I Kôrintô 5:8 - Nau Brah Ndu Ngơi 2023

⁸ Pôri, ăn he kah gĭt ndray rƀŭn Nau Găn, lơi dŏng ndrui ơm ôh, jêng ndrui nau djơh mhĭk jêh ri ƀai, ƀiălah ma piăng let mâu geh ndrui nau răp jăp jêh ri nau ngăn.

Bunong Bible Latin Script Cambodian dialect

⁸ Lah ndri ăn bân kah gĭt nau rklaih bân ma nau mƀăr lơi nau djơh nau mhĭk ăp ntil, tâm ban ma phung Israel kah gĭt nau rklaih khân păng bơh bri Êsip ta nau nhêt ƀŭn n'hot ma nau mƀăr lơi nŭmpăng geh ndrui, jêh ri ăn bân gŭ sŏng, geh nuih n'hâm ngơi nau ngăn dơm hŏ, jêng tâm ban phung Israel sa nŭmpăng mâu geh ndrui dơm.

Bunong

⁸ លាស​នទ្រី​អ៝ន់​ឞ៝ន់​កាស​គឹត​នាវ​រាក្លាយ្ស​ឞ៝ន់​មា​នាវ​មអារ់​លើយ​នាវ​អ្យើស​នាវ​មហឹក​អាប់​នតីល តឹម​ឞាន​មា​ផូង​អីឆ្រាអែល  ​កាស​គឹត​នាវ​រាក្លាយ្ស​ខាន់​ពាង់​ឞើស​ឞ្រី​អេឆីប  ​តា​នាវ​ញេត​បុន​នហ៝ត​មា​នាវ​មអារ់​លើយ​នុមពាង់​គែស​នទ្រូយ ជេសរី​អ៝ន់​ឞ៝ន់​គុ​ឆ៝ង់ គែស​នូយ្ស​នហ៝ម់​ងើយ​នាវ​ងាន់​ទើម​ហ៝ៈ ជេង​តឹម​ឞាន​ផូង​អីឆ្រាអែល  ​ឆា​នុមពាង់​មោ​គែស​នទ្រូយ​ទើម។

I Kôrintô 5:8 Iomraidhean Croise

Nau Mprơ Ơm 32:2

Ueh maak ngăn ma bunuyh Brah Yêhôva mâu kơp ôh djơh mhĭk Jêh ri tâm nuih n'hâm mâu geh nau ndơm ôh!

Nau Mprơ Ơm 42:4

Kăl e gâp hăn ndrel ma băl âk, Leo khân păng tât ta ngih Brah Ndu Geh bâr troh maak jêh ri mprơ tâm rnê, Ta nklang băl âk gŭ tâm rƀŭn. Aƀaơ kah gĭt lĕ nau nây Nuih n'hâm gâp rngot klâng, nuih n'hâm rngot ngăn ngên.

Nau Ngluh Êjipt 12:15

Tâm pơh nar ăn khân may sa piăng let mâu geh ndrui. Ta nar tal nguay, ăn khân may sŏk mƀăr lơi ndrui bơh ngih khân may, yorlah tơlah mbu sa piăng let geh ndrui ntơm bơh nar tal nguay tât ta nar tal pơh, mra ngluh lơi nơm nây bơh phung Israel.

Nau Ngluh Êjipt 12:19

Tâm pơh nar, lơi ăn geh ndrui ôh tâm ngih khân may; nđâp lah bu năch mâu lah bunuyh tơm bri, tơlah mbu sa piăng let geh ndrui mra ngluh lơi bơh phung Israel tâm rƀŭn.

Nau Ngluh Êjipt 12:8

Tâm măng nây khân păng mra sa puăch nđông ta ŭnh nđâp piăng let mâu geh ndrui jêh ri trao tăng.

Nau Ngluh Êjipt 13:6

Tâm pơh nar, khân may mra sa piăng let mâu geh ndrui; tât nar tal pơh, ăn nkra nar rƀŭn ma Brah Yêhôva.

Nau Ngluh Êjipt 13:7

Ăn khân may sa piăng let mâu geh ndrui tâm pơh nar; piăng let geh ndrui mâu lah ndrui mâu mra dơi mpơl ôh tâm ăp ntŭk lam n'gor khân may.

