I Kôrintô 14:3 - Nau Brah Ndu Ngơi 2023

³ Ƀiălah bunuyh ngơi nau mbơh lor, păng ngơi đah kon bunuyh gay ndâk njêng, tâm n'hao nuih jêh ri bonh leng.

Bunong Bible Latin Script Cambodian dialect

³ Yơn ma bu moh i blao ntơyh nau ngơi Kôranh Brah, păng i nây ngơi ma bunuyh, gay ma tâm kơl rdŏk njêng, gay ma nsŭk nsôr, gay ma bonh leng bu.

Bunong

³ យើន​មា​ឞូ​ម៝ស​អី​ឞ្លាវ​នតើយ្ស​នាវ​ងើយ​កោរាញ​ឞ្រាស ពាង់​អី​នៃ​ងើយ​មា​ឞូនុយ្ស គៃ​មា​តឹម​កើល​រាទ៝ក់​ញជេង គៃ​មា​ញឆុក​ញឆោរ គៃ​មា​ឞ៝ញ​លែង​ឞូ។

I Kôrintô 14:3 Iomraidhean Croise

Luka 3:18

Y-Yôhan sŏk đŏng lĕ nau ntĭm nti êng gay mbơh nkoch Nau Mhe Mhan Ueh ma phung ƀon lan.

Kôranh Oh Mon 13:15

Jêh ri bu rŏ ndrom samƀŭt nau vay jêh ri nau mbơh lor, phung kôranh mât uănh ngih rƀŭn njuăl bu lah ma khân păng: “Hơi phung oh nâu, tơlah khân may geh nau n'hao nuih n'hâm ma ƀon lan, ngơi hom.”

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Kôranh Oh Mon 15:32

Y-Yuđas jêh ri Y-Silas jêng phung nơm mbơh lor lĕ, sŏk âk nau nti lah gay ma n'hao nuih n'hâm jêh ri ƀư ma khân păng ntop nâp.

Kôranh Oh Mon 4:36

Y-Yôsep, nơm phung kôranh oh mon tâm amoh Y-Ƀarnaƀas, nâm bu ntĭt, kon bu klâu nau bonh leng, jêng noi deh Y-Lêvi, ƀon tơm ta n'gor Syprơ,

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

Samƀŭt Pôl Njuăl Ăn Ma Phung Nsing Ta Ƀon Rôm 12:8

bunuyh geh nau dơi ăn n'hao nuih n'hâm, n'hao hom nuih n'hâm; bunuyh geh nau dơi ăn pă drăp ndơ, pă hom drăp ndơ ma nuih n'hâm lŏng; bunuyh geh nau dơi ăn chiă uănh, gơih chiă uănh hom; bunuyh geh nau dơi ăn ƀư nau ăn ndơ yô̆, ƀư hom ma nau maak.

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

Samƀŭt Pôl Njuăl Ăn Ma Phung Nsing Ta Ƀon Rôm 15:2

Ăn ăp nơm tâm phung he ƀư maak ma phung chiau meng he nơm gay kơl jêh ri ndâk njêng khân păng.

I Kôrintô 10:23

“Lĕ ntil ndơ dơi ƀư,” ƀiălah mâu di lĕ ntil ndơ geh khlay da dê. “Lĕ ntil ndơ ƀư” ƀiălah mâu di lĕ ntil ndơ ndâk njêng da dê.

I Kôrintô 14:12

Khân may tâm ban lĕ, yorlah ŭch tâm nau rêh huêng, khân may joi hom gay ma geh âk rmeh lĕ nau dơi ăn, gay ma ndâk njêng Phung Ngih Brah Ndu.

I Kôrintô 14:17

Nđâp tơlah nau may lah ueh hâu ngăn, ƀiălah mâu ndâk njêng ma bunuyh êng.

I Kôrintô 14:26

Hơi phung oh nâu, mâm mra ƀư? Tơlah khân may tâm rƀŭn, bunuyh geh nau mprơ kloh ueh, bunuyh geh nau ntĭm nti, bunuyh geh nau tâm mpơl, bunuyh geh nau ngơi bu năch, bunuyh geh nau gĭt rblang. Ƀư hom lĕ rngôch gay ma ndâk njêng Phung Ngih Brah Ndu.

I Kôrintô 14:31

Yorlah ăp nơm tâm khân may ăn ngơi nau mbơh lor lôch du huê dĭng du huê, gay ma lĕ rngôch geh nau nti jêh ri n'hao nuih.

I Kôrintô 8:1

Tât ma nau ndơ ƀư brah ma rup brah, he gĭt pô aơ “lĕ rngôch he geh nau gĭt rbăng.” Ƀiălah nau gĭt rbăng luh nau sưr, ƀiălah nau rŏng ri mơ ndâk njêng.

II Kôrintô 1:4

Păng bonh leng hên tâm lĕ nau rêh ni, pôri hên dơi sŏk nau bonh leng Brah Ndu hŏ bonh leng hên gay ma bonh leng phung êng tâm ăp nau rêh ni khân păng geh!

