I Kôrintô 4:6 - Nau Brah Ndu Ngơi 2023

⁶ Hơi phung oh nâu, yor nau khlay ma khân may, gâp hŏ dŏng lĕ nau nây ma gâp nơm jêh ri ma Y-Apôlôs, gay ma khân may nti tâm hên mâm nau rblang tâm trong: “Lơi rlau luh padih nau ngơi hŏ nchih,” gay ma mâu geh nơm luh nuih n'hâm sưr rlau, kơl an bunuyh aơ tâm rdâng đah bunuyh ri.

Bunong Bible Latin Script Cambodian dialect

⁶ Ơ oh nô ta nau nsing, gâp dŏng Apôlôs, ndrel ma dŏng gâp nơm jêng nau ntât gay ma geh khlay ma khân ay may. Gâp ŭch khân ay may gĭt vât nau i bu lah kơt nđa: ‘Lơi ôh jan rlau đah ndơ i lĕ geh nchih ta Nau Kôranh Brah Ngơi’. Lah ndri khân ay may mâu hôm ôh n'hi êng săk nơm yor ma kơp du huê nơm nti kuŏng rlau ma du huê êng jât.

Bunong

⁶ អើ​អ៝ស​នោ​តា​នាវ​ញឆីង គ៝ប់​ទ៝ង់​អាពោលុស  នទ្រែល​មា​ទ៝ង់​គ៝ប់​នើម​ជេង​នាវ​នតឹត​គៃ​មា​គែស​ខ្លៃ​មា​ខាន់​អៃ​មៃ។ គ៝ប់​អុច​ខាន់​អៃ​មៃ​គឹត​វ៝ត់​នាវ​អី​ឞូ​លាស​កើត​នអា៖ «លើយ​អោស​ជាន​រាលាវ​ដាស​នទើ​អី​លែៈ​គែស​ញចីស​តា​នាវ​កោរាញ​ឞ្រាស​ងើយ»។ លាស​នទ្រី​ខាន់​អៃ​មៃ​មោ​ហោម​អោស​នហី​អេង​ឆាក់​នើម​យ៝រ​មា​កើប​ទូ​ហ្វេ​នើម​នតី​ក្វ៝ង់​រាលាវ​មា​ទូ​ហ្វេ​អេង​ជឹត។

I Kôrintô 4:6 Iomraidhean Croise

Nau Mprơ Ơm 146:3

Lơi rnơm nsing ma phung kon hađăch ôh, Mâu lĕ rnơm nsing ma kon bunuyh jêng ntŭk mâu geh nau tâm rklaih.

Nau Mprơ Ơm 8:4

Moh nau kon bunuyh jêng, kŏ Kôranh Brah kah gĭt ma khân păng? Moh kon bunuyh jêng dĭng Kôranh Brah chop khâl păng?

Êsai 2:22

Lơi hôm rnơm ma kon bunuyh ôh Jêng phung geh n'hâm nsôr tâm trôm muh, Yorlah khân păng mâu geh rnoh khlay ôh?

Kôranh Oh Mon 18:24

Nôk nây, geh du huê bunuyh Yuđa, amoh păng Y-Apôlôs, tă bơh ƀon Aleksandrơ, tât ta ƀon Êphêsô. Păng blau nau ngơi jêh ri gĭt rbăng Nau Brah Ndu Ngơi.

Kôranh Oh Mon 19:1

Dôl Y-Apôlôs gŭ ta ƀon Kôrintô, Y-Pôl lĕ hăn trong rgăn n'gor bri, tât ta ƀon Êphêsô. Păng tâm mâp đah bar pe nuyh oh mon gŭ ta nây,

Samƀŭt Pôl Njuăl Ăn Ma Phung Nsing Ta Ƀon Rôm 12:3

Yorlah bơh nau hŏ yô̆ jêh ma gâp, gâp lah ma ăp nơm tâm khân may, lơi mĭn rlau ir ma khân may nơm, ƀiălah mĭn rvê hom di rnâng, tĭng nâm ma nau chroh Brah Ndu ăn jêh ma ăp bunuyh.

I Kôrintô 1:12

Nau gâp ŭch ngơi yorlah ăp nơm tâm khân may lah da dê: “Gâp jêng bunuyh Y-Pôl;” mâu lah: “Gâp jêng bunuyh Y-Apôlôs;” mâu lah: “Gâp jêng bunuyh Y-Sêphas,” mâu lah: “Gâp jêng bunuyh Brah Krist.”

I Kôrintô 1:19

Yorlah geh nau nchih: “Gâp mra ƀư rai nau blau mĭn phung blau mĭn, Ngroh lơi nau gĭt rbăng phung gĭt rbăng.”

I Kôrintô 1:31

yor ri, tâm ban ma nau nchih jêh: “Mbu nơm rnê êng, tâm rnê êng hom tâm Kôranh Brah.”

