I Kôrintô 15:3 - Nau Brah Ndu Ngơi 2023

³ Gâp mbơh ma khân may nau dŭt khlay jêng nau gâp nơm sŏk dơn jêh, nây jêng Brah Krist khĭt jêh yor nau tih he tĭng nâm nau nchih jêh tâm Nau Brah Ndu Ngơi.

Bunong Bible Latin Script Cambodian dialect

³ Gâp lĕ jêh mbơh nkoch ma khân ay may nau i dŭt khlay, jêng nau i bu đơn mbơh nkoch ăn ma gâp, nau i nây jêng Brah Krist lĕ khât jêh gay ma rklaih bân bơh Kôranh Brah tê̆ dôih yor ma nau tih, di kơt Nau Kôranh Brah Ngơi.

Bunong

³ គ៝ប់​លែៈ​ជេស​មឞើស​ងក៝ច​មា​ខាន់​អៃ​មៃ​នាវ​អី​ទុត​ខ្លៃ ជេង​នាវ​អី​ឞូ​ដើន​មឞើស​ងក៝ច​អ៝ន់​មា​គ៝ប់ នាវ​អី​នៃ​ជេង​ឞ្រាស​ក្រីស  ​លែៈ​ខឹត​ជេស​គៃ​មា​រាក្លាយ្ស​ឞ៝ន់​ឞើស​កោរាញ​ឞ្រាស​តេៈ​ទោយ្ស​យ៝រ​មា​នាវ​តីស ទី​កើត​នាវ​កោរាញ​ឞ្រាស​ងើយ។

I Kôrintô 15:3 Iomraidhean Croise

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Êsêkiêl 3:17

“Hơi kon bunuyh, Gâp hŏ njêng may ƀư bunuyh kâp gak ăn ma ngih Israel. Pônây iăt hom nau ngơi tă bơh bâr mbung Gâp jêh ri tâm tang Gâp mbơh ăn ma khân păng.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Mathay 26:24

Kon Bunuyh hăn kơt nau nchih jêh ma Păng; ƀiălah rêh ni yơh ma nơm tâm rdâng ma Kon Bunuyh! Ueh lơn lơi deh ôh ma nơm nây!”

Mathay 26:28

Yorlah aơ jêng mham Gâp, mham nau tâm rnglăp nkhŭt jêh ăn ma âk bunuyh dơi yô̆ an nau tih.

Luka 24:25

Nôk nây Brah Yêsu lah ma khân păng: “Nanê̆ ngăn khân may rluk mâl jêh ri geh nuih n'hâm băt chroh lĕ nau phung nơm mbơh lor hŏ lah!

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Kôranh Oh Mon 17:2

Tĭng nâm nau vay, Y-Pôl lăp tâm ngih rƀŭn; tâm pe nar saƀat, păng tâm rlăch đah khân păng,

Kôranh Oh Mon 3:18

Ƀiălah Brah Ndu hŏ dŏng nau nây gay ƀư tâm di ngăn nau Păng mbơh lor tă bâr mbung phung nơm mbơh lor ma Brah Krist Păng dơn nau nđêh nji.

Kôranh Oh Mon 8:32

Kô̆ Nau Brah Ndu Ngơi păng rŏ nây pô aơ: “Bu têk Păng tâm ban ma du mlâm biăp ta ntŭk ƀư puăch, Tâm ban ma kon biăp mlo tanăp nơm nkăp rsau, Păng mâu mâp hă mbung ôh.

Samƀŭt Pôl Njuăl Ăn Ma Phung Nsing Ta Ƀon Rôm 3:25

Brah Ndu hŏ rdâk jêh Păng jêng mpa ƀư brah chuai nau tih ma mbu nơm geh nau chroh tâm mham Păng. Nau aơ mpơl nau sŏng srăng Brah Ndu, yorlah Păng sŏk nuih n'hâm srôih sŏk lơi lĕ nau tih tâm rnôk kăl e.

Samƀŭt Pôl Njuăl Ăn Ma Phung Nsing Ta Ƀon Rôm 4:25

Bu jao Păng ma nau mhĭk yor nau tih he, jêh ri Păng hŏ ăn dâk rêh tay jêh gay ma he dơi kơp sŏng srăng.

I Kôrintô 11:2

Gâp tâm rnê ma khân may yorlah khân may kah gĭt ma gâp tâm lĕ rngôch ndơ, jêh ri răp jăp djôt prăp lĕ nau vay ơm gâp nti jêh ma khân may.

I Kôrintô 11:23

Yorlah gâp geh dơn tă bơh Kôranh Brah nau gâp nti ma khân may: Nây jêng tâm măng bu jao Brah Yêsu ma bu, Păng sŏk piăng let,

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Galati 1:12

yorlah gâp mâu mâp dơn jêh ri mâu lĕ mâp nti Nau Mhe Mhan Ueh nây tă bơh du huê bunuyh, ƀiălah tă bơh nau Yêsu Krist tâm mpơl.

Galati 1:4

Brah Yêsu Krist hŏ sân săk Păng nơm yor nau tih he gay ma tâm rklaih he bơh rnôk rô̆ djơh mhĭk aơ, tĭng di nâm nau mĭn Brah Ndu ŭch, Mbơ̆ he.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

ហេឞ្រើ 5:1

Ăp nơm kôranh ƀư brah toyh geh nau săch jêh bơh kon bunuyh jêh ri geh sâm dơm gay ntrok an ma kon bunuyh pah kan ma Brah Ndu, gay nhhơr ndơ bu nhhơr jêh ri mpa ƀư brah yor nau tih.

ហេឞ្រើ 5:3

Yor nau nây, ăn păng nhhơr mpa ƀư brah ma nau tih păng nơm, nâm bu yor nau tih phung ƀon lan lĕ.

I Pêtrôs 1:11

Khân păng sek uănh gay gĭt năl moh rnôk jêh ri mâm nau Brah Huêng Ueh Brah Krist tâm khân păng lĕ ntĭm jêh, dôl Păng mbơh lor ma nau rêh ni Brah Krist jêh ri nau chrêk rmah tĭng groi pakơi.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Yôhan 2:2

Păng nơm jêng ndơ ƀư brah chuai nau tih ma he, mâu knŏng ma nau tih he ôh, ƀiălah nđâp ma nau tih ma lĕ neh ntu đŏng.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,