I Kôrintô 12:3 - Nau Brah Ndu Ngơi 2023

³ Yor ri, gâp ŭch ma khân may gĭt rbăng, mâu geh du huê bunuyh geh nau ntĭm tă bơh Brah Huêng Ueh Brah Ndu jêh ri lŏ lah: “Brah Yêsu khư rak rtăp!” Tơlah Brah Huêng Ueh mâu ntĭm, mâu đŏng geh nơm mbơh “Brah Yêsu jêng Kôranh Brah!”

Bunong Bible Latin Script Cambodian dialect

³ Kơt ndri dâng gâp ŭch mbơh ăn khân ay may gĭt n'hêl, lah du huê bunuyh geh Brah Huêng Ueh i kloh ueh gŭ ta păng, bunuyh i nây mâu ôh ngơi lah: “Ăn Brah Yêsu geh nau rtăp” jêh ri lah bu moh mâu geh Brah Huêng Ueh gŭ, kŏ mâu geh đŏng bunuyh dơi lah: “Brah Yêsu jêng Kôranh.”

Bunong

³ កើត​នទ្រី​ទឹង​គ៝ប់​អុច​មឞើស​អ៝ន់​ខាន់​អៃ​មៃ​គឹត​នហេល លាស​ទូ​ហ្វេ​ឞូនុយ្ស​គែស​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់ ឞូនុយ្ស​អី​នៃ​មោ​អោស​ងើយ​លាស៖ “អ៝ន់​ឞ្រាស​យេឆូ  ​គែស​នាវ​រាតាប់” ជេសរី​លាស​ឞូ​ម៝ស​មោ​គែស​ឞ្រាស​ហ្វេង​អ្វែស​គុ ក៝ៈ​មោ​គែស​ដ៝ង់​ឞូនុយ្ស​ទើយ​លាស៖ “ឞ្រាស​យេឆូ  ​ជេង​កោរាញ  ”។

I Kôrintô 12:3 Iomraidhean Croise

Nau Mprơ Ơm 109:20

Brah Yêhôva mra plơng bôk phung rlăng gâp tâm ban pônây, Jêh ri ma phung ngơi nau ƀai gay ƀư mhĭk ma nau rêh gâp.

Mathay 22:43

Brah Yêsu ôp: “Pôri, mâm ƀư hađăch Đavit dơi ntrôl ntrŭt tă bơh Brah Huêng Ueh, kuăl păng Kôranh Brah jêh ri lah jêh:

Markôs 9:39

Ƀiălah Brah Yêsu lah: “Lơi ta buay khân păng ôh, yorlah mâu geh ôh bunuyh sŏk amoh Gâp ƀư nau mbên khlay ngăn jêh ri lŏ ngơi mhĭk ma Gâp.

Yôhan 13:13

Khân may kuăl Gâp jêng Nơm Nti, jêng Kôranh Brah. Khân may lah di ngăn, yorlah nanê̆ ngăn Gâp jêng tâm ban pônây.

Yôhan 13:14

Ƀiălah, lah Gâp jêng Nơm Nti, jêng Kôranh Brah, hŏ rao jêh jâng khân may, pôri khân may tâm ban lĕ hăn rao hom jâng ndrăng khân may nơm.

Yôhan 15:26

Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp.

Samƀŭt Pôl Njuăl Ăn Ma Phung Nsing Ta Ƀon Rôm 10:9

Pôri tơlah bâr mbung may mbơh Brah Yêsu jêng Kôranh Brah, jêh ri tâm nuih n'hâm may chroh ma Brah Ndu ƀư ăn Păng dâk rêh tay tă bơh nau khĭt, may mra rklaih yơh.

Samƀŭt Pôl Njuăl Ăn Ma Phung Nsing Ta Ƀon Rôm 9:3

Yorlah gâp ŭch dơi suai rak gâp nơm jêh ri chalơi bơh Brah Krist ntrok an ma phung oh nâu jêng phung ndŭl mpôl gâp;

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

II Kôrintô 11:4

Yorlah, tơlah bu văch mbơh nkoch ma khân may du huê Brah Yêsu êng ma Brah Yêsu hên mbơh nkoch jêh, mâu lah tơlah khân may sŏk dơn jêh du huêng êng đah Brah Huêng Ueh khân may sŏk dơn jêh, mâu lah tơlah sŏk dơn du nau mhe mhan ueh êng ma Nau Mhe Mhan Ueh khân may sŏk dơn jêh, pôri n'hêl nanê̆ khân may ndrăp gay dơn!

II Kôrintô 3:5

Mâu di hên geh nau blau gay mĭn ma hên dơi ƀư du ntil nau ôh, ƀiălah nau blau hên luh bơh Brah Ndu.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Nau Vay Nkah Tay 21:23

ƀiălah mâu dơi cha lat ôh săk jăn khĭt ta klơ tơm si lôch du măng, ƀiălah ăn khân may tâp ro păng tâm nar nây, yorlah mbu nơm bu yông klơ tơm si jêng nơm lĕ Brah Ndu de rak rtăp jêh. Khân may mâu dơi ƀư ƀơ̆ ôh n'gor neh Yêhôva Brah Ndu khân may ăn ma khân may jêng drăp ndơn.”

Nau Tâm Mpơl 1:10

Ta nar Kôranh Brah, Brah Huêng Ueh ntrŭt ntrôl gâp jêh ri gâp tăng pakơi gâp du bâr ktang nâm bu bâr nŭng