I Kôrintô 4:5 - Nau Brah Ndu Ngơi 2023

⁵ Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

Bunong Bible Latin Script Cambodian dialect

⁵ Lah ndri lơi hŏ ôh tâm phat dôih ndrăng nơm ê lor ma tât di nar Kôranh Yêsu plơ̆ văch phat dôih, yorlah Păng nơm mra sŏ tê̆ a ntŭk ang ndơ i bunuyh de lĕ mpôn ta ntŭk ngo, jêh ri Păng nhhơ nau mân nau ŭch i dŭt ndŏp ta trôm nuih n'hâm bunuyh. Ta nôk nây Kôranh Brah rnê ma du huê du huê bunuyh, tâng ndơ i geh nhhơ nây.

Bunong

⁵ លាស​នទ្រី​លើយ​ហ៝ៈ​អោស​តឹម​ផាត​ទោយ្ស​នទ្រាង់​នើម​អេ​ល៝រ​មា​ត៝ត់​ទី​នារ​កោរាញ​យេឆូ  ​ព្លឹ​វាច់​ផាត​ទោយ្ស យ៝រ​លាស​ពាង់​នើម​មរា​ឆ៝ៈ​តេៈ​អា​នតុក​អាង​នទើ​អី​ឞូនុយ្ស​ទែ​លែៈ​មពោន​តា​នតុក​ង៝ ជេសរី​ពាង់​ញហើ​នាវ​មឹន​នាវ​អុច​អី​ទុត​នទ៝ប់​តា​ត្រោម​នូយ្ស​នហ៝ម់​ឞូនុយ្ស។ តា​នោក​នៃ​កោរាញ​ឞ្រាស​រានេ​មា​ទូ​ហ្វេ​ទូ​ហ្វេ​ឞូនុយ្ស តឹង​នទើ​អី​គែស​ញហើ​នៃ។

I Kôrintô 4:5 Iomraidhean Croise

Ndrom Samƀŭt bơh Yôp 12:22

Păng leo lĕ nau khlay ndâp luh bơh nau ngo, Mpơl gui nau khĭt jêng nau ang.

Nau Hôr 12:8

Du huê bunuyh dơi geh nau tâm rnê tĭng nâm nau blau mĭn păng nơm, Bi ma nơm geh nuih n'hâm kue bu mra tâm rmot.

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Yêrêmi 16:17

Yorlah măt Gâp kâp uănh tâm lĕ trong khân păng. Khân păng mâu dơi du ôh bơh măt Gâp, jêh ri nau tih khân păng mâu đŏng dơi king măt Gâp.

Yêrêmi 23:25

Gâp hŏ tăng jêh nau phung mbơh lor aơ ngơi. Khân păng hŏ tâm amoh Gâp mbơh lor nklă pô aơ: ‘Gâp saơ nau mbơi jêh! Gâp saơ nau mbơi jêh!’

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Mathay 10:26

Pôri, khân may lơi klach ôh khân păng; yorlah mâu geh ôh moh ndơ pôn mo mâu mpơl; mâu geh ôh moh ndơ ndâp mâu ăn bu gĭt.

Mathay 24:30

Nôk nây, nau mbên ma Kon Bunuyh mra tâm mpơl ta klơ trôk, Lĕ rngôch mpôl băl bunuyh ta klơ neh ntu mra nter nhĭm nhhiăng, jêh ri mra saơ Kon Bunuyh văch tâm ndâr tŭk ta klơ trôk ma nau brah toyh jêh ri nau chrêk rmah toyh.

Mathay 24:46

Ueh maak yơh ma oh mon nây, tơlah kôranh tât jêh ri saơ păng ƀư pônây!

Mathay 25:21

Kôranh lah ma bunuyh nây: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Mathay 25:23

Kôranh lah ma bunuyh nây pô aơ: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Luka 6:37

Lơi phat dôih bu gay khân may mâu mra geh nau phat dôih. Lơi phong bu gay khân may mâu mra geh nau tâm rmal. Yô̆ an hom ri mơ khân may mra dơi yô̆ an.

