I Kôrintô 13:2 - Nau Brah Ndu Ngơi 2023

² Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

Bunong Bible Latin Script Cambodian dialect

² Lah gâp blao ntơyh nau ngơi Kôranh Brah, ndrel ma gĭt vât dâng lĕ ndơ i ndŏp mpôn ta Kôranh Brah, nđâp ma geh nau gĭt vât ăp ntil ngăn, jêh ri lah gâp geh nau nsing dŭt kuŏng dơi đă yôk du bơh ntŭk dja gŭ ntŭk êng, tih ma gâp mâu geh ôh nau rŏng ma bu, gâp jêng bunuyh mâu ôh geh nau khlay du ntil.

Bunong

² លាស​គ៝ប់​ឞ្លាវ​នតើយ្ស​នាវ​ងើយ​កោរាញ​ឞ្រាស នទ្រែល​មា​គឹត​វ៝ត់​ទឹង​លែៈ​នទើ​អី​នទ៝ប់​មពោន​តា​កោរាញ​ឞ្រាស នអ៝ប់​មា​គែស​នាវ​គឹត​វ៝ត់​អាប់​នតីល​ងាន់ ជេសរី​លាស​គ៝ប់​គែស​នាវ​ញឆីង​ទុត​ក្វ៝ង់​ទើយ​ដាៈ​យោក​ទូ​ឞើស​នតុក​អ្យា​គុ​នតុក​អេង តីស​មា​គ៝ប់​មោ​គែស​អោស​នាវ​រ៝ង់​មា​ឞូ គ៝ប់​ជេង​ឞូនុយ្ស​មោ​អោស​គែស​នាវ​ខ្លៃ​ទូ​នតីល។

I Kôrintô 13:2 Iomraidhean Croise

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Mathay 17:20

Păng plơ̆ lah: “Yorlah khân may geh nau chroh djê̆. Gâp lah nanê̆ ma khân may: Tơlah khân may geh nau chroh nâm bu du găr trau, khân may dơi lah ma yôk aơ pô aơ: ‘Du hom tă bơh ntŭk aơ tât ta ntŭk ri’ du ro; jêh ri mâu geh ôh nau khân may mâu dơi ƀư!”

Mathay 21:19

Saơ du tơm rvi ta trong, Păng hăn dăch tơm nây, ƀiălah mâu saơ play knŏng n'ha dơm. Păng lah ma tơm play nây: “May mâu mra hôm play đŏng ôh!” Tơm rvi kro ro.

Mathay 21:21

Brah Yêsu plơ̆ lah: “Nanê̆, Gâp mbơh ma khân may, tơlah khân may geh nau chroh jêh ri mâu đing ôh, ri mơ mâu knŏng khân may dơi ƀư nau Gâp hŏ ƀư jêh ma tơm rvi ôh, ƀiălah nđâp ma khân may dơi lah ma yôk aơ: ‘Pư hom bơh ntŭk aơ jêh ri nsăt tâm dak mƀŭt’ nau nây mra tât geh ro.

Kôranh Oh Mon 13:1

Tâm Phung Ngih Brah Ndu ta ƀon Antiôs geh phung nơm mbơh lor jêh ri phung kôranh nơm nti: Y-Ƀarnaƀas, Y-Simêôn, ntơ amoh Y-Niger, Y-Lusius, bunuyh Siren, Y-Manahem jêng oh mât rong hađăch Hêrôt, jêh ri Y-Sôl.

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

Samƀŭt Pôl Njuăl Ăn Ma Phung Nsing Ta Ƀon Rôm 16:25

Mprơ tâm rnê Nơm geh nau dơi ƀư nâp ktang ma khân may tĭng nâm Nau Mhe Mhan Ueh gâp jêh ri ma nau nti lah ma Brah Yêsu Krist, tĭng nâm nau tâm mpơl ma nau khlay ndâp hŏ pôn ndâp jêh ntơm bơh rbăn kăl e,

I Kôrintô 11:4

Ăp nơm bu klâu mbơh sơm mâu lah ngơi nau mbơh lor ƀiălah nkŭm bôk jêng ƀư bêk bôk păng nơm.

