I Kôrintô 4:10 - Nau Brah Ndu Ngơi 2023

¹⁰ Hên jêng phung rluk yor ma Brah Krist, bi khân may geh nau blau mĭn tâm Brah Krist. Hên jêng rdja, bi khân may jêng ktang. Bu yơk ma khân may, bi hên bu mưch rmot.

Bunong Bible Latin Script Cambodian dialect

¹⁰ Bu lah hên bunuyh rluk mâl yor ma hên mbơh nkoch nau Brah Krist, lŏng khân ay may nây kơp êng jêng bunuyh i geh nau mân gĭt blao yor ma gŭ ndrel Brah Krist. Hên tâm ban ma bunuyh i mâu geh n'hâm suan, yơn ma khân ay may nây tâm ban ma bunuyh i geh suan dăng ngăn. Khân ay may bu yơk, tih ma hên bu de mưch rmot.

Bunong

¹⁰ ឞូ​លាស​ហេន​ឞូនុយ្ស​រាលូក​ម៝ល់​យ៝រ​មា​ហេន​មឞើស​ងក៝ច​នាវ​ឞ្រាស​ក្រីស  ល៝ង់​ខាន់​អៃ​មៃ​នៃ​កើប​អេង​ជេង​ឞូនុយ្ស​អី​គែស​នាវ​មឹន​គឹត​ឞ្លាវ​យ៝រ​មា​គុ​នទ្រែល​ឞ្រាស​ក្រីស  ។ ហេន​តឹម​ឞាន​មា​ឞូនុយ្ស​អី​មោ​គែស​នហ៝ម់​ឆ្វាន យើន​មា​ខាន់​អៃ​មៃ​នៃ​តឹម​ឞាន​មា​ឞូនុយ្ស​អី​គែស​ឆ្វាន​ទាង់​ងាន់។ ខាន់​អៃ​មៃ​ឞូ​យើក តីស​មា​ហេន​ឞូ​ទែ​មឺច​រាម៝ត។

I Kôrintô 4:10 Iomraidhean Croise

II Phung Hađăch 9:11

Y-Jêhu plơ̆ luh hăn ma phung kôranh tahan kôranh păng. Khân păng ôp ma păng: “Lĕ rngôch nau jêng nau đăp mpăn lĕ? Mâm ƀư bunuyh rluk nây văch tât joi may?” Y-Jêhu plơ̆ lah ma khân păng: “Khân may gĭt năl bu klâu nây jêh ri gĭt đŏng lĕ nau păng ngơi jêh.”

Nau Hôr 11:12

Mbu nơm mưch ma phung chiau meng păng jêng bunuyh mâu gĭt vât, Ƀiălah bunuyh geh nau gĭt rbăng gŭ rklăk.

Êsai 53:3

Păng jêng Nơm bu tâm rmot jêh ri dun jêh, Lĕ mâp găn nau rêh ni, gĭt năl nau ji. Bu tâm rmot ma Păng tâm ban ma bunuyh bu nkŭm muh măt mâu ŭch uănh; He đŏng mâu uănh khlay ma Păng.

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Mathay 24:9

Rnôk nây, bu mra jao khân may, ƀư ma khân may geh nau rêh ni jêh ri nkhĭt lơi khân may; lĕ rngôch bunuyh mra tâm rmot ma khân may yor amoh Gâp.

Mathay 5:11

Ueh maak ngăn ma khân may tơlah yorlah Gâp bu suai rak, ƀư mhĭk, ngơi nchơt âk ntil nau mhĭk ma khân may.

Luka 10:16

Mbu nơm iăt khân may, jêng iăt Gâp; mbu nơm dun khân may, jêng dun Gâp. Mbu dun Gâp, jêng dun Nơm hŏ njuăl Gâp.”

Luka 18:9

Brah Yêsu ngơi tay nau hôr aơ ma phung bunuyh mĭn khân păng nơm sŏng srăng ƀiălah mưch rmot ma bunuyh êng:

Luka 6:22

Ueh maak yơh ma phung kon tơlah yor ma Kon Bunuyh bu tâm rmot, mprơh, ngơi mhĭk, mƀăr lơi amoh khân may tâm ban nơm djơh mhĭk.

Kôranh Oh Mon 17:18

Geh ƀaƀă phung kan tâm nau mĭn tâm bar phung nti Nau Maak jêh ri Nau Dăng tâm nchră đah păng đŏng. Nơm ôp: “Moh nau bunuyh ƀôch ƀôr aơ ŭch lah?” Nơm êng lah: “Tâm ban ma păng mbơh nkoch ma lĕ brah bu năch” — yorlah Y-Pôl mbơh nkoch Nau Mhe Mhan Ueh ma Brah Yêsu jêh ri nau dâk rêh tay.

