I Samuel 1:10 - Nau Brah Ndu Ngơi 2023

¹⁰ Nuih n'hâm H'Anna rngot, păng kuăl mbơh sơm ma Brah Yêhôva ma nau nhĭm rngot.

I Samuel 1:10 Iomraidhean Croise

Nau Ntơm 30:1

Tơlah H'Rachel saơ păng mâu deh ôh kon ma Y-Yakôb, păng mâu nach ma nur păng, jêh ri lah ma Y-Yakôb: “Ăn may ăn ma gâp geh kon, lah mâu gâp khĭt ro!”

Nau Ntơm 50:10

Lah tât ta ntŭk bu mprah ba ta Atat, ta mpeh đah ri dak krong Yurdan, ta nây khân păng nhĭm nhhiăng du nau rngot toyh ngăn. Y-Yôsep ăn bu rngot rvê ma mbơ̆ păng pơh nar.

II Samuel 13:36

Tơlah păng ngơi lôch jêh, aơ phung kon bu klâu hađăch tât; khăn păng nhhiăng nhĭm. Hađăch jêh ri lĕ rngôch phung oh mon păng nhĭm rngot ngăn.

II Samuel 17:8

Y-Husai lah tay: “May gĭt lĕ ma mbơ̆ may jêh ri phung tĭng ndô̆ păng jêng phung tahan janh ktang; khân păng ji nuih nâm bu du mlâm kau tâm bri bu nhŭp ntŭng kon păng. Rlau lơn ma nây, mbơ̆ may jêng du huê tahan vay găn jêh âk nau tât, păng mâu mra bê̆ch măng ndrel ma phung tahan ôh.

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Ndrom Samƀŭt bơh Yôp 10:1

“Gâp mâu hôm ŭch rêh, Ri dĭng dah ŭch nau lŭng nter, Gâp mra ngơi tâm nau rngot bơh tâm nuih n'hâm gâp.

Ndrom Samƀŭt bơh Yôp 7:11

Yor ri, gâp mâu mra mêm mbung; Tâm nau rngot rvê bơh huêng, gâp mra ngơi; Tâm nau rêh ni bơh huêng, gâp mra vơh vơl.

Ndrom Samƀŭt bơh Yôp 9:18

Păng mâu ăn ma gâp năn nsôr n'hâm, Ƀiălah nkrâm gâp tâm nau rngot hâu ngăn ngên.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Hôr 14:10

Nau rngot tâm nuih n'hâm knŏng nuih n'hâm păng nơm gĭt. Nau maak tâm nâm nuih n'hâm mâm dơi tâm pă đah phung êng.

Êsai 38:15

Moh gâp dơi lah? Yorlah May hŏ ngơi jêh đah gâp May nơm yơh ƀư jêng nau aơ. Du bông nau rêh, gâp mra chuat tâm nau dêh rhêt Yor nau rngot bêng tâm huêng gâp.

Êsai 54:6

Brah Yêhôva kuăl jêh ay sĭt Tâm ban ma kuăl du huê ur bu chalơi jêh, jêh ri nuih n'hâm rngot, Jêng lah bu ur bu nđăp jêh dôl hôm druh jêh ri bu chalơi jêh.” Brah Ndu may lah:

Yêrêmi 13:17

Ƀiălah tơlah lĕ bunuyh mâu iăt ôh Huêng gâp mra nhĭm ăn ma nau sưr lĕ bunuyh. Gâp mra nhĭm rngot ngăn, hoch truh dak măt, Yorlah phung biăp Brah Yêhôva bu nhŭp rdu.

Yêrêmi 22:10

Lơi ta nhĭm ôh ăn ma bunuyh lĕ khĭt jêh, Mâu lĕ nhĭm vơl ma khân păng; Ƀiălah nhĭm hom ma nơm du hăn, Yorlah păng mâu mra lŏ plơ̆ sĭt, Mâu hôm saơ ntŭk tâp sok koh klŏ păng nơm đŏng ôh.

Nau Nhĭm Vơl 3:15

Păng hŏ ăn gâp glŏm bêng ma gơ̆ tăng, Rvăn tơm si tăng dĭl ngăn.

Luka 22:44

Tâm nau rngot rvê dŭt hâu, Păng mbơh sơm dŭt n'hâm ngăn, dak rhal Păng jêng tâm ban ma mham lĕ truh ta neh.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.

Phung Kôranh Phat Dôih 21:2

Phung ƀon lan văch ma Bêthel, gŭ ta nây tanăp Brah Ndu kŏ tât măng jêh ri khân păng nter huy jêh ri nhĭm hâu ngăn ngên.

Bu ur Rut 1:20

Păng plơ̆ lah ma khân păng: “Lơi kuăl gâp jêng H'Naômi ôh Kuăl hom gâp jêng H'Mara, Yorlah Nơm Geh Lĕ Nau Brah ƀư jêh ăn gâp geh âk nau rngot.

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”

I Samuel 1:9

Jêh lĕ rngôch bunuyh hŏ sông sa nhêt lôch jêh ta Silô, H'Anna dâk. Nôk nây, kôranh ƀư brah Y-Êli dôl gŭ ta rnơl êp kêng n'gâng mpông ngih Brah Yêhôva.