I Kôrintô 3:5 - Nau Brah Ndu Ngơi 2023

⁵ Lah ndrĭ, mbu nơm jêng Y-Apôlôs? Mbu nơm jêng Y-Pôl? Khân păng knŏng jêng phung oh mon, yor ma khân păng yơh khân may chroh jêh, tĭng nâm Kôranh Brah dăp jêh ma ăp nơm.

Bunong Bible Latin Script Cambodian dialect

⁵ Lah ndri Apôlôs păng bu moh? Gâp Pôl bu moh? Hên bar hê jêng bunuyh sơm kơl jan kar i leo khân ay may geh nau nsing nơh, hên jan kar tâng ndơ i Kôranh Brah đă ma hên jan dơm.

Bunong

⁵ លាស​នទ្រី​អាពោលុស  ​ពាង់​ឞូ​ម៝ស? គ៝ប់​ពោល  ​ឞូ​ម៝ស? ហេន​ឞារ​ហៃ​ជេង​ឞូនុយ្ស​ឆើម​កើល​ជាន​ការ​អី​លែវ​ខាន់​អៃ​មៃ​គែស​នាវ​ញឆីង​នើស ហេន​ជាន​ការ​តឹង​នទើ​អី​កោរាញ​ឞ្រាស​ដាៈ​មា​ហេន​ជាន​ទើម។

I Kôrintô 3:5 Iomraidhean Croise

Mathay 25:15

Kôranh ăn ma bunuyh aơ prăm talâng, ma bunuyh ri bar, ma bunuyh êng nguay, tĭng nâm nau blau ngăn ăp nơm. Jêh nây păng hăn trong.

Luka 1:2

di tĭng nâm phung bunuyh hŏ tă saơ jêh ri pah kan nau Brah Ndu bơh ntơm saơm nkoch tay ma he.

Yôhan 3:27

Y-Yôhan plơ̆ lah: “Lah mâu di tă klơ trôk ăn, mâu geh du huê bunuyh dơi sŏk dơn du ntil ndơ ôh.

Kôranh Oh Mon 18:24

Nôk nây, geh du huê bunuyh Yuđa, amoh păng Y-Apôlôs, tă bơh ƀon Aleksandrơ, tât ta ƀon Êphêsô. Păng blau nau ngơi jêh ri gĭt rbăng Nau Brah Ndu Ngơi.

Kôranh Oh Mon 19:1

Dôl Y-Apôlôs gŭ ta ƀon Kôrintô, Y-Pôl lĕ hăn trong rgăn n'gor bri, tât ta ƀon Êphêsô. Păng tâm mâp đah bar pe nuyh oh mon gŭ ta nây,

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

I Kôrintô 16:12

Bi nâu he jêng Y-Apôlôs, gâp srôih nsŭk nsôr ăn păng hăn ndrel ma phung êng hăn chop khâl phung oh nâu, ƀiălah aƀaơ aơ păng ê hŏ ŭch hăn. Nđâp lah kơt nĕ, dôl geh rnôk nơih păng mra hăn.

I Kôrintô 3:10

Tĭng nâm nau yô̆ Brah Ndu ăn jêh ma gâp, gâp n'gân mbon jêh tâm ban ma du huê bunuyh blau kan, bi bunuyh êng ndâk ngih ta klơ. Ƀiălah ăp nơm njrăng ma nau păng ndâk ta klơ mbon nây.

I Kôrintô 3:22

nđâp tơlah Y-Pôl, Y-Apôlôs mâu lah Y-Sêphas; nđâp tơlah neh ntu, nau rêh, mâu lah nau khĭt, aƀaơ aơ mâu lah tâm nar kăndơ̆; lĕ rngôch jêng ndơ khân may da dê,

I Kôrintô 3:7

Pôri, bunuyh tăm jêh ri nơm djrah dak mâu ôh jêng khlay, ƀiălah knŏng geh Brah Ndu jêng Nơm ƀư văch ma toyh.

