I Pêtrôs 1:3 - Nau Brah Ndu Ngơi 2023

³ Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

Bunong Bible Latin Script Cambodian dialect

³ Ăn rnê Kôranh Brah i bơ̆ Brah Yêsu Krist i Kôranh bân. Tă bơh nau yô̆ dŭt kuŏng Păng nơm, Kôranh Brah lĕ jan jêh nuih n'hâm bân ăn mhe tâm ban ma ăn bân deh du tơ̆ jât, yor ma Păng lĕ jan Brah Yêsu Krist ăn dâk rêh bơh phung khât, ndri bân geh nau rnơm nâp rkâk ngăn Păng mra ăn bân dâk rêh đŏng.

Bunong

³ អ៝ន់​រានេ​កោរាញ​ឞ្រាស​អី​ឞឹ​ឞ្រាស​យេឆូ​ក្រីស  ​អី​កោរាញ​ឞ៝ន់។ តាៈ​ឞើស​នាវ​យោៈ​ទុត​ក្វ៝ង់​ពាង់​នើម កោរាញ​ឞ្រាស​លែៈ​ជាន​ជេស​នូយ្ស​នហ៝ម់​ឞ៝ន់​អ៝ន់​មហែ​តឹម​ឞាន​មា​អ៝ន់​ឞ៝ន់​ទែស​ទូ​តឹ​ជឹត យ៝រ​មា​ពាង់​លែៈ​ជាន​ឞ្រាស​យេឆូ​ក្រីស  ​អ៝ន់​ទ៝ក់​រេស​ឞើស​ផូង​ខឹត នទ្រី​ឞ៝ន់​គែស​នាវ​រានើម​ន៝ប់​រាក៝ក់​ងាន់​ពាង់​មរា​អ៝ន់​ឞ៝ន់​ទ៝ក់​រេស​ដ៝ង់។

I Pêtrôs 1:3 Iomraidhean Croise

I Phung Hađăch 8:15

Hađăch lah: “Tâm rnê ngăn ma Yêhôva Brah Ndu phung Israel, Nơm hŏ ton jêh ma Y-Đavit, mbơ̆ gâp, jêh ri sŏk ti Păng nơm ƀư tât di ngăn lĕ rngôch nau nây. Păng lah pô aơ:

I Nau Rêh Jêng 29:20

Y-Đavit lah ma lĕ rngôch phung tâm rƀŭn: “Mât ton hom ma Yêhôva Brah Ndu khân may.” Lĕ rngôch phung tâm rƀŭn mât ton ma Yêhôva Brah Ndu phung chô yau khân păng, khân păng kŭnh bôk yơk mbah ma Brah Yêhôva, jêh ri kŭnh mbah panăp hađăch.

II Nau Rêh Jêng 31:8

Lah Y-Hêsêkia jêh ri phung kôranh văch tât jêh ri uănh saơ âk mbŭch bu bun ndơ nhhơr, khân păng tâm rnê ma Brah Yêhôva jêh ri ăn nau ueh uĭn ma phung ƀon lan Israel.

Nau Mprơ Ơm 41:13

Mât ton ma Brah Yêhôva Brah Ndu phung Israel, Ntơm bơh rnôk n'ho ro tât rnôk n'ho ro Amen! Amen!

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Yôhan 1:13

jêng phung bunuyh deh mâu di deh tă bơh mham, mâu lah tă bơh nglay săk kơnh, mâu lah tă bơh nau bunuyh ŭch, ƀiălah tă bơh Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 12:12

Gŭ maak hom tâm nau kâp gân, srôih tâm nau rêh ni, nâp nuih n'hâm jêh ri mbơh sơm.

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 4:25

Bu jao Păng ma nau mhĭk yor nau tih he, jêh ri Păng hŏ ăn dâk rêh tay jêh gay ma he dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 5:10

Yorlah tơlah dôl he jêng bunuyh tâm rdâng đah Brah Ndu, ƀiălah yor ma nau khĭt Kon Păng, he hôm dơi geh tâm rnglăp đah Brah Ndu, pôri rlau lơn ma nar aơ hŏ geh nau tâm rnglăp jêh, he lơ hô dơi tâm rklaih yor nau rêh Kon Păng.

Samƀŭt Pôl Njuăl Ăn Ma Phung Nsing Ta Ƀon Rôm 8:11

Tơlah Brah Huêng Ueh Nơm hŏ ƀư ăn ma Brah Yêsu dâk rêh tay tă bơh nau khĭt gŭ tâm khân may, Nơm hŏ ƀư ma Brah Krist dâk rêh tay tă bơh nau khĭt ăt mra yor Brah Huêng Ueh Păng gŭ tâm khân may ăn nau rêh ma săk jăn blau khĭt khân may.

