I Pêtrôs 1:2 - Nau Brah Ndu Ngơi 2023

² tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!

Bunong Bible Latin Script Cambodian dialect

² Kôranh Brah bơ̆ lĕ ơm jêh kơih khân ay may, jêh ri Brah Huêng Ueh jan ăn khân ay may jêng ƀon lan Kôranh Brah, gay ma khân ay may iăt nau Brah Yêsu Krist, ndrel ma geh yô̆ nau tih tă bơh nau djrah mham Brah Yêsu Krist nơm ta phung khân ay may. Dăn nau ueh, ndrel ma nau đăp mpăn Kôranh Brah nơm gŭ ta khân ay may lơ ma hô lơ ma ŏk.

Bunong

² កោរាញ​ឞ្រាស​ឞឹ​លែៈ​អើម​ជេស​កើយ្ស​ខាន់​អៃ​មៃ ជេសរី​ឞ្រាស​ហ្វេង​អ្វែស​ជាន​អ៝ន់​ខាន់​អៃ​មៃ​ជេង​ប៝ន​លាន​កោរាញ​ឞ្រាស គៃ​មា​ខាន់​អៃ​មៃ​អ្យាត់​នាវ​ឞ្រាស​យេឆូ​ក្រីស  នទ្រែល​មា​គែស​យោៈ​នាវ​តីស​តាៈ​ឞើស​នាវ​អ្យ្រាស​មហាម​ឞ្រាស​យេឆូ​ក្រីស  ​នើម​តា​ផូង​ខាន់​អៃ​មៃ។ ទាន់​នាវ​អ្វែស នទ្រែល​មា​នាវ​ដាប់​មពាន់​កោរាញ​ឞ្រាស​នើម​គុ​តា​ខាន់​អៃ​មៃ​លើ​មា​ហោ​លើ​មា​អ៝ក់។

I Pêtrôs 1:2 Iomraidhean Croise

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 65:22

Khân păng mâu mra ndâk ngih ăn nơm êng gŭ ôh, Mâu lĕ tăm đang krăk ƀâu ăn nơm êng sa. Yorlah nar phung ƀon lan Gâp gŭ rêh mra jêng tâm ban ma nar tơm si gŭ rêh; Phung Gâp săch mra dơn ndơ tă bơh kan ti khân păng nơm ƀư.

Êsai 65:9

Gâp mra ƀư ăn du noi deh luh bơh Yakôb, Jêh ri geh du huê bunuyh ndơn drăp lĕ yôk Gâp, luh bơh Yuđa; Phung Gâp hŏ săch mra ndơn păng, Jêh ri phung oh mon Gâp mra gŭ ta nây.

Daniel 4:1

Hađăch Nêbukatnetsar njuăl ma lĕ rngôch phung ƀon lan, phung bri dak, lĕ nau ngơi tâm lam neh ntu: “Nau ueh khân may geh nau đăp mpăn âk râk!

Daniel 6:25

Rnôk nây hađăch Darius nchih samƀŭt ma lĕ rngôch phung ƀon lan, lĕ bri dak, lĕ nau ngơi nau gŭ lam neh ntu: “Ăn nau ueh ma khân may dơi geh nau đăp mpăn âk rmeh!

Kan Lêvi 1:5

Ndrôk nkuăng mra nkhĭt tanăp Brah Yêhôva, jêh nây phung kon sau Y-Arôn jêng phung kôranh ƀư brah sŏk mham păng nhhơr jêh ri djrah mham nây jŭm nơng ƀư brah ta mpông Ngih Bok Nau Tâm Rƀŭn.

Mathay 24:22

Tơlah lĕ nar nây mâu n'hŭch lơi, pôri mâu geh du huê bunuyh dơi rklaih ôh; ƀiălah yor phung bunuyh dơi săch lĕ nar nây mra n'hŭch lơi.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Markôs 13:20

Tơlah Kôranh Brah mâu ăn n'hŭch gleh lĕ nar nây, pôri mâu geh du huê bunuyh dơi rklaih; ƀiălah yor phung Păng hŏ săch rĭ dĭng Păng n'hŭch gleh lĕ nar nây.

Markôs 13:22

Lĕ bunuyh nklă amoh Brah Krist jêh ri phung nơm mbơh lor nklă mra mpơl; khân păng ƀư lĕ nau mbên khlay, nau khlay toyh ngăn gay lah dơi ƀư, khân păng ndơm nđâp ma phung hŏ săch jêh.

Markôs 13:27

Păng mra njuăl phung tông mpăr tâm rgum phung Păng hŏ săch jêh lam puăn njônh, ntơm bơh bôl trôk tât ma bôl dŭt neh.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Kôranh Oh Mon 15:18

Nây jêng lĕ nau dơi gĭt ntơm bơh rbăn rnôk kăl e.’

Kôranh Oh Mon 2:23

Bu nhŭp jao Păng tĭng nau dăp ƀư hŏ dăp nal jêh ri tĭng nau Brah Ndu gĭt lor, khân may hŏ manh ti phung djơh mhĭk pâng Păng klơ si tâm rkăng jêh ri nkhĭt Păng.

Kôranh Oh Mon 20:32

Aƀaơ aơ, gâp jao khân may ma Brah Ndu jêh ri ma nau chroh nau yô̆ Păng, jêng nau chroh dơi ndâk jêh ri ăn drăp ndơn ma khân may nđâp ma lĕ rngôch phung bunuyh geh nau kloh ueh.