Yôhan 21:22

Brah Yêsu plơ̆ lah: “Lah Gâp ŭch bunuyh nây gŭ rêh tât Gâp plơ̆ văch, mpa kô̆ tât nau nây ma may? Bi may, tĭng hom Gâp.”

Yôhan 21:23

Pôri, geh nau nây bu tăng lư tâm phung oh nâu ma oh mon nây mâu mra khĭt ôh. Ƀiălah Brah Yêsu mâu mâp lah ôh ma Y-Pêtrôs pô aơ: “Bunuyh nây mâu mra khĭt ôh,” ƀiălah Brah Yêsu lah: “Lah Gâp ŭch ma bunuyh nây gŭ rêh tât Gâp plơ̆ văch, mpa kô̆ tât nau nây ma may?”

Yôhan 5:44

Khân may ŭch dơn nau chrêk rmah ndrăng khân may nơm, mâu joi ôh nau chrêk rmah tă bơh Brah Ndu knŏng nguay, mâm khân may dơi chroh?

Samƀŭt Pôl Njuăl Ăn Ma Phung Nsing Ta Ƀon Rôm 14:4

Mbu moh may phat dôih oh mon bu? Păng gŭ dâk mâu lah chôt, nây jêng nau kan kôranh păng. Ƀiălah păng mra gŭ dâk, yorlah Kôranh Brah geh nau dơi ăn păng gŭ dâk.

Samƀŭt Pôl Njuăl Ăn Ma Phung Nsing Ta Ƀon Rôm 2:1

Pônây, hơi bunuyh ri, nđâp tơlah mbu moh may jêng kđôi, tơlah may phat dôih bunuyh êng, may mâu dơi koh dŏng may nơm; yorlah dôl may phat dôih khân păng, may tâm rmal may nơm yơh, yorlah may phat dôih bu ƀiălah may ƀư tâm ban ma bu đŏng.

Samƀŭt Pôl Njuăl Ăn Ma Phung Nsing Ta Ƀon Rôm 2:16

Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.

Samƀŭt Pôl Njuăl Ăn Ma Phung Nsing Ta Ƀon Rôm 2:29

Ƀiălah du huê bunuyh tâm trôm jêng phung Yuđa, rĭ mơ ngăn jêng phung Yuđa; nau koh ntâu ngăn luh tă bơh tâm nuih n'hâm, yor ma Brah Huêng Ueh, mâu di tĭng rplay samƀŭt ôh. Du huê bunuyh tâm ban pônây mra dơi nau tâm rnê, mâu di tă bơh kon bunuyh ôh, ƀiălah tă bơh Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

I Kôrintô 1:7

gay ma khân may mâu pưt ôh du ntil nau yô̆ tâm nau rêh huêng, tâm nôk gŭ kâp Kôranh Brah he tâm mpơl jêng Brah Yêsu Krist.

I Kôrintô 11:16

Tơlah geh nơm ŭch tâm rlăch, nau nây mâu di jêng nau vay hên ôh; lĕ Phung Ngih Brah Ndu mâu đŏng geh nau vay nây.

I Kôrintô 11:26

Pôri, ăp tơ̆ khân may sa piăng let aơ, nhêt kachok aơ, khân may nkoch nau Kôranh Brah khĭt, tât Păng văch tay.

I Kôrintô 15:23

Ƀiălah ăp nơm tĭng dăp rep êng păng nơm: Brah Krist jêng play bôk yan; tât nar Brah Krist tâm mpơl, phung bunuyh jêng phung Păng mra dâk rêh tay.