I Kôrintô 9:17

Tơlah gâp nđơr êng pah kan nau aơ gâp geh nau nkhôm; tơlah mâu nđơr, nau pah kan nây ăt jao đŏng ma gâp.

II Kôrintô 11:23

Khân păng jêng phung oh mon ma Brah Krist ƀơh? — Gâp ngơi nâm bu du huê bunuyh rluk mâl — gâp ueh lơn đah khân păng đŏng! Gâp hŏ pah kan hŏt rgănh âk lơn, gŭ ndrung âk lơn, bu dong âk lơn, âk tơ̆ bơi ma khĭt.

II Kôrintô 3:3

Rah vah ngăn khân may jêng blah samƀŭt bơh Brah Krist, nchih jêh tă bơh nau pah kan hên, mâu di nchih ma dak ôch, ƀiălah ma Brah Huêng Ueh Brah Ndu gŭ rêh mro mrăng; mâu di nchih ta kađar lŭ, ƀiălah nchih ta lĕ kađar nuih n'hâm kon bunuyh.

II Kôrintô 3:6

Păng yơh ăn ma hên geh nau blau gay pah kan ma nau tâm rnglăp mhe, mâu di nau tâm rnglăp ma rplay samƀŭt nchih ôh, ƀiălah nau tâm rnglăp tâm Brah Huêng Ueh, yorlah rplay samƀŭt djôt leo nau khĭt, ƀiălah Brah Huêng Ueh ăn nau rêh.

II Kôrintô 4:1

Pôri, tă bơh nau yô̆ nđach Brah Ndu, hên dơn nau pah kan aơ, pôri hên nuih n'hâm mâu dĭl ôh.

II Kôrintô 4:5

Yorlah hên mâu mbơh nkoch ma hên nơm ôh, ƀiălah mbơh nkoch Brah Krist jêng Kôranh Brah; jêh ri săk jăn hên jêng oh mon khân may yor Brah Yêsu.

II Kôrintô 4:7

Ƀiălah hên prăp drăp ndơ khlay aơ tâm lĕ yăng neh, gay ma tâm mpơl nau brah dŭt prêh nây văch tă bơh Brah Ndu, mâu di tă bơh hên ôh.

II Kôrintô 5:18

Lĕ rngôch nau nây luh bơh Brah Ndu, Nơm ăn ma he geh nau tâm nsĭr đah Păng tâm Brah Krist, jêh ri jao ma hên pah kan nau tâm nsĭr.

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

II Kôrintô 6:4

Ƀiălah tâm lĕ rngôch nau, hên tâm mpơl hên nơm jêng oh mon Brah Ndu: ma nau srôih âk ngăn tâm nau rêh ni, tâm nau hŏt rgănh, tâm nau jâk jêr,

Êphêsô 3:7

Gâp dơi jêng bunuyh pah kan ma Nau Mhe Mhan Ueh tă bơh nau yô̆ Brah Ndu ăn ma gâp rgăn nau pah kan bơh nau brah Păng.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:25

Gâp hŏ jêng bunuyh pah kan Phung Ngih Brah Ndu, tĭng nâm nau kan Kôranh Brah Ndu hŏ jao ma gâp gay mbơh nkoch lôch nau Păng ma khân may;

I Timôthê 1:12

Gâp lah ueh ma Nơm ăn jêh nau dơi ma gâp jêng Brah Yêsu Krist, Kôranh Brah he, yorlah Păng kơp gâp jêng răp jăp jêh ri dơm ăn gâp pah kan ma Păng;

I Pêtrôs 4:10

Ăp nơm dŏng hom nau dơi he hŏ dơn jêh gay pah kan ndrăng khân may, nâm bu bunuyh mât uănh răp jăp blau dŏng nau yô̆ bơh Brah Ndu tâm âk trong êng êng.