se jê̆ lĕ lơi pu toh jêh, gâp mra leo păng hăn hao, gay ăn păng mpơl măt tanăp Brah Yêhôva, jêh ri gŭ ta nây n'ho ro.”

I Samuel 1:22 Iomraidhean Croise

Nau Mprơ Ơm 110:4

Brah Yêhôva sân săk jêh, Păng mâu tâm rgâl nau mĭn ôh: “May jêng du huê kôranh ƀư brah gŭ n'ho ro tĭng mpôl Mêlkisedek.”

Nau Mprơ Ơm 23:6

Nanê̆ ngăn, lĕ nau rêh gâp, Nau ueh jêh ri nau yô̆ nđach mra tĭng gâp; Gâp mra gŭ tâm ngih Brah Yêhôva Kŏ tât n'ho ro.

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

Nau Ngluh Êjipt 21:6

pôri kôranh păng mra njŭn leo păng tanăp Brah Ndu, djôt leo păng hăn ta mpông mâu lah ta n'gâng mpông, jêh nây kôranh nây chuh tôr păng ma mâng mplanh; bunuyh dĭk nây mra pah kan ma kôranh păng lôch nau rêh păng.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Kan Lêvi 25:23

Mâu dơi tăch neh n'ho ro ôh yorlah neh jêng ndơ Gâp, bi khân may gŭ ndrel ma Gâp nâm bu phung bu năch jêh ri phung gŭ njưh.

Luka 2:22

Nôk lĕ nar ƀư kloh tĭng nâm nau vay Y-Môis ƀư lôch jêh, mbơ̆ mê̆ păng njŭn leo kon se jê̆ ta ƀon Yêrusalem gay nhhơr ma Kôranh Brah,

Nau Vay Nkah Tay 16:16

Ăp năm pe tơ̆, ăn lĕ rngôch phung bu klâu tâm mpơl măt tanăp Yêhôva Brah Ndu khân may ta ntŭk Păng mra săch, nây jêng ta nar rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp. Bu mâu mra yơr tanăp Brah Yêhôva ma bar ti dơm ôh,

Yôsuê 4:7

khân may plơ̆ lah hom pô aơ: Dak ta dak krong Yurdan suăt tăch grăl tanăp Hip Nau Tâm Rnglăp Brah Yêhôva. Lah Hip Nau Tâm Rnglăp rgăn dak krong Yurdan dak krong tâm rnglah jêh ri lĕ rplay lŭ aơ jêng ndơ ndray n'ho ro ma phung ƀon lan Israel.”

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”

I Samuel 1:28

Yor ri, gâp nhhơr păng ma Brah Yêhôva; păng jêng ndơ Brah Yêhôva lôch nau rêh păng.” Jêh nây kon se jê̆ Y-Samuel yơk mbah Brah Yêhôva ta nây.

I Samuel 13:13

Y-Samuel lah ma Y-Sôl: “May ƀư nau brŭt moih jêh, mâu djôt prăp ôh lĕ nau vay ntăm bơh Yêhôva Brah Ndu may hŏ ntăm ma may. Nanê̆, Brah Yêhôva hŏ njêng ƀon bri hađăch may nâp n'ho ro ma phung Israel;

I Samuel 2:11

Y-Êlkana plơ̆ sĭt ma ngih vâl păng ta Rama, bi kon se ndăm nây gŭ pah kan ma Brah Yêhôva, kôranh ƀư brah Y-Êli jêng nơm ntĭm ma păng.

I Samuel 2:18

Tâm nôk nây, Y-Samuel pah kan tanăp Brah Yêhôva. Kon se vân du mlâm êphôt ma bok mhay.

I Samuel 28:2

Y-Đavit lah ma Y-Akis: “Ueh ngăn, may mra gĭt moh nau oh mon may dơi ƀư.” Jêh ri Y-Akis lah ma Y-Đavit: “Ueh ngăn, gâp mra njêng may jêng tahan gak njrăng gâp mro mrăng.”

I Samuel 3:1

Nôk nây, Y-Samuel ndăm rah pah kan ma Brah Yêhôva tĭng nau Y-Êli ntĭm. Tâm rnôk nây, bu mâu vay tăng nau Brah Yêhôva ngơi, jêh ri lĕ nau tâm saơ kŏ mâu geh lĕ.