I Kôrintô 2:10 - Nau Brah Ndu Ngơi 2023

¹⁰ Ƀiălah Brah Ndu tâm mpơl jêh lĕ nau nây ma he bơh Brah Huêng Ueh. Yorlah Brah Huêng Ueh gĭt rah vah lĕ ntil ndơ, nđâp ma lĕ nau khlay ndâp Brah Ndu.

Bunong Bible Latin Script Cambodian dialect

¹⁰ Kôranh Brah đă Brah Huêng Ueh ăn bân gĭt nau i nây nơh, yorlah Brah Huêng Ueh gĭt dâng lĕ rngôch nau, bol lah nau mân i jru ta Kôranh Brah, kŏ Păng gĭt đŏng.

Bunong

¹⁰ កោរាញ​ឞ្រាស​ដាៈ​ឞ្រាស​ហ្វេង​អ្វែស​អ៝ន់​ឞ៝ន់​គឹត​នាវ​អី​នៃ​នើស យ៝រ​លាស​ឞ្រាស​ហ្វេង​អ្វែស​គឹត​ទឹង​លែៈ​រាងោច​នាវ ឞ៝ល​លាស​នាវ​មឹន​អី​ជ្រូ​តា​កោរាញ​ឞ្រាស ក៝ៈ​ពាង់​គឹត​ដ៝ង់។

I Kôrintô 2:10 Iomraidhean Croise

Ndrom Samƀŭt bơh Yôp 12:22

Păng leo lĕ nau khlay ndâp luh bơh nau ngo, Mpơl gui nau khĭt jêng nau ang.

Êsai 48:16

Văch hom êp ma Gâp jêh ri iăt hom nau aơ: Bơh saơm, Gâp ê hŏ ăp lah tâm nau ndâp. Gâp gŭ jêh ta nĕ ntơm bơh nau nây tât ngăn. Aƀaơ aơ, Kôranh Brah jêng Brah Yêhôva njuăl jêh Gâp hăn tât Ndrel ma Brah Huêng Ueh Păng.”

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Daniel 2:22

Păng nơm yơh tâm mpơl lĕ nau jru ndâp ngăn; Păng gĭt lĕ nau tât geh tâm nau ngo Jêh ri nau ang gŭ ndrel ma păng.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Luka 10:21

Tâm mông nây, Brah Yêsu răm maak tâm Brah Huêng Ueh jêh ri lah: “Ơ Mbơ̆ jêng Kôranh Brah trôk jêh ri neh ntu! Gâp tâm rnê ma Mbơ̆ yorlah Mbơ̆ pôn jêh lĕ nau nây ma bunuyh blau mĭn jêh ri gĭt rbăng, ƀiălah tâm mpơl jêh ma phung kon se jê̆! N'hêl nanê̆ ngăn, ơ Mbơ̆, yorlah nau nây ƀư ueh nau mĭn Mbơ̆ ŭch.

Luka 2:26

Brah Huêng Ueh mbơh jêh ma păng gĭt lor pô aơ păng mâu mra khĭt ôh êlor saơ Brah Krist Kôranh Brah.

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Yôhan 16:13

Nôk Brah Nau Ngăn tât, Păng mra njŭn khân may tâm lĕ rngôch nau ngăn; yorlah Păng mâu mra ngơi êng tă bơh Păng nơm ôh, ƀiălah mra mbơh lĕ rngôch đơ nau Păng nơm tăng, jêh ri mbơh ma khân may moh nau mra tât.

I Kôrintô 14:30

Ƀiălah tơlah geh bunuyh gŭ ta nây geh nau tâm mpơl, pôri bunuyh dôl ngơi ăn gŭ rklăk.

I Kôrintô 2:11

Mbu nơm dơi gĭt nau mĭn kon bunuyh, knŏng nuih n'hâm gŭ tâm păng yơh? Tâm ban lĕ, mâu geh nơm dơi gĭt nau mĭn Brah Ndu ôh, knŏng Brah Huêng Ueh Brah Ndu yơh.

Galati 1:12

yorlah gâp mâu mâp dơn jêh ri mâu lĕ mâp nti Nau Mhe Mhan Ueh nây tă bơh du huê bunuyh, ƀiălah tă bơh nau Yêsu Krist tâm mpơl.

Êphêsô 3:3

jêh ri Păng hŏ tâm mpơl jêh ma gâp gĭt rbăng mâm nau khlay ndâp, tâm ban gâp hŏ nchih gleh ma khân may.

Êphêsô 3:5

jêng nau ê hŏ mâp tâm mpơl ma phung kon bunuyh tâm lĕ rngôch rô̆ ta lor, ƀiălah aƀaơ Brah Huêng Ueh dơi tâm mpơl ma phung kôranh oh mon kloh ueh jêh ri ma phung nơm mbơh lor Păng.

I Timôthê 4:1

Brah Huêng Ueh mbơh rah vah jêh pô aơ tâm rnôk nglĕ dŭt mra geh ƀaƀă dun chalơi nau chroh, nchuăt tĭng phung brah ndơm mƀruh jêh ri nau nti tă bơh phung brah mhĭk,

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

Nau Tâm Mpơl 1:1

Nau Yêsu Krist tâm mpơl tĭng nâm Brah Ndu ăn ma Păng gay tâm mpơl ma phung oh mon Păng lĕ nau kan bơi tât. Păng njuăl tông mpăr hăn tât gay tâm mpơl ma Y-Yôhan, oh mon Păng,

Nau Tâm Mpơl 2:24

Ƀiălah Gâp lah đah phung bunuyh khân may hôm e ta ƀon Thiatir, jêng phung bunuyh mâu sŏk dơn ôh nau nti nây, mâu mâp gĭt năl ôh mâm bu rnha nau jru brah Satan, pô aơ: Gâp mâu dơm nau jâk jêr êng ma khân may.