I Phung Hađăch 5:3 - Nau Brah Ndu Ngơi 2023

³ “May hŏ gĭt nanê̆ ngăn ma mbơ̆ gâp Y-Đavit mâu dơi ndâk ôh du mlâm ngih ma amoh Yêhôva Brah Ndu păng, yorlah nau păng tâm lơh đah phung rlăng gŭ jŭm păng, kŏ tât Brah Yêhôva dơm jêh phung rlăng nây tâm dâng jâng păng.

I Phung Hađăch 5:3 Iomraidhean Croise

I Phung Hađăch 8:19

Ƀiălah, may mâu mra ndâk ngih brah nây ôh, ƀiălah kon may, yor tă bơh may deh păng, mra ndâk ngih brah ma amoh Gâp.’

I Nau Rêh Jêng 22:8

Ƀiălah Brah Yêhôva ngơi ma gâp pô aơ: ‘May hŏ ƀư pling mham bu âk jêh, hŏ ƀư jêh âk nau tâm lơh toyh; may mâu mra ndâk du mlâm ngih brah ma amoh Gâp ôh, yorlah may ƀư pling jêh âk ir mham tanăp Gâp klơ neh ntu,

I Nau Rêh Jêng 28:2

Hađăch Đavit dâk jêh ri ngơi: “Hơi phung oh nâu jêh ri phung ƀon lan gâp, iăt hom! Gâp geh nau mĭn ndâk du mlâm ngih brah gay dơm Hip Nau Tâm Rnglăp Brah Yêhôva, jêh ri jêng rnơl chrong jâng ma Brah Ndu he. Gâp lĕ ndrăp nkra jêh ndơ dŏng prăp ndâk ngih.

I Nau Rêh Jêng 28:3

Ƀiălah Brah Ndu lah ma gâp pô aơ: ‘May mâu dơi ndâk ôh ngih brah ăn amoh Gâp, yorlah may jêng du huê tahan jêh ri hŏ ƀư nkhŭt mham bu âk ir.’

II Nau Rêh Jêng 9:4

lĕ ndơ sông sa ta klơ sưng sông hađăch, nau dăp ntŭk gŭ ma phung oh mon, nau pah kan ma phung kôranh jêh ri ndơ nsoh n'gut khân păng, phung kôranh djôt kachok jêh ri ndơ nsoh khân păng, nđâp ma ndơ hađăch ƀư brah gŭch nhhơr tâm ngih brah Brah Yêhôva, păng hih rhâl hâu ngăn.

Nêhêmi 5:17

Ntŭk sưng sông gâp tâm ban lĕ, geh du rhiăng prăm jât nuyh phung Yuđa jêh ri phung kôranh, mâu kơp ma phung văch tât ma hên tă bơh phung mpôl băl bunuyh gŭ jŭm hên.

Nêhêmi 5:18

Ăp nar, bu ndrăp du mlâm ndrôk, prao mlâm biăp lay ueh; bu ndrăp tâm ban lĕ sĭm jêh ri ăp tơ̆ jât nar geh ăp ntil ndrănh. Ƀiălah, gâp mâu kêh prăk nkhôm prăp ma kôranh chiă uănh, yorlah nau kan ƀư nây jêng jâk jêh ma phung ƀon lan he.

Nau Mprơ Ơm 110:1

Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

Nau Mprơ Ơm 8:6

Kôranh Brah ăn ma kon bunuyh nau dơi chiă uănh kan ti Kôranh Brah; Ăn lĕ rngôch ndơ tâm dâng jâng păng,

Malachi 4:3

Khân may mra jot phung djơh mhĭk, yorlah khân păng mra jêng buh tâm dâng mpang jâng khân may ta nar Gâp ƀư.” Brah Yêhôva ma phung tahan lah pônây.

I Kôrintô 15:25

Yorlah Păng chiă uănh, tât nôk Brah Ndu “dơm lĕ phung rlăng tâm dâng jâng Păng.”

Êphêsô 1:22

Păng dơm jêh lĕ rngôch ndơ tâm dâng jâng Brah Krist jêh ri njêng Brah Krist jêng bôk ma lĕ ntil ndơ yorlah Phung Ngih Brah Ndu.

Nau Vay Nkah Tay 14:5

jun, njoih, jĭl, be bri, yơng, ndrôk bri, jêh ri biăp yôk.

Yôsuê 10:24

Nôk bu njŭn leo prăm hađăch nây văch ma Y-Yôsuê, Y-Yôsuê kuăl lĕ rngôch phung bu klâu Israel jêh ri lah ma phung kôranh chiă uănh tahan hŏ hăn ndrel jêh n'hanh păng pô aơ: “Văch dăch hom, jot jâng khân may ta trô ko phung hađăch aơ.” Khân păng hăn văch dăch, jot jâng khân păng ta trô ko phung hađăch nây.