II Kôrintô 2:7

Ƀiălah aƀaơ, ueh lơn khân may yô̆ nau tih jêh ri bonh leng bunuyh nây, gay ma bunuyh nây mâu ngâm tâm nau rngot rvê dŭt hâu.

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Êphêsô 6:22

Gâp njuăl păng hăn ma khân may di tâm nau ŭch gay ma khân may gĭt mâm nau tât ma hên aƀaơ aơ, jêh ri gay n'hao nuih khân may.

Kôlôh 4:8

Yor nau aơ gâp njuăl păng hăn ma khân may, gay ma khân may dơi gĭt tâm hên, jêh ri n'hao nuih n'hâm khân may.

I Têsalônik 2:11

Khân may gĭt đŏng, hên hŏ gŭ ngao ma ăp nơm tâm khân may nâm bu du huê mbơ̆ đah phung kon păng,

I Têsalônik 2:3

Yorlah nau hên mbơh nkoch mâu geh ôh luh bơh nau vĭ, mâu đŏng geh nau mĭn djơh mhĭk gay ndơm mƀruh bu.

I Têsalônik 3:2

jêh ri njuăl Y-Timôthê hăn, oh nâu he, nơm pah kan ma Brah Ndu tâm nau mbơh nkoch Nau Mhe Mhan Ueh Brah Krist, văch ma khân may gay ndâk njêng jêh ri n'hao nuih khân may tâm nau chroh,

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

I Têsalônik 4:18

Pôri, khân may sŏk hom lĕ nau ngơi aơ gay bonh leng ndrăng khân may.

II Têsalônik 3:12

Tâm Kôranh Brah jêng Brah Yêsu Krist, hên ntrŭnh jêh ri nkah phung nây, ăn khân păng gŭ rklăk pah kan gay siăm nau rêh ma khân păng nơm.

I Timôthê 1:4

lơi ta rvê đŏng ma lĕ nau nkoch bri ơm jêh ri ma phung noi deh mâu blau lôch, jêng lĕ nau tâm djrel âk lơn jêng ăn hao kan Brah Ndu tâm nau chroh.

I Timôthê 4:13

Ăn may gơih rŏ Nau Brah Ndu Ngơi tâm dôl tâm rƀŭn, nau ntĭnh jêh ri ntĭm nti kŏ tât nôk gâp văch.

I Timôthê 6:2

Đơ bunuyh geh kôranh jêng phung chroh, pô ri lơi yor khân păng jêng phung oh nâu kôranh ƀư may pưt nau yơk ma khân păng, ƀiălah lơ hô ăn khân păng pah kan ueh lơn, yor păng dơi geh pah kan nây jêng phung chroh jêh ri phung oh nâu bêng ma nau rŏng. Nây jêng lĕ nau may mra ntĭm jêh ri nti hom ma khân păng.

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

Titus 1:9

djôt nâp nau khư rnơm nsing hŏ geh ntĭm nti jêh, gay dơi dŏng nau nti sŏng jêh ri ntĭm nti tâm ban đŏng mâu sŏk dơn ma phung tâm rdâng.

Titus 2:15

May nti hom lĕ nau nây, sŏk nau dơi gay nti nkah jêh ri nduyh. Lơi ăn du huê bunuyh mưch rmot ma may.

Titus 2:6

May đă hom ma phung bu klâu ndăm ăn gĭt blau mât njrăng săk.

Titus 2:9

Ntĭm nti hom ma phung oh mon ăn tông ma kôranh khân păng, ƀư maak nuih n'hâm ma kôranh tâm lĕ rngôch ndơ, mâu dơi dăng bôk,

ហេឞ្រើ 10:25

Lơi ta chalơi ôh nau tâm rƀŭn nâm bu phung ƀaƀă vay ƀư, ƀiălah ăn he nsŭk nsôr ndrăng nơm; tơlah khân may saơ nar Kôranh Brah dăch văch, lơ hô ƀư kơt nây âk lơn đŏng.

ហេឞ្រើ 13:22

Hơi phung oh nâu, ăn nuih n'hâm khân may maak sŏk dơn lĕ nau ntĭnh nkah aơ, yor gâp nchih ma khân may knŏng trăch dơm.

ហេឞ្រើ 3:13

Ƀiălah ăn khân may nti nkah hom ndrăng khân may tâm ăp nar, bu dơi lah jêng “nar aơ,” gay mâu geh du huê tâm phung khân may yor nau tih ndơm jêh ri dăng nuih n'hâm.

I Pêtrôs 5:12

Gâp đă Y-Silvan, nơm gâp uănh nâm bu oh nâu răp jăp ngăn, nchih bar pe rplay gay n'hao nuih n'hâm jêh ri mbơh nkoch ma khân may gĭt, aơ jêng nau yô̆ ngăn bơh Brah Ndu. Gŭ nâp hom tâm nau yô̆ nây.

Yuđas 1:20

Hơi phung gâp rŏng, ndâk njêng hom khân may nơm ma nau chroh dŭt kloh ueh khân may. Mbơh sơm hom tâm Brah Huêng Ueh.