I Kôrintô 5:1 - Nau Brah Ndu Ngơi 2023

¹ Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

Bunong Bible Latin Script Cambodian dialect

¹ Geh tăng lư geh nau tâm dŏng, nau khơh kler ta phung khân ay may, geh du huê bunuyh tâm dŏng đah ur mhe i bơ̆ păng nơm, jêng du ntil nau khơh kler, bol lah ta phung i mâu gĭt năl Kôranh Brah kŏ mâu geh kơt nây đŏng.

Bunong

¹ គែស​តាង់​លឺ​គែស​នាវ​តឹម​ទ៝ង់ នាវ​ខើស​ក្លែរ​តា​ផូង​ខាន់​អៃ​មៃ គែស​ទូ​ហ្វេ​ឞូនុយ្ស​តឹម​ទ៝ង់​ដាស​អូរ​មហែ​អី​ឞឹ​ពាង់​នើម ជេង​ទូ​នតីល​នាវ​ខើស​ក្លែរ ឞ៝ល​លាស​តា​ផូង​អី​មោ​គឹត​នាល់​កោរាញ​ឞ្រាស​ក៝ៈ​មោ​គែស​កើត​នៃ​ដ៝ង់។

I Kôrintô 5:1 Iomraidhean Croise

Nau Ntơm 35:22

Tâm rnôk Y-Israel gŭ ta n'gor nây, Y-Ruben hăn bê̆ch ndrel ma H'Bilha, ur yông mbơ̆ păng. Y-Israel tăng nau nây.

Nau Ntơm 37:2

Aơ nau nkoch bri ma noi deh Y-Yakôb. Rnôk nây Y-Yôsep geh jât mpơh năm, vay hăn chiăp biăp ndrel ma phung nâu păng. Păng ƀư băl đah phung kon bu klâu H'Bilha jêh ri H'Silpa, phung ur mbơ̆ păng, Y-Yôsep nkoch ma mbơ̆ khân păng lĕ nau mâu ueh khân păng ƀư.

Nau Ntơm 49:4

Ktang tâm ban ma dak rbuh, rĭ dĭng may mâu rlau lơn mbu, Yorlah may hŏ hao klơ sưng bê̆ch mbơ̆ may Ƀư ma sưng bê̆ch mbơ̆ may ƀơ̆ ƀơch!

II Samuel 16:22

Pôri, bu ndâk du mlâm ngih bok ma Y-Apsalôm ta klơ chor ngih hađăch, jêh nây Y-Apsalôm hăn lăp gŭ ndrel phung ur yông mbơ̆ păng. Lĕ rngôch phung Israel gĭt nau aơ da dê.

II Samuel 20:3

Tơlah Y-Đavit plơ̆ sĭt tât ma ngih hađăch ta ƀon Yêrusalem; jêh ri hađăch sŏk jât nuyh ur yông păng hŏ ăn mât mray ngih hađăch, ăn ma khân păng gŭ krŭng tâm du ngih êng geh tahan kâp njrăng. Hađăch ăn ndơ sông sa ma khân păng dŏng, ƀiălah mâu hăn tât ôh ma khân păng. Tâm ban pônây, bu krŭng khân păng, gŭ rêh nâm bu bunuyh ndrô kŏ tât nar khân păng khĭt.

I Nau Rêh Jêng 5:1

Yorlah Y-Ruben, kon bu klâu bôk rah ma Y-Israel, ƀư ƀơ̆ sưng bê̆ch mbơ̆ păng, yor ri nau dơi kon bôk rah bu jao jêh ma phung kon Y-Yôsep, jêng kon Y-Israel. Yor ri, bu mâu nchih păng tâm noi deh tâm ban kon bu klâu bôk rah.

Yêrêmi 2:33

May hŏ blau ngăn ntĭm trong Gay tĭng joi nau rŏng! May hôm nti lĕ trong nây Ăn ma lĕ phung bu ur ƀai.

Êsêkiêl 16:47

Bi ay mâu knŏng chuat hăn tâm trong khân păng jêh ri hôm ƀư nau mhĭk tâm ban ma khân păng. Ay kơp nau nây jêng jê̆ lê̆ hĕ? Ay hŏ ƀư êng ma ay nơm mhĭk lơn tâm lĕ rngôch trong ay hăn.

Êsêkiêl 22:10

Ta ntŭk may, geh bunuyh pơk mpơl nau rhôk phung mbơ̆ khân păng nơm; ta ntŭk may, geh bunuyh ƀư ƀơ̆ đah bu ur dôl geh săk bu ur.

Kan Lêvi 18:8

Lơi bê̆ch nsum đah ăp ur mbơ̆ may; yor ƀư kơt nây jêng bêk prêng ma mbơ̆ may.

Kan Lêvi 20:11

Tơlah mbu nơm bê̆ch ndrel đah ur mbơ̆ păng nơm, jêng hŏ ƀư bêk mbơ̆ păng, lĕ khân păng bar hê bu mra nkhĭt lơi, mham khân păng mra nkhŭt tay ta khân păng nơm.

