I Kôrintô 8:12 - Nau Brah Ndu Ngơi 2023

¹² Dôl ƀư tih pônây đah phung oh nâu khân may jêh ri ƀư sôt nuih n'hâm rdja khân păng, khân may ƀư tih đah Brah Krist yơh.

Bunong Bible Latin Script Cambodian dialect

¹² Lĕ tih jêh, lah khân ay may jan tih ăn ma oh nô i nsing rdja jan ăn păng rngot rvê ta nuih n'hâm. Ndơ i nây khân ay may lĕ jan tih ma Brah Krist đŏng.

Bunong

¹² លែៈ​តីស​ជេស លាស​ខាន់​អៃ​មៃ​ជាន​តីស​អ៝ន់​មា​អ៝ស​នោ​អី​ញឆីង​រាអ្យា​ជាន​អ៝ន់​ពាង់​រាង៝ត​រាវៃ​តា​នូយ្ស​នហ៝ម់។ នទើ​អី​នៃ​ខាន់​អៃ​មៃ​លែៈ​ជាន​តីស​មា​ឞ្រាស​ក្រីស  ​ដ៝ង់។

I Kôrintô 8:12 Iomraidhean Croise

Nau Ntơm 20:9

Jêh nây, Y-Abimêlek kuăl Y-Abraham, jêh ri lah: “Moh nau may hŏ ƀư ma hên kơt nây? Moh nau mâu di gâp lĕ ƀư đah may dĭng may ƀư đah gâp jêh ri lĕ bri dak gâp dơn nau tih toyh kơt nây? May hŏ ƀư ma gâp lĕ nau bu mâu vay ôh ƀư.”

Nau Ntơm 42:22

Y-Ruben nduyh khân păng: “Mâu di hĕ gâp hŏ lah jêh ma khân may lơi ƀư nau mhĭk ôh đah ndăm jê̆ nây? Ƀiălah khân may mâu iăt ôh. Aƀaơ aơ ăn he ntrok rnon mham păng dơm.”

Nau Ngluh Êjipt 16:8

Y-Môis lah: “Mhaơ aơ Brah Yêhôva mra ăn puăch ma khân may sa, jêh ri kêng ôi ăn piăng let mra rmeh ler yorlah Brah Yêhôva hŏ tăng jêh nau khân may nduyh Păng. Bi ma hên mbu jêng? Mâu di ma hên ôh khân may nduyh, ƀiălah nduyh ma Brah Yêhôva ya.”

Nau Ngluh Êjipt 32:21

Y-Môis lah ma Y-Arôn: “Moh phung ƀon lan aơ hŏ ƀư jêh ma may kŏ may ăn tât nau tih toyh ma khân păng?”

Mathay 18:10

“Njrăng hom, lơi tâm rmot ma du huê tâm phung kon se jê̆ aơ! Yorlah Gâp lah ma khân may, phung tông mpăr khân păng gŭ klơ trôk saơ ƀaƀơ muh măt Mbơ̆ Gâp jêng Nơm gŭ klơ trôk.

Mathay 18:21

Nôk nây, Y-Pêtrôs văch dăch Brah Yêsu jêh ri ôp: “Ơ Kôranh Brah, ndah tơ̆ gâp mra yô̆ an ma oh nâu gâp, tơlah păng tih đah gâp? Di lĕ pơh tơ̆?”

Mathay 18:6

ƀiălah mbu nơm ƀư ma du huê tâm phung kon se aơ lĕ chroh ma Gâp tŭp nau tih, ueh lơn ăn bu kât mpăl lŭ ta trô ko păng jêh ri klŭp mƀăr păng tâm dak mƀŭt.”

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Mathay 25:45

Păng mra plơ̆ lah pô aơ: ‘Nanê̆, Gâp lah ma khân may, nôk khân may mâu mâp ƀư nau aơ ma du huê jê̆ lơn tâm phung bunuyh aơ, jêng nâm bu khân may mâu mâp ƀư ma Gâp tâm ban lĕ.’

Markôs 9:42

Ƀiălah mbu nơm ƀư ma du huê tâm phung kon se aơ lĕ chroh ma Gâp tŭp nau tih, ueh lơn ăn bu kât mpăl lŭ ta trô ko păng jêh ri klŭp mƀăr păng tâm dak mƀŭt.”

Luka 17:2

Ueh lơn kât mpăl lŭ ta trô ko păng jêh ri klŭp păng tâm dak mƀŭt, ma ăn păng ƀư ma du huê tâm phung kon se jê̆ aơ ƀư tih.

Samƀŭt Pôl Njuăl Ăn Ma Phung Nsing Ta Ƀon Rôm 14:20

Lơi yor ndơ sông sa ƀư rai ôh kan Brah Ndu. Di yơh lĕ rngôch ndơ kloh da dê, ƀiălah mbu nơm yor du ntil ndơ sông sa ƀư ma bunuyh êng chêh prah jêng tih ngăn.

I Kôrintô 12:12

Yorlah geh knŏng du săk jăn ƀiălah geh âk lĕ kô̆ săk jăn; lĕ kô̆ săk jăn geh âk, ƀiălah geh knŏng du săk jăn; Brah Krist kơt nây đŏng.

I Samuel 2:25

Tơlah du huê bunuyh ƀư tih ma huê bunuyh ri, Brah Ndu phat dôih ma bunuyh nây; ƀiălah tơlah du huê nuyh ƀư tih ma Brah Yêhôva, mbu nơm mra mbơh sơm kơl an?” Ƀiălah khân păng mâu ŭch iăt ôh nau mbơ̆ khân păng, yorlah Brah Yêhôva ŭch nkhĭt lơi khân păng.

I Samuel 24:11

Aơ, uănh hom! Măt may nơm lĕ saơ jêh nar aơ, tâm trôm lŭ, Brah Yêhôva hŏ jao jêh hađăch tâm ti gâp. Bu nsŭk gâp nkhĭt hađăch, ƀiălah gâp chalơi om hađăch, jêh ri lah: ‘Gâp mâu mra yơr ti ƀư mhĭk ma kôranh gâp ôh, yorlah hađăch jêng nơm Brah Yêhôva tŏ dak ƀâu kah jêh.’