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

I Kôrintô 13:1

Nđâp tơlah gâp ngơi lĕ nau ngơi kon bunuyh jêh ri tông mpăr, ƀiălah mâu geh nau rŏng, gâp knŏng tâm ban ma chĭng bu goh mâu lah rgu dăng nteh huy.

I Kôrintô 13:3

Nđâp tơlah gâp tâm pă lĕ drăp ndơ gay ma siăm phung o ach, jêh ri jao săk jăn gâp nơm ăn bu gŭch tâm ŭnh, ƀiălah mâu geh nau rŏng, nau nây mâu khlay ma gâp ôh.

I Kôrintô 13:8

Nau rŏng mâu blau dŭt ôh. Lĕ nau mbơh lor mra lôch, nau dơi ăn ngơi nau bu năch mra nsrŭng, nau gĭt rbăng mra rlau lôch.

I Kôrintô 14:29

Knŏng geh đŏng bar mâu lah pe nuyh ngơi nau mbơh lor dơm, bi phung êng sek uănh nau khân păng ngơi.

I Kôrintô 14:39

Yor nây, hơi phung oh nâu, ŭch hom ma nau yô̆ ngơi nau mbơh lor, jêh ri lơi ta buay bu ngơi lĕ nau ngơi bu năch ôh.

I Kôrintô 14:4

Mbu nơm ngơi nau bu năch ndâk njêng êng păng nơm, ƀiălah bunuyh ngơi nau mbơh lor ndâk njêng Phung Ngih Brah Ndu.

I Kôrintô 15:51

Aơ, gâp mbơh nau khlay nđâp: He mâu mra khĭt lĕ rngôch ôh, ƀiălah lĕ rngôch he mra rgâl

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

I Kôrintô 4:1

Pôri, ăn lĕ rngôch bunuyh uănh ma hên nâm bu phung oh mon Brah Krist, phung mât uănh lĕ nau khlay ndâp bơh Brah Ndu.

I Kôrintô 7:19

Nau koh ntâu mâu lah mâu geh koh ntâu mâu geh nau khlay ôh; nau khlay jêng djôt prăp lĕ nau vay ntăm bơh Brah Ndu.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

II Kôrintô 12:11

Gâp jêng bunuyh brŭt moih! Khân may nchâp gâp kơt nĕ. Di lah ăn khân may tâm rnê ma gâp; yorlah gâp jêng dơm dam, gâp mâu đŏng jê̆ lơn ma phung kôranh oh mon dŭt toyh ri.

Galati 5:16

Pôri gâp lah, nhuat hăn hom tĭng nâm Brah Huêng Ueh, lơi mpay lĕ nau nglay săk ŭch.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 6:3

Yorlah tơlah du huê bunuyh mĭn păng nơm geh nau khlay, tâm nôk păng nơm mâu geh nau khlay, pôri, păng ndơm păng nơm yơh.

Êphêsô 3:4

Dôl rŏ tât nau nây, khân may klăp lah dơi gĭt nau gâp gĭt rbăng ma nau khlay ndâp tâm Brah Krist,

Êphêsô 6:19

Dăn mbơh sơm đŏng ma gâp, gay tơlah gâp hă mbung, Brah Ndu ăn ma gâp geh nau nti lah, jêh ri gâp nănh mbơh nau khlay ndâp bơh Nau Mhe Mhan Ueh;

Kôlôh 1:26

nâm bu ntĭt nau khlay ndâp nây, pôn jêh tâm lĕ rngôch rnôk rô̆ ƀiălah aƀaơ tâm mpơl jêh ma phung kloh ueh Păng.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

I Yôhan 4:8

Mbu nơm mâu blau tâm rŏng mâu mâp gĭt năl Brah Ndu ôh; yorlah Brah Ndu jêng nau rŏng.