Êsai 25:6

Ta yôk aơ, Brah Yêhôva ma phung tahan ma lĕ rngôch phung ƀon lan Du nhêt sa maak ma ndơ kah, ndrănh kah, Ndơ sa lay geh glo nting, ndrănh kah bu trih jêh.

Êsai 30:29

Aƀaơ, khân may mra mprơ tâm ban ma tâm măng bu ƀư nau rƀŭn kloh ueh. Khân may mra geh nuih n'hâm maak tâm ban ma nơm uh n'hôm hăn hao ta klơ yôk Brah Yêhôva, văch ma Lŭ Toyh Israel.

Kan Lêvi 23:6

Chuat tât nar jât mprăm tâm khay nây jêng nar rƀŭn Piăng Let Mâu Geh Ndrui nhhơr ma Brah Yêhôva; khân may sa piăng let mâu geh ndrui tâm pơh nar.

Mathay 16:12

Nôk nây, phung oh mon gĭt rbăng pô aơ Păng mâu đă khân păng njrăng ndrui ƀư piăng let, ƀiălah ma nau phung Pharisi jêh ri phung Sađusê ntĭm nti.

Mathay 16:6

Brah Yêsu lah ma khân păng: “Njrăng hom jêh ri uănh njrăng ma ndrui phung Pharisi jêh ri phung Sađusê.”

Markôs 8:15

Păng nkah khân păng: “Njrăng hom jêh ri njrăng ma ndrui phung Pharisi jêh ri ndrui mpôl Hêrôt.”

Luka 12:1

Dôl nây, phung ƀon lan rgum ndrel âk rbăn bunuyh, kŏ tât tâm jot ndrăng băl nơm. Lor lơn Brah Yêsu ntơm ngơi ma phung oh mon Păng pô aơ: “Uănh njrăng hom ma ndrui phung Pharisi, jêng nau vay nuih n'hâm nklă.

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

I Kôrintô 3:3

yorlah khân may ăt hôm jêng phung nglay săk. Yorlah tâm phung khân may hôm geh nau mâu nach, nau tâm jin; tâm ban pônây, mâu di hĕ khân may jêng phung nglay săk jêh ri gŭ ngao tâm ban ma bunuyh ta neh ntu hĕ?

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

I Kôrintô 5:6

Nau khân may sưr rlau mâu geh nau ueh ôh. Khân may mâu gĭt hĕ ndrui djê̆ lê̆ dơi ƀư ră mbŭch rnih?

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 8:8

Gâp lah nau aơ mâu di ŭch ntrŭnh ma khân may ôh, ƀiălah gâp knŏng ŭch saơ nuih n'hâm duh nđơr phung êng gay uănh nuih n'hâm khân may geh nau rŏng nanê̆ mâu lah mâu.

Êphêsô 6:24

Dăn nau yô̆ gŭ ndrel ma lĕ rngôch phung rŏng ma Kôranh Brah he jêng Brah Yêsu Krist ma nau rŏng mâu blau rai.

Nau Vay Nkah Tay 16:16

Ăp năm pe tơ̆, ăn lĕ rngôch phung bu klâu tâm mpơl măt tanăp Yêhôva Brah Ndu khân may ta ntŭk Păng mra săch, nây jêng ta nar rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp. Bu mâu mra yơr tanăp Brah Yêhôva ma bar ti dơm ôh,

Nau Vay Nkah Tay 16:3

Lơi sa ndơ ƀư brah nây ndrel ma piăng let geh ndrui. Tâm pơh nar khân may mra sa piăng let mâu geh ndrui, jêng piăng let nau rêh ni, yorlah khân may hŏ luh jêh ma nau ndal bơh n'gor Êjipt, gay du njăr rêh khân may kah gĭt ma nar khân may nơm hŏ luh bơh n'gor Êjipt.

Yôsuê 24:14

Pônây aƀaơ ri, klach yơk hom ma Brah Yêhôva jêh ri pah kan ma Păng ma lĕ nuih n'hâm jêh ri ma nau răp jăp. Mƀăr lơi hom phung brah phung chô yau khân may pah kan ta đah ri dak krong tâm ban ma tâm n'gor Êjipt jêh ri knŏng pah kan hom ma Brah Yêhôva.

I Pêtrôs 4:2

gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.