I Phung Hađăch 8:3 - Nau Brah Ndu Ngơi 2023

³ Tơlah lĕ rngôch bu ranh Israel hăn tât jêh, pôri phung kôranh ƀư brah tung Hip Nau Tâm Rnglăp,

I Phung Hađăch 8:3 Iomraidhean Croise

II Samuel 6:12

Bu mbơh ma hađăch Y-Đavit, “Brah Yêhôva hŏ ăn jêh nau ueh uĭn ma ngih Ôbet-Êđôm jêh ri lĕ ndơ păng geh yor hip Brah Ndu.” Pôri, Y-Đavit hăn vơt Hip Nau Tâm Rnglăp Brah Ndu ta ngih Y-Ôbet-Êđôm plơ̆ sĭt ma ƀon Đavit ma nau răm maak.

I Phung Hađăch 8:6

Phung kôranh ƀư brah tung Hip Nau Tâm Rnglăp Brah Yêhôva n'gân tâm ntŭk ta trôm dŭt ngih brah, jêng Ntŭk Dŭt Kloh Ueh, tâm dâng nting năr chêrubim.

I Nau Rêh Jêng 15:2

Nôk nây, Y-Đavit lah: “Mâu geh phung êng ôh, knŏng phung Lêvi dơi tung Hip Nau Tâm Rnglăp Brah Ndu, yorlah Brah Yêhôva săch jêh khân păng ăn tung Hip Nau Tâm Rnglăp Brah Yêhôva, jêh ri pah kan ma Păng n'ho ro.”

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.

Nau Kơp Bunuyh 7:9

Ƀiălah păng mâu ăn moh ndơ ôh ma phung kon sau Y-Kôhat, yorlah ăn khân păng djôt kan chiă uănh lĕ ndơ kloh ueh khân păng tung ta klơ săng nglik khân păng nơm.

Nau Vay Nkah Tay 31:9

Y-Môis nchih jêh nau vay aơ jêh ri jao ăn ma phung kôranh ƀư brah phung kon sau Lêvi, jêng phung tung Hip Nau Tâm Rnglăp Brah Yêhôva, tâm ban đŏng jao ăn ma lĕ rngôch phung kôranh bu ranh Israel.

Yôsuê 3:3

ntăm ma phung ƀon lan pô aơ: “Lah khân may saơ Hip Nau Tâm Rnglăp Yêhôva Brah Ndu khân may phung kôranh ƀư brah Lêvi tung hăn, ăn khân may du luh bơh ntŭk khân may jêh ri tĭng groi pakơi hip nây.

Yôsuê 3:6

Y-Yôsuê lah ma kôranh ƀư brah: “Tung hom Hip Nau Tâm Rnglăp hăn rgăn dak krong lor panăp phung ƀon lan.” Pônây khân păng tung Hip Nau Tâm Rnglăp jêh ri hăn lor panăp phung ƀon lan.

Yôsuê 4:9

Y-Yôsuê tâm ban đŏng ndâk jât ma bar mlâm lŭ tâm nklang dak krong Yurdan, ta ntŭk jâng phung kôranh ƀư brah tung Hip Nau Tâm Rnglăp hŏ dâk. Lĕ rplay lŭ nây ăt hôm gŭ ta nây kŏ tât ta nar aơ.

Yôsuê 6:6

Pônây Y-Yôsuê, kon bu klâu Y-Nun, kuăl phung kôranh ƀư brah jêh ri lah: “Tung hom Hip Nau Tâm Rnglăp jêh ri ăn pơh nuyh kôranh ƀư brah djôt pơh mlâm nŭng ma nke hăn panăp Hip Nau Tâm Rnglăp Brah Yêhôva.”