I Kôrintô 8:1 - Nau Brah Ndu Ngơi 2023

¹ Tât ma nau ndơ ƀư brah ma rup brah, he gĭt pô aơ “lĕ rngôch he geh nau gĭt rbăng.” Ƀiălah nau gĭt rbăng luh nau sưr, ƀiălah nau rŏng ri mơ ndâk njêng.

Bunong Bible Latin Script Cambodian dialect

¹ Aƀaơ dja dăn mân ma puăch i bu lĕ jêh ôp brah nây. Bân lĕ gĭt jêh, dâng lĕ bân geh nau gĭt vât, tih ma nau gĭt vât jan ăn kơp êng săk nơm kuŏng gĭt blao rlau bu, yơn ma nau rŏng mâu ôh kơt nây, nau rŏng jan ăn tâm kơl rdŏk njêng.

Bunong

¹ អាបៃ​អ្យា​ទាន់​មឹន​មា​ព្វាច់​អី​ឞូ​លែៈ​ជេស​អោប​ឞ្រាស​នៃ។ ឞ៝ន់​លែៈ​គឹត​ជេស ទឹង​លែៈ​ឞ៝ន់​គែស​នាវ​គឹត​វ៝ត់ តីស​មា​នាវ​គឹត​វ៝ត់​ជាន​អ៝ន់​កើប​អេង​ឆាក់​នើម​ក្វ៝ង់​គឹត​ឞ្លាវ​រាលាវ​ឞូ យើន​មា​នាវ​រ៝ង់​មោ​អោស​កើត​នៃ នាវ​រ៝ង់​ជាន​អ៝ន់​តឹម​កើល​រាទ៝ក់​ញជេង។

I Kôrintô 8:1 Iomraidhean Croise

Êsai 47:10

Ay rnơm tâm nau ƀai ay. Jêh ri ay lah pô aơ: “Mâu geh nơm saơ gâp ôh.” Nau blau mĭn jêh ri nau ay gĭt rbăng Hŏ njŭn leo ay tâm trong tih, Jêh ri ay lah jêh tâm nuih n'hâm pô aơ: “Gâp aơ, rlau ma gâp mâu geh nơm êng ôh!”

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Nau Kơp Bunuyh 25:2

Phung bu ur aơ jă phung ƀon lan Israel sa lĕ mpa ƀư brah nhhơr ma phung brah khân păng. Phung ƀon lan sa jêh ri chon mbah panăp phung brah khân păng.

Kôranh Oh Mon 15:10

Pôri aƀaơ, mâm ƀư khân may janh rlong uănh Brah Ndu, dơm ta trô ko phung oh mon du mlâm mâng mbăk, phung chô yau he mâu lah he nơm ăt mâu dơi mbăk lĕ.

Kôranh Oh Mon 15:29

Ăn khân may ver sa ndơ ƀư brah ma rup brah, mham, mpô mpa khĭt măp, jêh ri lơi văng tĭr. Khân may djôt prăp lĕ rngôch nau nây jêng ueh. Nĕ khân may yơ̆!”

Kôranh Oh Mon 21:25

Bi phung bu năch chroh jêh, hên nchih samƀŭt ntăm jêh ma khân păng ma nau hên tâm nal, nây jêng: mâu sông sa ndơ ƀư brah ma rup brah, mham, mâu lah mpô mpa khĭt măp jêh ri lơi văng tĭr.”

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 12:16

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

Samƀŭt Pôl Njuăl Ăn Ma Phung Nsing Ta Ƀon Rôm 14:10

Ƀiălah may, mâm ƀư may phat dôih oh nâu may? Mâu lah mâm ƀư may rmot ma oh nâu may? Yorlah lĕ rngôch he mra gŭ tanăp ta ntŭk ngih phat dôih Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 14:14

Tâm Brah Yêsu, gâp gĭt jêh ri chroh n'hêl mâu geh moh ndơ êng păng nơm jêng ƀơ̆ ƀơch ôh; ƀiălah păng jêng ƀơ̆ ƀơch ma mbu nơm uănh păng jêng ƀơ̆ ƀơch.

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

Samƀŭt Pôl Njuăl Ăn Ma Phung Nsing Ta Ƀon Rôm 14:22

Mâm nau chroh may geh, ăn djôt prăp hom ma may nơm nâm nây tanăp Brah Ndu. Ueh maak yơh ma mbu nơm mâu phat dôih păng nơm ma lĕ nau păng dơn!