I Kôrintô 3:13

ri mơ nau kan ndâk ăp nơm mra dơi tâm mpơl. Nar phat dôih mra ƀư rah vah nau kan ndâk nây; bu mra tâm mpơl păng tâm ŭnh, jêh ri ŭnh mra rlong uănh rnoh khlay nau kan ndâk ăp nơm.

I Kôrintô 3:14

Tơlah mbu nơm kan ndâk ta klơ mbon nây ăt hôm, păng mra sŏk dơn nau nkhôm.

I Kôrintô 3:8

Nơm tăm jêh ri nơm djrah dak tâm ban da dê; ăp nơm mra sŏk dơn prăk nkhôm tĭng nâm kan păng nơm pah.

II Kôrintô 10:18

Yorlah mâu di n'hao êng ma păng nơm ôh dĭng bu dơn, ƀiălah jêng nơm Kôranh Brah n'hao.

II Kôrintô 10:9

Gâp mâu ŭch bu mĭn gâp nhhu khân may ma samƀŭt gâp ôh.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

I Têsalônik 5:2

yorlah khân may nơm gĭt rah vah pô aơ nar Kôranh Brah mra tât nâm bu bunuyh ntŭng dôl măng.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Yakơ 4:11

Hơi oh nâu, lơi ta khân may ngơi mhĭk ndrăng khân may nơm ôh. Mbu nơm ngơi mhĭk ma oh nâu păng nơm mâu lah phat dôih ma oh nâu păng nơm, nâm bu ntĭt ngơi mhĭk ma nau vay jêh ri phat dôih ma nau vay. Ƀiălah tơlah may phat dôih ma nau vay, may mâu di jêng bunuyh jan tĭng ma nau vay ôh, ƀiălah may jêng kôranh phat dôih ma nau vay.

Yakơ 5:7

Yor ri, hơi oh nâu, srôih hom ma tât nar Kôranh Brah plơ̆ văch. Uănh hom bunuyh kan mir gŭ kâp play kao khlay tă bơh neh, srôih kŏ tât nôk geh dak mih bôk rah jêh ri dak mih dŭt yan.

Yakơ 5:9

Hơi phung oh nâu, lơi tâm nduyh ndrăng khân may nơm, gay ma khân may mâu geh nau phat dôih; ri, Nơm phat dôih dôl dâk ta bôk mpông.

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

I Pêtrôs 5:4

Jêh ri tơlah Nơm Rmăk Biăp dŭt prêh ta klơ tâm mpơl, khân may mra dơn đon hađăch nau chrêk rmah mâu blau rai ôh.

II Pêtrôs 3:12

dôl dŭh nuih n'hâm kâp gân ma nar Brah Ndu gơnh tât. Nar nĕ ndâr trôk mra geh ŭnh sa lĕ jêh ri roh rai, lĕ rngôch ndơ mra lêk hoch tâm ŭnh!

II Pêtrôs 3:4

Khân păng mra lah: “Mbah ntŭk nau ton ma nau Kôranh Brah plơ̆ văch? Yorlah bơh rnôk phung chô yau he khĭt jêh, lĕ rngôch ndơ ăt kơt ơm nâm bu rnôk ntơm nau rhăk njêng neh ntu.”

Yuđas 1:14

Yorlah phung bunuyh aơ, Y-Ênŏk jêng sau tâm tal pơh bơh Y-Ađam hŏ lah nau mbơh lor pô aơ: “Ri, Kôranh Brah văch jêh ma âk ngăn phung kloh ueh

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.

Nau Tâm Mpơl 20:12

Gâp saơ phung khĭt, toyh jêh ri jê̆, dâk tanăp sưng hađăch nây da dê, jêh ri bu pơk jêh lĕ ndrom samƀŭt. Du ndrom samƀŭt êng jêng ndrom samƀŭt nau rêh bu pơk đŏng. Bu phat dôih phung khĭt tĭng nâm kan khân păng ƀư jêh, tĭng nâm lĕ nau bu nchih jêh tâm ndrom samƀŭt nây.