I Kôrintô 8:3 - Nau Brah Ndu Ngơi 2023

³ Ƀiălah tơlah mbu nơm rŏng ma Brah Ndu, Brah Ndu gĭt năl jêh nơm nây.

Bunong Bible Latin Script Cambodian dialect

³ Jêh ri bu moh i rŏng ma Kôranh Brah, Kôranh Brah gĭt năl păng i nây đŏng.

Bunong

³ ជេសរី​ឞូ​ម៝ស​អី​រ៝ង់​មា​កោរាញ​ឞ្រាស កោរាញ​ឞ្រាស​គឹត​នាល់​ពាង់​អី​នៃ​ដ៝ង់។

I Kôrintô 8:3 Iomraidhean Croise

I Phung Hađăch 3:3

Y-Salômôn yơk rŏng ma Brah Yêhôva yor ri chuat hăn tĭng nâm lĕ nau vay Y-Đavit dăp, mbơ̆ păng. Ƀiălah păng ăt hôm e nhhơr mpa ƀư brah jêh ri su n'hôl ƀâu kah ta lĕ ntŭk prêh klơ.

Nau Mprơ Ơm 1:6

Yorlah Brah Yêhôva gĭt trong phung sŏng srăng, Ƀiălah trong bunuyh mhĭk mra rai yot.

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Ngluh Êjipt 33:12

Y-Môis lah ma Brah Yêhôva: “Ơ Kôranh Brah, May hŏ lah jêh ma gâp: ‘Njŭn leo hom phung ƀon lan aơ’, ƀiălah May mâu ăn gâp gĭt ôh mbu May mra njuăl hăn ndrel ma gâp, nđâp lah May lah: ‘Gâp năl may ma amoh may, jêh ri may geh jêh nau yô̆ tanăp măt Gâp.’

Nau Ngluh Êjipt 33:17

Brah Yêhôva lah ma Y-Môis: “Gâp mra ƀư nau may dăn ma Gâp, yorlah may geh jêh nau yô̆ tanăp măt Gâp, jêh ri Gâp gĭt năl may ma amoh may nơm.”

Yêrêmi 1:5

“Êlor rhăk njêng may tâm trôm ndŭl mê̆, Gâp hŏ gĭt jêh may, Êlor may deh, Gâp hŏ prăp êng may; Gâp hŏ ndâk may ƀư nơm mbơh lor ma lĕ bri dak.”

Amôt 3:2

Gâp knŏng gĭt khân may dơm Tâm lĕ rngôch phung băl mpôl bunuyh ta neh ntu; Yor nây, Gâp mra tâm rmal khân may Yor lĕ nau kue khân may.

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Mathay 7:23

Mông nây, Gâp mra lah rah vah ma khân păng: ‘Hơi phung ƀư mhĭk, du hom tă bơh Gâp, Gâp mâu mâp gĭt năl khân may ôh!’ ”

Yôhan 10:14

Gâp jêng bunuyh rmăk biăp ueh. Gâp gĭt năl biăp Gâp, jêh ri biăp Gâp gĭt năl Gâp;

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Samƀŭt Pôl Njuăl Ăn Ma Phung Nsing Ta Ƀon Rôm 11:2

Brah Ndu mâu mâp lơi ôh phung păng gĭt năl jêh bơh lor. Khân may mâu gĭt hĕ ma Nau Brah Ndu Ngơi nchih ma nau Y-Êli phong ma phung Israel tanăp Brah Ndu?

I Kôrintô 13:12

Aƀaơ aơ he knŏng saơ tâm măt rchŏk tâm nau mâu rah vah; tât rnôk nây, he mra saơ muh măt tâm thâng. Aƀaơ aơ gâp gĭt geh nau keh; tât rnôk nây taơ, gâp mra gĭt năl tâm ban ma Kôranh Brah gĭt năl jêh gâp.

I Kôrintô 2:9

Ƀiălah, tâm ban ma nau nchih: “Lĕ nau măt mâu mâp saơ, tôr mâu mâp tăng, Jêh ri nuih n'hâm mâu mâp mĭn Brah Ndu hŏ ơm rơm jêh ma phung bunuyh rŏng ma Păng.”

Galati 4:9

Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

I Yôhan 4:19

He rŏng yorlah Kôranh Brah rŏng jêh ma he lor.

I Yôhan 4:7

Hơi phung gâp rŏng, ăn he tâm rŏng ndrăng he, yorlah nau rŏng văch tă bơh Brah Ndu. Mbu nơm rŏng deh jêh tă bơh Brah Ndu jêh ri gĭt năl Brah Ndu.

Nau Tâm Mpơl 2:13

‘Gâp gĭt ta ntŭk may gŭ; ntŭk nây jêng sưng hađăch Satan. May djôt nâp amoh Gâp jêh ri may mâu dun ôh nau chroh ma Gâp, nđâp tâm lĕ nar Y-Antipas, bunuyh mbơh răp jăp ma Gâp, bu hŏ nkhĭt păng ta ntŭk khân may, ta nây Satan gŭ.

Nau Tâm Mpơl 2:19

‘Gâp gĭt kan may, nau rŏng may, nau chroh, nau pah kan jêh ri nau may srôih; lĕ nau kan nglĕ dŭt may âk lơn ma lĕ nau kan ntơm saơm.

Nau Tâm Mpơl 2:9

‘Gâp gĭt năl nau rêh ni jêh ri nau o ach may, ƀiălah may jêng ndrŏng ngăn! Gâp gĭt lĕ nau nchơt bơh phung kơp êng săk khân păng nơm jêng phung Yuđa, ƀiălah nanê̆ mâu di, ƀiălah khân păng jêng phung ngih rƀŭn Satan.