Samƀŭt Pôl Njuăl Ăn Ma Phung Nsing Ta Ƀon Rôm 1:5

Yor ma Păng, hên hŏ dơn jêh nau yô̆ jêh ri nau pah kan kôranh oh mon, gay ma yor amoh Păng njŭn leo lĕ rngôch phung mpôl băl tông ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Samƀŭt Pôl Njuăl Ăn Ma Phung Nsing Ta Ƀon Rôm 11:2

Brah Ndu mâu mâp lơi ôh phung păng gĭt năl jêh bơh lor. Khân may mâu gĭt hĕ ma Nau Brah Ndu Ngơi nchih ma nau Y-Êli phong ma phung Israel tanăp Brah Ndu?

Samƀŭt Pôl Njuăl Ăn Ma Phung Nsing Ta Ƀon Rôm 11:28

Ma Nau Mhe Mhan Ueh, khân păng jêng phung rlăng Brah Ndu, nau nây geh ndơ khlay ma khân may; ƀiălah tĭng nau săch, khân păng geh nau rŏng yor phung chô yau khân păng;

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 16:19

Lĕ rngôch bunuyh gĭt jêh ma nuih n'hâm khân may tông bâr; yor ri, gâp răm maak ma khân may, ŭch ma khân may geh nau blau mĭn ma nau ueh jêh ri ăn kloh ma nau mhĭk.

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

Samƀŭt Pôl Njuăl Ăn Ma Phung Nsing Ta Ƀon Rôm 8:13

Yorlah tơlah khân may gŭ rêh tĭng nâm nglay săk, khân may mra khĭt; ƀiălah tơlah ma Brah Huêng Ueh ƀư ăn khĭt kan tĭng nâm săk jăn, khân may mra rêh.

Samƀŭt Pôl Njuăl Ăn Ma Phung Nsing Ta Ƀon Rôm 8:33

Mbu nơm mra phong ma phung Brah Ndu săch, nôk Brah Ndu jêng Nơm kơp sŏng srăng ma phung bunuyh nây?

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

II Kôrintô 10:5

rlâm lơi lĕ nau blau ngơi jêh ri ăp ntil nau sưr tâm rdâng đah nau gĭt rbăng Brah Ndu, jêh ri nchâp lĕ rngôch nau mĭn tông ma Brah Krist.

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

II Têsalônik 2:13

Hơi phung oh nâu jêng phung Kôranh Brah rŏng, hên ŭch lah ueh ma Brah Ndu ƀaƀơ ma khân may, yorlah ntơm saơm Brah Ndu săch jêh gay ăn nau tâm rklaih ma khân may, tă nau kloh ueh bơh Brah Huêng Ueh jêh ri nau chroh tâm nau ngăn.

II Timôthê 2:10

Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.

Titus 1:1

Y-Pôl, oh mon Brah Ndu jêh ri kôranh oh mon Brah Yêsu Krist, geh nau pah kan njŭn nau chroh jêh ri nau gĭt rbăng ma nau ngăn tât ta phung bunuyh Brah Ndu săch jêh, jêng nau tâm di ma nuih n'hâm klach yơk,

ហេឞ្រើ 10:22

pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

ហេឞ្រើ 11:28

Yor ma nau chroh, păng djôt nkra rƀŭn Nau Găn jêh ri mhĭng mham, gay ma tông mpăr ƀư rai mâu pah tât ta kon bôk rah phung Israel.

ហេឞ្រើ 12:24

dăch ma Brah Yêsu, Nơm Tâm Nklang ma nau tâm rnglăp mhe, nâm bu ntĭt dăch ma mham nkhŭt jêh, jêng mham ueh lơn ma mham Y-Abel.

ហេឞ្រើ 5:9

jêh ri nôk hŏ lôch jêh, Păng jêng tơm tâm rklaih n'ho ro ma lĕ rngôch bunuyh tông bâr ma Păng,

I Pêtrôs 1:14

Nâm bu phung kon tông bâr, khân may lơi ƀư tĭng lĕ nau kơnh ŭch kăl e, dôl khân may gŭ tâm nau rluk mâl.

I Pêtrôs 1:19

ƀiălah ma mham khlay Brah Krist, nâm bu mham du mlâm kon biăp geh ntŭk kuet, mâu geh têl khap,

I Pêtrôs 1:20

tâm nal jêh êlor rhăk njêng trôk neh ntu, ƀiălah tâm mpơl tâm rnôk nglĕ dŭt aơ yorlah khân may.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

II Pêtrôs 1:2

Dăn nau yô̆ jêh ri nau đăp mpăn bêng ler tâm khân may tă bơh nau gĭt năl Brah Ndu jêh ri Brah Krist, Kôranh Brah he!

II Yôhan 1:1

Kôranh bu ranh nchih njuăl ma bu ur, nơm Brah Ndu săch jêh, ndrel ma phung kon ay jêng phung gâp rŏng tâm nau ngăn; mâu di knŏng gâp dơm ôh, ƀiălah lĕ rngôch phung gĭt năl jêh nau ngăn tâm ban lĕ,

II Yôhan 1:13

Phung kon ruh ay, nơm Brah Ndu săch jêh, njuăl nau mbah jô̆ khâl đah ay.

Yuđas 1:2

Mbơh sơm dăn nau yô̆ nđach, nau đăp mpăn jêh ri nau rŏng lơ hô âk râk ma khân may.