I Kôrintô 6:3 - Nau Brah Ndu Ngơi 2023

³ Khân may mâu gĭt he yơh mra phat dôih phung tông mpăr? Sa ang ma lĕ nau kan tâm nau rêh aơ!

Bunong Bible Latin Script Cambodian dialect

³ Ơm khân ay may mâu gĭt lah, bol lah phung tông păr, bân hôm mra phat dôih đŏng? Lah ndri mơm dâng ndơ i jê̆ lê̆ ta nau rêh dja khân ay may phat dôih mâu dơi?

Bunong

³ អើម​ខាន់​អៃ​មៃ​មោ​គឹត​លាស ឞ៝ល​លាស​ផូង​តោង​ពារ់ ឞ៝ន់​ហោម​មរា​ផាត​ទោយ្ស​ដ៝ង់? លាស​នទ្រី​មើម​ទឹង​នទើ​អី​ជេៈ​លេៈ​តា​នាវ​រេស​អ្យា​ខាន់​អៃ​មៃ​ផាត​ទោយ្ស​មោ​ទើយ?

I Kôrintô 6:3 Iomraidhean Croise

Nau Mprơ Ơm 17:14

Ơ Brah Yêhôva, dŏng ti May rklaih an gâp tă bơh phung bunuyh neh ntu, Jêng phung khân păng knŏng geh tâm rnôk aơ. May ăn ndŭl khân păng bêng ler lĕ drăp ndơ May ăn prăp ma khân păng; Phung kon khân păng dơi rmeh ler tâm ban lĕ Jêh ri kŏ hôm e rmeh ăn ma phung sau khân păng.

Daniel 7:22

kŏ Nơm Gŭ Rêh Bơh Rnôk Kăl E tât gŭ, ndâk nau phat dôih gay koh dŏng phung kloh ueh Nơm Dŭt Prêh, jêh ri tât rnôk phung kloh ueh sŏk dơn ƀon bri hađăch.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Luka 8:14

Lĕ grăp tŭp ta nklang pŭm lok jêng phung iăt, ƀiălah geh nau rvê, nau ndrŏng, nau maak bơh nau rêh aơ ƀư in nu rĭ dĭng mâu dơi văch ma toyh.

Samƀŭt Pôl Njuăl Ăn Ma Phung Nsing Ta Ƀon Rôm 6:16

Khân may mâu gĭt hĕ tơlah khân may djôt leo săk jăn khân may nơm jêng dĭk gay tông bâr ma du huê bunuyh khân may hŏ jêng jêh dĭk ma bunuyh khân may tông bâr lĕ ƀơh? Mâu lah ƀư dĭk nau tih njŭn leo ma nau khĭt, mâu lah ƀư dĭk ma nau tông bâr njŭn leo ma nau sŏng srăng.

I Kôrintô 6:15

Khân may mâu gĭt hĕ săk jăn khân may jêng kô̆ tâm săk jăn Brah Krist? Lah ndri, gâp dơi lĕ sŏk săk jăn Brah Krist ƀư jêng săk jăn du huê bu ur văng tĭr ƀơh? Mâu geh ôh!

I Kôrintô 6:16

Khân may mâu gĭt hĕ, mbu nơm tâm rnglăp đah bu ur văng tĭr mra plơ̆ jêng du nglay săk jêh đah păng? Yorlah geh nau nchih: “Bar hê khân păng mra plơ̆ jêng du nglay săk”.

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

I Kôrintô 6:4

Lŏng aƀaơ ri, mâm ƀư geh nau vay tâm nau rêh aơ, khân may lŏ njŭn leo ma phung bu mâu yơk tâm Phung Ngih Brah Ndu gay ma phat dôih?

II Timôthê 2:4

Mâu geh ôh du huê tahan dôl ƀư nau kan ƀiălah hôm văk nau kan tâm nau rêh aơ, yorlah ntŭk ntrâng păng jêng ƀư maak nuih n'hâm ma nơm sŏk dŏng păng nơm.

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

II Pêtrôs 2:4

Yorlah tơlah Brah Ndu mâu yô̆ an ma phung tông mpăr nôk khân păng ƀư tih, ƀiălah klŭp lơi khân păng tâm ndrung ŭnh jêh ri krŭng prăp tâm ntŭk ngo ngăn gay gŭ kâp tât nar phat dôih;

Yuđas 1:6

Bi phung tông mpăr mâu djôt prăp tâm ntŭk khân păng, chalơi ntŭk khân păng nơm, Brah Ndu dŏng rse rvăk gay kăt khân păng n'ho ro tâm ntŭk ngo klĕng gay kâp nau phat dôih ta nar toyh.