Samƀŭt Pôl Njuăl Ăn Ma Phung Nsing Ta Ƀon Rôm 14:3

Bunuyh sa lơi mưch rmot ôh ma nơm mâu geh sa, jêh ri bunuyh mâu geh sa, lơi nduyh ôh ma nơm sa; yorlah Brah Ndu rom păng jêh.

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

I Kôrintô 1:5

yorlah tâm Păng, khân may geh nau rmeh ler ma lĕ nau kan, lĕ nau ngơi jêh ri nau gĭt rbăng —

I Kôrintô 10:15

Gâp ngơi ma khân may tâm ban ma phung blau mĭn; ăn khân may sek uănh êng ma nau gâp lah.

I Kôrintô 10:28

Ƀiălah, tơlah du huê lah ma khân may: “Aơ jêng ndơ nhhơr jêh ma brah,” lơi ta khân may sa ndơ nây ôh. Yor nơm nây mbơh jêh, jêh ri yor nuih n'hâm sŏng.

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

I Kôrintô 4:10

Hên jêng phung rluk yor ma Brah Krist, bi khân may geh nau blau mĭn tâm Brah Krist. Hên jêng rdja, bi khân may jêng ktang. Bu yơk ma khân may, bi hên bu mưch rmot.

I Kôrintô 4:18

Geh ƀaƀă bunuyh mbơh ma nau sưr, yorlah mĭn lah gâp mâu mra hăn ta khân may ôh.

I Kôrintô 4:6

Hơi phung oh nâu, yor nau khlay ma khân may, gâp hŏ dŏng lĕ nau nây ma gâp nơm jêh ri ma Y-Apôlôs, gay ma khân may nti tâm hên mâm nau rblang tâm trong: “Lơi rlau luh padih nau ngơi hŏ nchih,” gay ma mâu geh nơm luh nuih n'hâm sưr rlau, kơl an bunuyh aơ tâm rdâng đah bunuyh ri.

I Kôrintô 5:2

Jêh ri khân may bêng ma nau sưr! Ueh lơn khân may nhĭm nhhiăng jêh ri nsot lơi nơm ƀư nau nây luh bơh khân may.

I Kôrintô 5:6

Nau khân may sưr rlau mâu geh nau ueh ôh. Khân may mâu gĭt hĕ ndrui djê̆ lê̆ dơi ƀư ră mbŭch rnih?

I Kôrintô 8:2

Tơlah mbu nơm mĭn păng nơm ntôn lah gĭt lĕ nau, pôri nanê̆ bunuyh nây ê hŏ ngăn rah vah ôh.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

I Kôrintô 8:7

Ƀiălah mâu di lĕ rngôch ôh geh nau gĭt rbăng aơ. Ƀaƀă bunuyh mơng bên ir ma rup brah, yor ri tơlah sa ndơ ƀư brah nây, ri mơ uănh nâm bu hŏ nhhơr jêh ma rup brah, jêh ri nuih n'hâm sŏng khân păng rdja geh nau ƀơ̆ ƀơch.

Êphêsô 4:16

Yor Păng, lĕ săk jăn tâm rnglăp jêh ri nkrêp nâp tă bơh lĕ rse tâm gop. Nôk ăp kô̆ ƀư kan tâm di ri mơ săk jăn mra văch ma toyh, jêh ri tâm n'hao tâm njêng êng păng nơm tâm nau rŏng.

Kôlôh 2:18

Lơi ăn bu ndơm jêh ri ƀư roh nau nkhôm yor phung srôih jan lah ƀư dêh rhêt jêh ri yơk mbah lĕ tông mpăr. Khân păng rnơm ma lĕ nau tâm saơ êng ngăn, bơh nau mĭn nglay săk geh nau sưr rlau dơm dam.

Nau Tâm Mpơl 2:14

Ƀiălah Gâp geh nau ƀaƀă nduyh may: Ntŭk may gŭ geh bunuyh ƀaƀă hăn tĭng nau ntĭm nti Y-Balam, păng hŏ ntĭm ma Y-Balak dơm lŭ chêh jâng tanăp phung Israel gay ma khân păng sa ndơ ƀư brah ma rup brah jêh ri ƀư tih nau văng tĭr.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.