I Kôrintô 13:4 - Nau Brah Ndu Ngơi 2023

⁴ Nau rŏng blau ŭn nuih, nau rŏng vay ƀư nau ueh; nau rŏng mâu geh tâm mâu nach, mâu lah n'hao êng păng nơm, mâu sưr rlau,

Bunong Bible Latin Script Cambodian dialect

⁴ Bunuyh i geh nuih n'hâm rŏng ma bu, păng blao ăt nuih, geh nuih n'hâm ueh, jêh ri mâu ôh tâm mâu nach. Bunuyh i geh nuih n'hâm rŏng ma bu, mâu n'hi êng săk, mâu ôh kơp êng săk păng nơm dŭt ta păng dơm.

Bunong

⁴ ឞូនុយ្ស​អី​គែស​នូយ្ស​នហ៝ម់​រ៝ង់​មា​ឞូ ពាង់​ឞ្លាវ​អ៝ត់​នូយ្ស គែស​នូយ្ស​នហ៝ម់​អ្វែស ជេសរី​មោ​អោស​តឹម​មោ​នាច។ ឞូនុយ្ស​អី​គែស​នូយ្ស​នហ៝ម់​រ៝ង់​មា​ឞូ មោ​នហី​អេង​ឆាក់ មោ​អោស​កើប​អេង​ឆាក់​ពាង់​នើម​ទុត​តា​ពាង់​ទើម។

I Kôrintô 13:4 Iomraidhean Croise

Nau Ntơm 30:1

Tơlah H'Rachel saơ păng mâu deh ôh kon ma Y-Yakôb, păng mâu nach ma nur păng, jêh ri lah ma Y-Yakôb: “Ăn may ăn ma gâp geh kon, lah mâu gâp khĭt ro!”

Nau Ntơm 37:11

Phung nâu tâm rmot ma păng, bi mbơ̆ păng kah gĭt nau ngơi nây.

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nau Mprơ Ơm 10:5

Trong păng geh jêng nau ndrŏng ƀaƀơ; Nau Kôranh Brah phat dôih prêh ngăn, păng mâu dơi gĭt rbăng; Păng mưch lĕ rngôch phung rlăng đah păng.

Nau Hôr 10:12

Nau tâm rmot jêng nsônh ma nau tâm djrel, Nuih n'hâm tâm rŏng nkŭm lĕ nau tih.

Nau Hôr 13:10

Nau sưr knŏng ăn tât nau tâm djrel, Bi nau blau mĭn gŭ ndrel bunuyh dơn iăt nau ntĭm nti.

Nau Hôr 17:14

Ntơm bôk nau tâm djrel nâm bu pling ntât dak; Pôri rlu hom nau tâm rlăch êlor păng geh nau tâm djrel.

Nau Hôr 17:9

Mbu nơm tâm yô̆ nau tih, tĭng joi nau rŏng, Ma mbu nơm nkah tay nau nây, tâm nkhah nau rŏng mĭt jiăng.

Nau Hôr 19:22

Nau bu gay ŭch ma du huê bunuyh jêng nuih n'hâm răp jăp, Ueh lơn ƀư bunuyh o ach rlau lơn jêng nơm ngơi mƀruh.

Nau Hôr 31:20

Păng pơk huy ti ăn ndơ kơl phung o ach, Nto ti vơt phung rêh ni.

Nau Hôr 31:26

Trôm mbung păng mbơh ngơi nau blau mĭn, Mpiăt păng ntĭm nti nau rŏng bu.

Nơm Nti 10:4

Tơlah nơm chiă uănh hao ji nuih đah may lơi chalơi ôh, Yorlah nau rdơ̆ rbăn dơi der lĕ nau tih toyh jêh.

Mathay 27:18

Yorlah păng gĭt, yor nau nach, khân păng jao Brah Yêsu jêh.

Kôranh Oh Mon 7:9

Phung chô yau keh nach ma Y-Yôsep, yor ri bu tăch păng njŭn leo tât ta n'gor Êjipt; ƀiălah Brah Ndu gŭ ndrel ma păng.

Samƀŭt Pôl Njuăl Ăn Ma Phung Nsing Ta Ƀon Rôm 1:29

Khân păng bêng ma ăp ntil nau kue, nau tih mhĭk, nau kơnh, nau ƀai; nuih n'hâm bêng ma nau keh nach, nau nkhĭt bunuyh, nau tâm lah tâm djrel, nau mƀruh nchơt, nau hăt janh;

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

I Kôrintô 3:3

yorlah khân may ăt hôm jêng phung nglay săk. Yorlah tâm phung khân may hôm geh nau mâu nach, nau tâm jin; tâm ban pônây, mâu di hĕ khân may jêng phung nglay săk jêh ri gŭ ngao tâm ban ma bunuyh ta neh ntu hĕ?