Kôranh Oh Mon 17:32

Tơlah khân păng tăng Y-Pôl ngơi ma nau dâk rêh tay bơh nau khĭt, ƀaƀă bunuyh gơm mưch, ƀiălah ƀaƀă bunuyh êng lah: “Hên mra ŭch iăt may nkoch bri nau aơ du tơ̆ đŏng.”

Kôranh Oh Mon 26:24

Dôl Y-Pôl ngơi kŏh dŏng ma păng nơm pônây, Phêtus ngơi huy pô aơ: “Hơi Y-Pôl, may roh nau mĭn jêh! May nti âk ngăn tât may jêng rluk!”

Kôranh Oh Mon 9:16

Gâp mra tâm mpơl ma păng gĭt âk nau rêh ni, păng mra dơn yor amoh Gâp.”

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

I Kôrintô 1:23

bi hên mbơh nkoch ma nau bu pâng Brah Krist ta si tâm rkăng, jêng nau phung Yuđa kơp mâu di, bi phung bu năch kơp jêng nau brŭt ndrăng.

I Kôrintô 1:25

Yorlah nau bu uănh nâm bu nau brŭt ndrăng Brah Ndu jêng nau blau mĭn lơn ma kon bunuyh; nau bu uănh nâm bu nau rdja Brah Ndu jêng ktang lơn ma kon bunuyh.

I Kôrintô 10:12

Pôri, mbu nơm mĭn păng dâk nâp, djôt prăp hom klach prah jŭr.

I Kôrintô 2:14

Bunuyh mâu geh Brah Huêng Ueh, mâu dơi sŏk dơn lĕ nau tă bơh Brah Huêng Ueh Brah Ndu ôh, yorlah bunuyh nây uănh lĕ nau nây jêng nau brŭt ndrăng jêh ri mâu dơi gĭt vât ôh, yorlah sek uănh tĭng nau rêh huêng.

I Kôrintô 2:3

Gâp yơh hŏ gŭ jêh ta nklang khân may tâm nau rdja, ndrel âk nau klach jêh ri nau râm nsâr.

I Kôrintô 3:18

Lơi dĭng ndơm êng păng nơm. Tơlah mbu nơm tâm phung khân may mĭn păng nơm jêng nơm blau mĭn tâm rnôk aơ, ăn plơ̆ hom jêng rluk mâl gay ma geh nau blau mĭn.

I Kôrintô 3:2

Gâp siăm jêh khân may ma dak toh, mâu di ma ndơ sa dăng ôh, yorlah khân may ê hŏ dơi dơn ndơ nây ôh. Nđâp aƀaơ aơ khân may ê hŏ dơi dơn lĕ,

I Kôrintô 4:8

Khân may hơm tŏng jêh! Khân may ndrŏng ngăn jêh! Khân may ƀư hađăch jêh ri mâu ŭch hên. Ndă ma khân may ƀư hađăch gay ma hên dơi chiă uănh ndrel ma khân may!

II Kôrintô 10:10

Yorlah geh bunuyh lah: “Nôk nchih samƀŭt păng ngơi dăng ngăn jêh ri ktang, ƀiălah tơlah geh măt, păng jêng rdơ̆ rbăn jêh ri nau păng ngơi mâu khlay ôh.”

II Kôrintô 11:19

Yorlah khân may kơp ma khân may nơm jêng phung bunuyh blau mĭn, maak nuih n'hâm sŏk dơn phung brŭt moih.

II Kôrintô 11:29

Mbu nơm geh nau rdja, dĭng gâp mâu jêng rdja? Mbu nơm geh chêh prah, dĭng nuih n'hâm gâp mâu rngot?

II Kôrintô 13:9

Hên răm maak yorlah tơlah hên jêng huơi, khân may jêng ktang. Nau hên mbơh sơm dăn, nây jêng khân may dơi geh tât nau nŭm rĭng.

II Kôrintô 4:12

Pôri, nau khĭt pah kan tâm hên, ƀiălah nau rêh pah kan tâm khân may.

II Kôrintô 6:8

nđâp tơlah bu rnê mâu lah bêk prêng, nđâp tơlah geh nau lư mhĭk mâu lah ueh. Bu ƀư ma hên nâm bu phung ngơi mƀruh, ƀiălah hên jêng bunuyh nanê̆ ngăn;

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

I Pêtrôs 4:14

Tơlah bu suai rak khân may yor amoh Brah Krist, khân may geh ueh lăng ngăn, yorlah nau chrêk rmah Brah Huêng Ueh tă bơh Brah Ndu gŭ tâm khân may.