Samƀŭt Pôl Njuăl Ăn Ma Phung Nsing Ta Ƀon Rôm 8:24

Tâm nau kâp gân yơh, he geh nau rklaih. Ƀiălah tơlah bu dơi saơ jêh nau khân păng kâp gân, mâu hôm jêng nau kâp gân đŏng. Yorlah mbu moh kâp gân ma nau păng nơm hŏ saơ jêh?

I Kôrintô 13:13

Aƀaơ aơ hôm geh pe ntil nau aơ: Nau chroh, nau kâp gân, nau rŏng; ƀiălah nau toyh lơn lĕ jêng nau rŏng.

I Kôrintô 15:20

Ƀiălah aƀaơ, Brah Krist dâk rêh tay jêh tă bơh nau khĭt. Păng jêng play bôk yan ma phung khĭt jêh.

II Kôrintô 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist, jêng Mbơ̆ geh nau yô̆ nđach jêh ri Brah Ndu ma lĕ nau bonh leng.

Galati 6:16

Dăn nau đăp mpăn jêh ri nau yô̆ nđach jŭr ma lĕ rngôch mbu nơm ƀư tĭng nau vay nây, jêh ri ta phung Israel Brah Ndu đŏng!

Êphêsô 1:17

Gâp vơl dăn ma Brah Ndu Kôranh Brah he jêng Brah Yêsu Krist, jêng Mbơ̆ nau chrêk rmah, ăn ma khân may huêng nau blau mĭn jêh ri nau tâm mpơl, gay khân may gĭt năl Păng.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Êphêsô 2:4

Ƀiălah Brah Ndu, jêng Nơm ndrŏng nuih n'hâm yô̆ nđach, yor Păng rŏng he ma nau rŏng dŭt prêh,

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

I Têsalônik 1:3

Tanăp măt Brah Ndu, jêng Mbơ̆, hên kah gĭt ƀaƀơ ma kan nau chroh khân may, ma kan nau rŏng khân may, nau srôih tâm nau khân may kâp gân tâm Kôranh Brah he jêng Brah Yêsu Krist.

I Têsalônik 4:13

Hơi phung oh nâu, hên mâu ŭch ôh ma khân may mâu gĭt rbăng ma nau phung bê̆ch jêh, gay ma khân may lơi rngot rvê nâm bu phung êng mâu geh nau kâp gân.

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

I Timôthê 1:14

Nanê̆ ngăn nau yô̆ Kôranh Brah he jêng bêng ler jêh ma gâp nđâp ma nau chroh jêh ri nau rŏng tâm Brah Yêsu Krist.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

I Pêtrôs 1:23

Khân may geh jêh nau deh mhe tay, mâu di ma găr ntil blau rai yot, ƀiălah găr ntil mâu hôm blau ôm rai, nây jêng nau ngơi gŭ rêh mro mrăng jêh ri nâp ngăn bơh Brah Ndu.

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,

I Pêtrôs 3:5

Yorlah phung bu ur kloh ueh rnôk kăl e, phung bunuyh kâp gân tâm Brah Ndu jêh ri blau tông ma sai khân păng, nkrơ̆ kơt nĕ đŏng;

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

I Yôhan 3:3

Mbu nơm geh nau kâp gân aơ tâm Păng, ăn bunuyh nây djôt prăp nau kloh ma păng nơm, nâm bu Păng jêng kloh.

I Yôhan 3:9

Mbu nơm deh tă bơh Brah Ndu, mâu ƀư tih ôh; yor găr ntil Brah Ndu gŭ tâm bunuyh nây; bunuyh nây mâu dơi ƀư tih tay đŏng ôh, yorlah păng deh tă bơh Brah Ndu.

I Yôhan 4:7

Hơi phung gâp rŏng, ăn he tâm rŏng ndrăng he, yorlah nau rŏng văch tă bơh Brah Ndu. Mbu nơm rŏng deh jêh tă bơh Brah Ndu jêh ri gĭt năl Brah Ndu.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

I Yôhan 5:18

He gĭt mbu nơm deh jêh tă bơh Brah Ndu mâu ƀư tih ôh, yorlah Nơm deh jêh bơh Brah Ndu mât mray bunuyh nây, jêh ri brah mhĭk mâu pah bi bunuyh nây ôh.

I Yôhan 5:4

Yorlah mbu nơm deh tă bơh Brah Ndu dơi đah neh ntu; nau ƀư ma he dơi đah neh ntu jêng nau he chroh.