I Kôrintô 4:18

Geh ƀaƀă bunuyh mbơh ma nau sưr, yorlah mĭn lah gâp mâu mra hăn ta khân may ôh.

I Kôrintô 4:6

Hơi phung oh nâu, yor nau khlay ma khân may, gâp hŏ dŏng lĕ nau nây ma gâp nơm jêh ri ma Y-Apôlôs, gay ma khân may nti tâm hên mâm nau rblang tâm trong: “Lơi rlau luh padih nau ngơi hŏ nchih,” gay ma mâu geh nơm luh nuih n'hâm sưr rlau, kơl an bunuyh aơ tâm rdâng đah bunuyh ri.

I Kôrintô 5:2

Jêh ri khân may bêng ma nau sưr! Ueh lơn khân may nhĭm nhhiăng jêh ri nsot lơi nơm ƀư nau nây luh bơh khân may.

I Kôrintô 8:1

Tât ma nau ndơ ƀư brah ma rup brah, he gĭt pô aơ “lĕ rngôch he geh nau gĭt rbăng.” Ƀiălah nau gĭt rbăng luh nau sưr, ƀiălah nau rŏng ri mơ ndâk njêng.

II Kôrintô 12:20

Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

II Kôrintô 6:6

tâm nau kloh rsang, nau gĭt rbăng, nau srôih, nau ueh, tâm Brah Huêng Ueh, tâm nau rŏng răp jăp,

Galati 5:26

Lơi joi nau lư n'găr mâu nanê̆ gay nsônh jêh ri tâm nuih ndrăng nơm ôh.

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Êphêsô 4:32

Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Philip 1:15

Nanê̆ ngăn, geh ƀaƀă bunuyh mbơh nkoch Brah Krist yor ma nau keh nach jêh ri nau tâm pit, ƀiălah geh đŏng phung bunuyh yor ma nau mĭn ueh mbơh nkoch.

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,

Kôlôh 2:18

Lơi ăn bu ndơm jêh ri ƀư roh nau nkhôm yor phung srôih jan lah ƀư dêh rhêt jêh ri yơk mbah lĕ tông mpăr. Khân păng rnơm ma lĕ nau tâm saơ êng ngăn, bơh nau mĭn nglay săk geh nau sưr rlau dơm dam.

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

I Têsalônik 5:14

Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

I Timôthê 6:4

nây jêng nơm sưr rlau, mâu gĭt rbăng du ntil ndơ ôh; ƀiălah păng geh nau ŭch tâm rlăch, nau tâm djrel tâm nau ngơi, ƀư nau tâm rmot, mâu geh du ai, nau mưch rmot, nau đing djơh mhĭk;

II Timôthê 2:25

nkra nti phung tâm rdâng đah păng nơm ma nau rdơ̆ rbăn, ŭch ma Brah Ndu kơl khân păng rmal nau tih, gĭt năl nau ngăn,

II Timôthê 3:10

Bi ma may, may tĭng jêh nau ntĭm nti, nau gŭ ngao, nau ŭch gŭ rêh, nau chroh, nau srôih, nau rŏng, nuih n'hâm gâp nâp;

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

Yakơ 4:5

Mâu lah khân may mĭn jêng dơm dam nôk Nau Brah Ndu Ngơi lah: “Brah Huêng Ueh jêng Nơm Brah Ndu ƀư ăn gŭ tâm nuih n'hâm he, rŏng ma he kŏ tât geh nau ntôn?”

I Pêtrôs 2:1

Pôri, khân may chalơi hom lĕ nau janh ƀai, ƀlêp ƀlêr, nuih n'hâm nklă, mâu nach jêh ri lĕ nau ngơi nchơt.

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

I Pêtrôs 4:8

Lor lơn, tâm rŏng hom ndrăng khân may dŭt hâu ngăn; yorlah nau rŏng nkŭm brôi âk râk nau tih.

II Pêtrôs 1:7

ntop nau rŏng ndrăng oh nâu ma nuih n'hâm blau yơk, ntop nau rŏng ma nau rŏng ndrăng oh nâu.

I Yôhan 4:11

Hơi phung gâp rŏng, tơlah Brah Ndu rŏng jêh ma he kơt nĕ, ăn he tâm rŏng lĕ ndrăng he.