Amôt 2:7

Khân păng jot plên bôk phung ndĭt trơi tâm bŏk krăk, Jêh ri ƀư kue trong ma bunuyh dêh rhêt. Kon jêh ri mbơ̆ păng hăn bê̆ch nsum ma du huê bu ur. Jêh ri pônây ƀư ƀơ̆ kơt nĕ amoh kloh ueh Gâp.

Kôranh Oh Mon 15:20

ƀiălah ăn he nchih samƀŭt ntăm ma khân păng djôt prăp khân păng nơm bơh nau ƀơ̆ ƀơch tă bơh lĕ rup brah jêh ri nau văng tĭr, mâu đŏng sa puăch mpô mpa khĭt măp jêh ri mham.

Kôranh Oh Mon 15:29

Ăn khân may ver sa ndơ ƀư brah ma rup brah, mham, mpô mpa khĭt măp, jêh ri lơi văng tĭr. Khân may djôt prăp lĕ rngôch nau nây jêng ueh. Nĕ khân may yơ̆!”

I Kôrintô 1:11

Hơi phung oh nâu, bunuyh tâm ngih Y-Klôê mbơh jêh ma gâp gĭt tâm phung khân may geh nau tâm jin.

I Kôrintô 5:11

Ƀiălah nau gâp nchih ma khân may lơi tâm rnglăp ôh ma mbu nơm kơp êng păng nơm jêng oh nâu, ƀiălah păng jêng bunuyh văng tĭr, mâu lah kơnh rlau ir, mâu lah mbah rup brah, mâu lah suai rak, mâu lah nhŭl ndrănh, mâu lah ntŭng, mâu dơi sông sa ndrel ma bunuyh nâm nđĕ.

I Kôrintô 6:13

“Ndơ sông sa yor ma ndŭl jêh ri ndŭl yor ma ndơ sông sa,” Brah Ndu mra ƀư rai nau nây nđâp ma nau ri. Săk jăn mâu yor ma nau văng tĭr ôh, ƀiălah yor ma Kôranh Brah, jêh ri Kôranh Brah yor ma săk jăn.

I Kôrintô 6:18

Der hom nau văng tĭr. Lĕ rngôch nau tih bu ƀư tih jêng padih săk jăn, ƀiălah nơm ƀư nau văng tĭr jêng ƀư tih ma săk jăn păng nơm.

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

II Kôrintô 12:21

Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

II Kôrintô 2:5

Tơlah du huê ƀư nau rngot rvê, bunuyh nây mâu knŏng ƀư rngot rvê ma gâp ôh, ƀiălah tâm du gưl nĕ dơm — Gâp mâu ngơi rlau keh ôh — hŏ ƀư rngot rvê ma lĕ rngôch khân may.

II Kôrintô 7:12

N'hêl nanê̆ ngăn, tơlah gâp nchih samƀŭt jêh ma khân may, nau nây mâu di yor nơm ƀư tih ôh, mâu đŏng di yor nơm sŏk dơn nau gŭ ngao tih, ƀiălah gay ma nuih n'hâm duh nđơr khân may đah hên tâm mpơl ma khân may tanăp Brah Ndu.

Galati 5:19

Nau kan bơh nglay săk rah vah jêh, nây jêng nau văng tĭr, nau ƀơ̆ ƀơch, nau blă blơ,

Êphêsô 5:3

Bi nau văng tĭr jêh ri lĕ nau mâu kloh ueh, mâu lah nau kơnh rlau keh, lơi dĭng ngơi ta nklang khân may; pôri mơ tâm di jêng phung kloh ueh.

Nau Vay Nkah Tay 22:30

Mâu dơi ôh đah ur yông mbơ̆ păng nơm, yorlah kơt nĕ jêng ƀư nau bêk ma mbơ̆ păng nơm.”

Nau Vay Nkah Tay 27:20

‘Di ma rak rtăp ma nơm bê̆ch ndrel đah ur yông mbơ̆ păng, yorlah păng ƀư bêk ma mbơ̆ păng!’ Ăn lĕ rngôch phung ƀon lan mra plơ̆ lah: ‘Amen!’

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

I Têsalônik 4:7

Yorlah Brah Ndu mâu kuăl ôh he ma nau ƀơ̆ ƀơch, ƀiălah ma nau kloh ueh.

Nau Tâm Mpơl 2:21

Gâp ăn jêh ma bu ur aơ mông nar gay rmal nau tih, ƀiălah păng mâu ŭch rmal nau tih văng tĭr păng ôh.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

I Samuel 2:24

Hơi phung kon, lơi ƀư kơt nây! Nau gâp tăng ma nau khân may ƀư mâu ueh ôh, khân may nsŭk ăn phung ƀon lan Brah Yêhôva ƀư tih.