I Kôrintô 13:4

Nau rŏng blau ŭn nuih, nau rŏng vay ƀư nau ueh; nau rŏng mâu geh tâm mâu nach, mâu lah n'hao êng păng nơm, mâu sưr rlau,

I Kôrintô 3:19

Yorlah nau blau mĭn tâm rnôk aơ jêng nau brŭt ndrăng tanăp Brah Ndu. Tâm ban geh nchih pô aơ: “Kôranh Brah nhŭp phung blau mĭn Tâm nau plĕch rlăm khân păng.”

I Kôrintô 3:21

Pôri, lơi ăn du huê ntưih ma kon bunuyh. Yorlah lĕ ntil ndơ jêng ndơ khân may da dê:

I Kôrintô 5:2

Jêh ri khân may bêng ma nau sưr! Ueh lơn khân may nhĭm nhhiăng jêh ri nsot lơi nơm ƀư nau nây luh bơh khân may.

I Kôrintô 5:6

Nau khân may sưr rlau mâu geh nau ueh ôh. Khân may mâu gĭt hĕ ndrui djê̆ lê̆ dơi ƀư ră mbŭch rnih?

I Kôrintô 8:1

Tât ma nau ndơ ƀư brah ma rup brah, he gĭt pô aơ “lĕ rngôch he geh nau gĭt rbăng.” Ƀiălah nau gĭt rbăng luh nau sưr, ƀiălah nau rŏng ri mơ ndâk njêng.

I Kôrintô 9:23

Gâp ƀư lĕ rngôch ndơ yor Nau Mhe Mhan Ueh gay tâm pă ndrel nau ueh maak tă bơh Nau Mhe Mhan Ueh.

II Kôrintô 10:12

Ngăn, hên mâu janh tâm rđĭl hên nơm mâu lah tâm rđĭl hên nơm đah phung n'hao êng ri ôh. Ƀiălah tơlah khân păng sŏk khân păng nơm veh đah khân păng nơm, mâu lah sŏk khân păng nơm gay tâm rđĭl khân păng nơm, ri mơ khân păng pưt nau gĭt mĭn.

II Kôrintô 10:15

Hên mâu rnê êng rlau keh ôh, nâm bu ntĭt rnê êng ma nau kan bunuyh êng ƀư. Ƀiălah hên kâp gân tơlah nau chroh khân may văch ma toyh, nau kan hên ăt mra văch ma toyh tâm khân may, tâm keh hŏ jao ma hên,

II Kôrintô 10:7

Khân may knŏng uănh padih. Tơlah mbu moh mĭn khân păng nơm jêng phung Brah Krist, pôri ăn khân păng mĭn tay hom, tơlah khân păng jêng phung Brah Krist, pôri hên tâm ban lĕ.

II Kôrintô 11:4

Yorlah, tơlah bu văch mbơh nkoch ma khân may du huê Brah Yêsu êng ma Brah Yêsu hên mbơh nkoch jêh, mâu lah tơlah khân may sŏk dơn jêh du huêng êng đah Brah Huêng Ueh khân may sŏk dơn jêh, mâu lah tơlah sŏk dơn du nau mhe mhan ueh êng ma Nau Mhe Mhan Ueh khân may sŏk dơn jêh, pôri n'hêl nanê̆ khân may ndrăp gay dơn!

II Kôrintô 12:19

Bơh ntơm saơm, khân may mĭn ma hên koh dŏng ma hên nơm tanăp khân may. Hơi phung gâp rŏng ngăn ngên, nây jêng tanăp Brah Ndu jêh ri tâm Brah Krist hên ngơi, lĕ rngôch knŏng gay ndâk njêng khân may.

II Kôrintô 12:20

Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

II Kôrintô 12:6

Nđâp tơlah gâp ŭch tâm rnê êng, gâp mâu di jêng bunuyh brŭt moih ôh, yorlah gâp lah nau ngăn. Ƀiălah gâp nkân êng mâu ƀư nau nây ôh, gay lơi ăn geh bunuyh mĭn ueh ma gâp rlau lơn ma lĕ nau khân păng saơ tâm gâp jêh ri tăng bơh gâp.

II Kôrintô 4:15

Lĕ rngôch nau nây tât yor khân may, gay ma nau yô̆ lơ hô văch ta âk bunuyh jêh ri lơ hô geh âk bunuyh nhhơr nau tâm rnê lah ueh, gay djôt leo nau chrêk rmah ma Brah Ndu.

Kôlôh 2:18

Lơi ăn bu ndơm jêh ri ƀư roh nau nkhôm yor phung srôih jan lah ƀư dêh rhêt jêh ri yơk mbah lĕ tông mpăr. Khân păng rnơm ma lĕ nau tâm saơ êng ngăn, bơh nau mĭn nglay săk geh nau sưr rlau dơm dam.

I Têsalônik 1:5

yor ma Nau mhe Mhan Ueh hên hŏ ntĭnh jêh ma khân may, mâu di knŏng tâm nau ngơi ôh, ƀiălah ma nau brah, ma Brah Huêng Ueh jêh ri ma nau gĭt nanê̆ jru ngăn đŏng. Khân may gĭt rah vah jêh nôk hên hôm gŭ ta nklang khân may, hên gŭ rêh jêh yor khân may.

II Timôthê 2:10

Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.