I Pêtrôs 4:3 - Nau Brah Ndu Ngơi 2023

³ Nar kăl e, khân may mpŭng mông nar jêh gay ƀư lĕ nau phung bu năch ŭch ƀư, nâm bu gŭ rêh tâm nau blă blơ, nau kơnh mhĭk, nhŭl ndrănh, pâl rlưn rlau keh, nau nhêt sa rlau keh, nau mbah rup brah dŭt ƀơ̆ ƀơch.

Bunong Bible Latin Script Cambodian dialect

³ Bơh ntơm nơh lĕ jŏ jêh khân ay may gŭ ngao jan tâng bunuyh i mâu gĭt năl Kôranh Brah, tâm dŏng, jan tâng nau kơnh djơh ta nuih n'hâm, nhêt sông nhŭl blâk blek, ndrel ma yơk mbah ma rup brah jêng ndơ ƀơ̆ ƀơch.

Bunong

³ ឞើស​នតើម​នើស​លែៈ​ជ៝ៈ​ជេស​ខាន់​អៃ​មៃ​គុ​ងាវ​ជាន​តឹង​ឞូនុយ្ស​អី​មោ​គឹត​នាល់​កោរាញ​ឞ្រាស តឹម​ទ៝ង់ ជាន​តឹង​នាវ​កើញ​អ្យើស​តា​នូយ្ស​នហ៝ម់ ញេត​ឆោង​ញុល​ឞ្លឹក​ឞ្លែក នទ្រែល​មា​យើក​មឞាស​មា​រូប​ឞ្រាស​ជេង​នទើ​បឹ​បើច។

I Pêtrôs 4:3 Iomraidhean Croise

II Samuel 13:28

Y-Apsalôm ntĭnh ma phung oh mon păng: “Kâp uănh tơlah nuih n'hâm Y-Amnôn maak yor ndrănh, jêh ri tơlah gâp lah ma khân may: ‘dong hom Y-Amnôn,’ pônây nkhĭt hom păng ro yơh. Lơi klach ôh! Mâu di hĕ gâp nơm yơh đă ma khân may ƀư nau nây? Ăn khân may nănh janh jêh ri mpơl nau janh ktang!”

I Phung Hađăch 21:26

Hađăch ƀư jêh nau mưch rmot ngăn jêng mbah lĕ rup brah nâm bu phung Amôrit hŏ ƀư, jêng phung ƀon lan Brah Yêhôva mprơh jêh bơh panăp phung ƀon lan Israel.

II Nau Rêh Jêng 15:8

Tơlah Y-Asa hŏ tăng jêh nau ngơi nây jêng nau ngơi mbơh lor bơh nơm mbơh lor Y-Ôdet, ri mơ hađăch ntop nau janh ktang. Păng mƀăr lơi rup brah ƀơ̆ ƀơch luh bơh lam n'gor Yuđa jêh ri Benjamin, jêh ri luh bơh lĕ ƀon păng lĕ pit in jêh ta klơ nkual yôk Êphraim. Păng nkra tay nơng ƀư brah Brah Yêhôva mpeh panăp ndring ngih Brah Yêhôva.

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsai 5:11

Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Êsai 65:4

Gŭ tâm ntŭk môch Gŭ lĕ măng tâm ntŭk ndâp Gay sa puăch sŭr, Prăp dak gâm puăch ƀơ̆ tâm ngan khân păng.

Yêrêmi 16:11

May ngơi hom ma khân păng pô aơ Brah Yêhôva lah: ‘Yor phung chô yau khân may hŏ chalơi jêh Gâp tĭng lĕ brah êng, hŏ pah kan jêh ri yơk mbah ma lĕ brah nây. Khân păng hŏ chalơi jêh Gâp, mâu djôt prăp ôh nau vay Gâp.

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Êsêkiêl 44:6

Ăn may lah hom ma phung vay tâm rdâng, jêng ma ngih Israel pô aơ, Kôranh Brah Yêhôva lah: ‘Hơi ngih Israel, lĕ rngôch nau ƀơ̆ khân may hŏ ƀư lĕ găp jêh!

Êsêkiêl 45:9

Kôranh Brah Yêhôva lah: ‘Hơi phung hađăch Israel, găp jêh khân may ƀư pônây! Chalơi hom nau ƀư djơh jêh ri tŭn jot, ƀư hom nau sŏng, nau di. Rlu hom nau pit in drăp ndơ ƀon lan Gâp, Kôranh Brah Yêhôva Brah lah pônây.’”

Markôs 7:22

nau ka n'hong, nau kơnh rlau ir, janh ƀai, nau mƀruh nchơt, nau brơl rlach, nau keh nach, ngơi nchơt, nau brŭt ndrăng.

Kôranh Oh Mon 17:30

Pôri, Brah Ndu hŏ sŏk lơi lĕ tâm rnôk rluk mâl nây, ƀiălah aƀaơ aơ, Păng ntrŭnh ma lĕ rngôch bunuyh gŭ ăp ntŭk tâm rmal nau tih khân păng.

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

I Kôrintô 12:2

Khân may gĭt jêh, dôl khân may hôm jêng phung bu năch, phung rup brah mlo hŏ njŭn leo khân may hăn tâm trong tih.

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

II Kôrintô 12:21

Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

Galati 5:19

Nau kan bơh nglay săk rah vah jêh, nây jêng nau văng tĭr, nau ƀơ̆ ƀơch, nau blă blơ,

Galati 5:21

keh nach, nhŭl ndrănh, nhêt sa blă blơ, jêh ri lĕ nau êng tâm ban kơt nây. Gâp mbơh lor ma khân may, tâm ban gâp hŏ tă mbơh lor: Mbu nơm ƀư tih pônây mâu mra dơi dơn ƀon bri hađăch Brah Ndu.

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

I Têsalônik 4:5

lơi tŭp tâm nau văng tĭr blă blơ nâm bu phung bu năch, jêng phung bunuyh mâu gĭt năl Brah Ndu.

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

I Pêtrôs 1:14

Nâm bu phung kon tông bâr, khân may lơi ƀư tĭng lĕ nau kơnh ŭch kăl e, dôl khân may gŭ tâm nau rluk mâl.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.