I Samuel 1:11 - Nau Brah Ndu Ngơi 2023

¹¹ Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”

I Samuel 1:11 Iomraidhean Croise

Nau Ntơm 28:20

Y-Yakôb ƀư nau ton pô aơ: “Tơlah Brah Ndu gŭ ndrel ma gâp, mât mray gâp tâm nôk gâp hăn nsong jêh ri ăn piăng let, kho ao ma gâp nsoh,

Nau Ntơm 29:32

H'Lêa ntreo jêh ri deh du huê kon bu klâu, amoh păng Y-Ruben jêh ri lah: “Brah Yêhôva uănh jêh ma nau rngot gâp, aƀaơ sai gâp mra rŏng ma gâp.”

Nau Ntơm 30:22

Brah Ndu kah gĭt ma H'Rachel, dơn nau păng jêh ri ăn păng deh kon.

Nau Ntơm 8:1

Brah Ndu kah gĭt ma Y-Nôê nđâp ma lĕ rngôch mpa bri jêh ri mpô mpa rong gŭ ndrel ma păng tâm kumpăn, yor ri Păng ƀư ăn geh sial khôm klơ neh jêh ri dak hŭch.

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

Nau Mprơ Ơm 25:18

Dăn sek uănh nau rêh ni jêh ri nau mhĭk tât gâp Jêh ri yô̆ an ma lĕ rngôch nau tih gâp.

Nau Ngluh Êjipt 4:31

Phung ƀon lan rnơm. Dôl khân păng tăng Brah Yêhôva hŏ khâl jêh phung ƀon lan Israel nđâp hŏ saơ jêh nau rêh ni khân păng, khân păng kŭnh bôk jêh ri yơk mbah.

Nau Hôr 31:2

Hơi kon gâp! Hơi kon bơh ndŭl proch gâp hŏ ntreo! Hơi kon bơh nau gâp mbơh sơm dăn! Moh nau gâp mra ngơi đah may?

Nơm Nti 5:4

Dôl may ton moh ntil nau ma Brah Ndu lơi jŏ jong ƀư lôch, yorlah Păng mâu maak ôh ma phung rluk. Pôri, ƀư lôch nau may ton.

Kan Lêvi 27:2

“May ntăm hom ma phung ƀon lan Israel pô aơ: ‘Tơlah mbu nơm geh nau dăn ton êng tât ma nau nhhơr bunuyh ma Brah Yêhôva, ăn may kơp tĭng nâm rnoh tâm ban gay ma nhhơr.

Nau Kơp Bunuyh 21:2

Phung ƀon lan Israel ƀư nau ton đah Yêhôva pô aơ: “Tơlah Kôranh Brah jao phung ƀon lan aơ tâm ti hên, hên mra ƀư rai lĕ ƀon khân păng.”

Nau Kơp Bunuyh 6:11

Kôranh ƀư brah mra nhhơr du mlâm jêng ndơ ƀư brah chuai nau tih, jêh ri du mlâm êng jêng ndơ ƀư brah gŭch gay chuai nau tih ma păng, yorlah săk jăn khĭt. Pônây tâm nar nây, păng mra prăp êng bôk păng ma nau kloh ueh.

Nau Kơp Bunuyh 6:5

Tâm du bông dôl păng ton ma Nasirit, păng mâu dơi poih ôh sŏk ta klơ bôk păng. Bunuyh nây mra prăp ăn ma kloh ueh jêh ri rong sŏk jong kŏ tât nôk păng lôch jêh mông nar prăp ma Brah Yêhôva.

Nau Kơp Bunuyh 6:8

Tâm du bông dôl ƀư nau ton Nasirit, păng prăp êng jêng kloh ueh ma Brah Yêhôva.

Phung Kôranh Phat Dôih 11:30

Y-Jêptê ƀư nau ton ma Brah Yêhôva pô aơ: “Tơlah May jao phung ƀon lan Ammôn tâm ti gâp tơlah gâp dơi tâm lơh plơ̆ sĭt,

Phung Kôranh Phat Dôih 13:5

yorlah ay mra ntreo jêh ri deh du huê kon bu klâu. Mâu dơi ăn măt pêh poih ôh bôk păng, yorlah kon se nây mra jêng du huê Nasirit ma Brah Ndu tă bơh ndŭl me păng. Păng nơm mra tâm rklaih phung Israel bơh ti phung Philistin.”

I Samuel 1:10

Nuih n'hâm H'Anna rngot, păng kuăl mbơh sơm ma Brah Yêhôva ma nau nhĭm rngot.

I Samuel 1:12

Tâm nôk H'Anna mbơh sơm jŏ jong ngăn tanăp măt Brah Yêhôva, Y-Êli kâp uănh trôm mbung păng.

I Samuel 1:19

Nar ôi taơ, ur sai Y-Êlkana kah rngăl ơm ôi, yơk mbah Brah Yêhôva, jêh nây plơ̆ sĭt ma ngih vâl khân păng ta Rama. Y-Êlkana gŭ ndrel H'Anna, jêng ur păng. Brah Yêhôva kah gĭt ma păng.

I Samuel 1:22

Ƀiălah H'Anna mâu hăn hao ôh, yorlah păng lah đah sai păng: “Tơlah kon se jê̆ lĕ lơi pu toh jêh, gâp mra leo păng hăn hao, gay ăn păng mpơl măt tanăp Brah Yêhôva, jêh ri gŭ ta nây n'ho ro.”

I Samuel 1:27

Gâp hŏ mbơh sơm gay geh kon se jê̆ aơ, jêh ri Brah Yêhôva hŏ dơn jêh nau gâp mbơh sơm ma Păng.

I Samuel 1:28

Yor ri, gâp nhhơr păng ma Brah Yêhôva; păng jêng ndơ Brah Yêhôva lôch nau rêh păng.” Jêh nây kon se jê̆ Y-Samuel yơk mbah Brah Yêhôva ta nây.

I Samuel 2:20

Y-Êli ăn nau ueh uĭn ma Y-Êlkana jêh ri H'Anna pô aơ: “Dăn ma Brah Yêhôva ăn ma bu ur nây deh kon ma may, gay sâm ntrok đah kon păng hŏ dăn jêh ri nhhơr ma Brah Yêhôva!” Jêh nau nây, khân păng hăn plơ̆ sĭt ngih vâl khân păng nơm.