I Kôrintô 4:4 - Nau Brah Ndu Ngơi 2023

⁴ Yorlah gâp mâu saơ tâm gâp nơm geh du nau tih, ƀiălah mâu di ma nau nây ôh gâp dơi kơp sŏng srăng. Nơm phat dôih gâp jêng Kôranh Brah yơh.

Bunong Bible Latin Script Cambodian dialect

⁴ Ta nuih n'hâm gâp, bol lah gâp geh nau đăp mpăn yor ma gĭt mâu geh jan ndơ djơh ndơ mâu ueh, yơn ma nau i gâp mân kơt nây, mâu ôh di jan ăn gâp dja jêng bunuyh sŏng mâu geh nau tih, hôm geh du huê Kôranh Brah i phat dôih gâp.

Bunong

⁴ តា​នូយ្ស​នហ៝ម់​គ៝ប់ ឞ៝ល​លាស​គ៝ប់​គែស​នាវ​ដាប់​មពាន់​យ៝រ​មា​គឹត​មោ​គែស​ជាន​នទើ​អ្យើស​នទើ​មោ​អ្វែស យើន​មា​នាវ​អី​គ៝ប់​មឹន​កើត​នៃ មោ​អោស​ទី​ជាន​អ៝ន់​គ៝ប់​អ្យា​ជេង​ឞូនុយ្ស​ឆ៝ង់​មោ​គែស​នាវ​តីស ហោម​គែស​ទូ​ហ្វេ​កោរាញ​ឞ្រាស​អី​ផាត​ទោយ្ស​គ៝ប់។

I Kôrintô 4:4 Iomraidhean Croise

Ndrom Samƀŭt bơh Yôp 15:14

Moh kon bunuyh jêng gay dơi jêng kloh ueh? Nơm deh tă bơh bu ur jêng mbu nơm kơp êng jêng sŏng srăng?

Ndrom Samƀŭt bơh Yôp 25:4

Mâm Brah Ndu dơi uănh kon bunuyh jêng sŏng srăng? Mbu moh deh tă bơh bu ur dơi kơp jêng kloh rsang?

Ndrom Samƀŭt bơh Yôp 27:6

Gâp djôt nâp nau sŏng srăng mâu chalơi ôh; Lôch du njăr rêh gâp, nuih n'hâm mâu nduyh lah gâp.

Ndrom Samƀŭt bơh Yôp 40:4

May geh lĕ nting tur dăng nâm bu Brah Ndu? Dơi lĕ may ƀư nteh nglaih nâm bu bâr Păng?

Ndrom Samƀŭt bơh Yôp 9:20

Nđâp lah gâp mâu geh tih, mbung gâp đŏng phat dôih gâp; Nđâp lah gâp geh nau n'hêl nê̆, Păng ăn gâp saơ đŏng nau gâp mƀruh nklă.

Nau Mprơ Ơm 130:3

Ơ Brah Yêhôva, tơlah May kah gĭt prăp nau kue, Ơ Kôranh Brah! Mbu nơm hôm dơi rêh?

Nau Mprơ Ơm 143:2

Lơi dĭng phat dôih ma oh mon May ôh, Yorlah mâu geh du huê jêng sŏng srăng tanăp May ôh.

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Nau Mprơ Ơm 26:12

Jâng gâp gŭ dâk ta klơ neh lâng; Gâp mra tâm rnê ma Brah Yêhôva ta nklang phung tâm rƀŭn.

Nau Mprơ Ơm 50:6

Lĕ ndâr trôk mra mbơh nau sŏng srăng Păng. Yorlah Brah Ndu yơh jêng kôranh phat dôih. (Sêla)

Nau Hôr 21:2

Lĕ rngôch trong bơh kon bunuyh sŏng da dê tĭng măt păng nơm, Ƀiălah Brah Yêhôva mêt uănh nuih n'hâm.

Nau Hôr 29:26

Âk bunuyh tĭng joi nau yô̆ bơh phung kôranh chiă uănh, Ƀiălah nau di ăn kon bunuyh tă bơh Brah Yêhôva.

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Kôranh Oh Mon 23:1

Y-Pôl uănh thâng ma Mpôl Kôranh Phat Dôih jêh ri lah: “Hơi phung oh nâu, tanăp Brah Ndu, gâp gŭ rêh jêh ma nuih n'hâm sŏng tât ta nar aơ.”

Samƀŭt Pôl Njuăl Ăn Ma Phung Nsing Ta Ƀon Rôm 2:13

Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 4:2

Tơlah Y-Abraham dơi kơp sŏng srăng bơh nau kan, păng geh nau dơi tâm rnê ma păng nơm, ƀiălah tanăp Brah Ndu mâu di pônây ôh.

I Kôrintô 4:3

Bi ma gâp, nđâp tơlah khân may mâu lah ăp ntŭk ngih phat dôih kon bunuyh phat dôih, ăt mâu khlay ôh. Gâp mâu đŏng phat dôih gâp nơm.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.